ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ام جنقر...طبق اساسى لشباب ابوجبيهة

+11
عثمان محمد يعقوب شاويش
ود النوبة
فيصل خليل حتيلة
زهيرحسن السيد
غريق كمبال
عوض السيد ابراهيم
محمد قادم نوية
محمد سعيد الحاج البشير
حيدر خليل
الفاتح حسن ابوساره
د.الجنيد احمد سليمان
15 مشترك

اذهب الى الأسفل

ام جنقر...طبق اساسى لشباب ابوجبيهة Empty ام جنقر...طبق اساسى لشباب ابوجبيهة

مُساهمة من طرف د.الجنيد احمد سليمان 26th يناير 2010, 13:48

ام جنقر هى طبق شعبى سودانى يصنع اساسا من عيش الدخن ( المفندك) وتشرب شرابا او تؤكل بالملاعق.
الملاحظ اخيرا فى (الحباك) انتشار بائعات ام جنقر فى السوق بعدد كبير وصرن يضفن البلح الى الدخن والكاستر ويعملن خلطة ذات مذاق حلو.اغلب مرتادى محلات ام جنقر هم من الشباب وخاصة الرياضيين.اثناء سير الدورى صار منظرا عاديا ان ترى اغلب لاعبى التيمين متحلقين حول بائعات ام جنقر فى الظهر لكسب اللياقه وتشوف البنات لافات (بالكوار-جمع كورة)على اصحاب الدكاكين والجميل انك بتأكل بأى مبلغ: من خمسين قرش وفوق...
بالنسبة لى حاجة جميلة ...وحلال ..وبترفع لياقة الشباب وبتقوى الدورى
منظر من سوق ابوجبيهة حبيت انكم تتخيلوه.

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty ام جنقر...طبق اساسى لشباب ابوجبيهة

مُساهمة من طرف الفاتح حسن ابوساره 26th يناير 2010, 14:04

التحاياوالاشواق الحارة لك اخي د. الجنيد من على البعد وانتم حقيقة مرتاحين طبعا ام جنقر دي كانت موجودة اساسا في شمال كردفان ودارفور بس ما كانت فيها الاضافات التي ذكرتها ويمكن دي مخصصة للشباب بس يعني ناس السكر الزينا ماعندهم طريقة تحياتي عبرك لكل الحباك وبالله كيف اصبح الحال الان في دكان اخونا عمر تويوتا بعد رحيلة نسال الله له الرحمة والمغفرة
الفاتح حسن ابوساره
الفاتح حسن ابوساره
مشرف تاريخ ابوجبيهه
مشرف تاريخ ابوجبيهه


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف حيدر خليل 26th يناير 2010, 14:07

التحية لك اخي الجنيد وهنيئا لكم وصول ام جنقر للحباك وصحتين واكيد حيكون دوريكم نار

حيدر خليل
نشط مميز
نشط مميز


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف د.الجنيد احمد سليمان 26th يناير 2010, 14:48

سلامات ابوالساره..ومرحبتين حيدر
مرروركم طاعم زى ام جنقر...واكيد عند نزولكم البلد حنمرركم عليها (للتذويق والتوثيق)...فعلا الفاتح شجرة المرحوم تايوتا صارت بائسة بقده(له الرحمة) ويا حيدر ياخوى غيبتك طالت والله.

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف محمد سعيد الحاج البشير 26th يناير 2010, 14:54

يادكتور ماترسل لينا كورة ولاكورتين ويكون فيهم تلج
محمد سعيد الحاج البشير
محمد سعيد الحاج البشير
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف محمد قادم نوية 26th يناير 2010, 15:16

والله ده خبر تمام ام جنقر جات هناك - وياما شربناها في الابيض وام روابة -ويادكتو بس شوف لينا الشيخات لمن نجي
دمتم
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف عوض السيد ابراهيم 26th يناير 2010, 16:29

لك التحيه يا دكتور..... أنا لغاية ما طلعت من ابوجبيهه 1997 كانت مديدة الحلبه بالبلح هى الأشهر عند البائعات فى السوق أما ام جنقر دى تقليعه جديده
عوض السيد ابراهيم
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف غريق كمبال 26th يناير 2010, 20:59

