نكته صباحيه

اكيد نكته قديمه تكون سمعتها.. منقوله

ثلاثه مساطيل ماشين بالعرض جو يدخل زقاق الزقاق مابيشيلهم بالعرض قالو خلاص نوسع الزقاق الليله. طلعو ملابسهم وقعدو يلزو في الزقاق جاء حرامي شال الملابس , واحد منهم عاين ورا قال ليهم هي لزينا لمن هدومنا بقت مابتتشاف

قديمه صح ؟

حلوه..... أنا شخصيا أوّل مره أسمعها

حلوه مره اول مره اسمعا
النكته الاحلي انت ....
انت منو ؟
بقيت ليك زي ناس البندر البدق الباب اول حاجة بقولا ليك
انت منو ؟؟

مشكوررين
انا ملقب في المنتدى ابوحميد

نكته اليوم
كتكوت بيرقص في الشارع شافه ديك قال ما عندك أهل يربوك قال لا انا تفقيس مكاين

واحد مسطول اتصل على mbc_fm يهدي أغنية بابا فين لجميع الأطفال الأيتام


خروف سأل أمه ماااااااااء وين بااااااء قالت : امباع

اول مره اسمعا
يا أبوحميد ....المهم الجماعة رجعوا كيف من غير هدوم ؟؟
واحد مسطول اتصل على
mbc_fm
يهدي أغنية بابا فين لجميع الأطفال الأيتام

ده مش مسطول ده عديم زوق .... صحكت وأنا وحدي ورأني أحدهم رمقني بنظرة فخجلت ... ولكني قلت له لقد قرأت نكته
والنكات عادة ما تحكى ولكن أيضا في عصر النت هناك النكته المقروءة ولي عذري إن ضحكت لوحدي.

نكتة اليوم

مساطيل في لندن ركبوا باص أبو طابقين .. اللي فوق دق على اللي تحت يقوله :


كم سرعة باصكم ؟ قاله : 80 .. وأنتم ؟ قال اللي فوق : نحنا منتظرين السواق


مسطول قاعد قدام باب البيت جات الشرطه وقالو له انت من اهل البيت ... قالهم لا انا من كفار قريش

ترويح صباحى تشكر عليه.
بس الحكايه شنو يا جماعه النكات كلها عن المساطيل ما تشوفو ناس الكريستال عشان ما يزعلو

غبي اتصل علي الخطوط السودانيه قالهم كم تستغرق رحله الخرطوم طرابلس قالو له لحظه قالهم طيب شكرا

غبي الاستاذ قاله اعرب كلمه باعوضه قال للاستاذ الباء حرف جر وعوظه واحد من الجماعه

مسطول قاعد قدام باب البيت جات الشرطه وقالو له انت من اهل البيت ... قالهم لا انا من كفار قريش

دي خطيرة ....

• مسطل شاف اشارة ممنوع الوقوف انبطح

واحد شغال في شركة زين للاتصالات زوجته جابت بنت سماها شريحه

مدرس العلوم سأل طالب ؟ عرف الخفاش ؟ قال الطالب : فار لابس سيوتر

في صرصورين منومين في غرفه الإنعاش واحد سئل الثاني قاله بف باف قالو لا نعال