التحيه ليك يادكتور 00امجنقر والبليله وبعد المغرب العقاشى فى السوق القديم وطبعا اول بائع عقاشى كان عمك المرحوم محمد ثانى وكنا نشترى بقرش وتشيل سفوفه 00اين هذه الاشياء الان وكمان الوينا اختفت تماما ولم اراها منذ سنين 00فى زول فيكم بتذكر الوينا 00الايام الجميله 00وحاجات زمان كانت حلوه00ام دا الكبر(بضم الباء)خلانا ما بنضوق00لكم ودى
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف د.الجنيد احمد سليمان 27th يناير 2010, 11:27

شكرا ياحبايب..والله ام جنقر اتفسحت
الخرطوم...الدوحة....السلطنة.....السعودية.شكرا على المشاركة يا ابو السارة ..ول نويه..عوض السيد ...حيدر..فلس(محمد سعيد) ويا غريق الوينا دى دحين ما(قراصة النبق؟)نتوقع
محبتى لكم

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف زهيرحسن السيد 27th يناير 2010, 11:33

التحايا والاشواق لك د/الجنيد
مع ظهور ام جنقر اختفي القدقدو ونحن نطالب بشده عودته الي السوق .

بعدين انت رحلة من السوق الوراء كانت في واحده في دكان عشم الله سابقا بتعمل ام جنقر والان في محلك الجديد في منوا .
تقديري ...
زهيرحسن السيد
زهيرحسن السيد
مبدع مميز
مبدع مميز


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف د.الجنيد احمد سليمان 27th يناير 2010, 11:45

والله يا زهير القدوقدو راقد عند حاجة ميمونة فى النيمة الجنوب المسجد الكبير وفى محلنا الجديد جنب دكان الامين الجعلى عندنا شيخة ستات ام جنقر...لكن السؤال المهم:وين حريفين القدوقدو؟(فرا دا نونو)بلغة اهلنا الهوسا.

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف حيدر خليل 27th يناير 2010, 11:51

د.الجنيد صباح الخير شنو قصتك تطلع من ام جنقر تدخل في القدوقدو
والله يادكتور وجدت القدو قدو في مكة يباع جنبا الي جنب مع القورو والحرفين هنا كتار

حيدر خليل
نشط مميز
نشط مميز


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف د.الجنيد احمد سليمان 27th يناير 2010, 12:12

والله ياحيدر ياخوى قلنا نذكركم بالتراث ماتنسوه لينا مع البلد ام( قزاز بيبسى كبار دى)..قالو لى قزازة البيبسى تقيل فى ضلها..اقرع فلس مايمسكو سكرى

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف محمد سعيد الحاج البشير 27th يناير 2010, 14:02

فلس قلبو حار مابمسكو سكري وماني رياد للبيبسي لكن كان لقيت ام جنقر مابخليها وكذلك فرادا نونو كيف ياحاج عيال طيبين من الحمي, مائة والف وهمسين. تسلم
محمد سعيد الحاج البشير
محمد سعيد الحاج البشير
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty أم جنقر.

مُساهمة من طرف فيصل خليل حتيلة 27th يناير 2010, 14:46

أم جنقر ما بتاكل خريفين!

الجنيد طبعا صاحبك ادم بشير يكون قلب من اللحوم الى ام جنقر.

تحياتى
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف د.الجنيد احمد سليمان 27th يناير 2010, 14:57

حلوة يافيصل
المابتاكل خريفين دى (ام جركم)...الا تشرحها للجماعة..آدم بشير دا كان قالوا ليك بخلى اللحم بتصدق؟ والله كمان مع خوفة السكرى دى بقى لينا مرفعين عديل..محل ما يشوف لحم (ينر) بتعطيش النون.

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف زهيرحسن السيد 27th يناير 2010, 15:43

بس انت مافهمتها يادكتور صحبك فيصل عايز ليه طش بتاع جراد علي ماأعتقد .

تحياتي
زهيرحسن السيد
زهيرحسن السيد
مبدع مميز
مبدع مميز


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty لصحفي بري

مُساهمة من طرف محمد قادم نوية 27th يناير 2010, 16:22

هو صحبك ماعارف الجراد وين البجي نازل ساكت في الحلة!!! وبقرض العيش قريض
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف ود النوبة 27th يناير 2010, 20:20

ياود قادم تتزكر ام جنقر بتاعت سوق ليبيا (خالتو عاشة) اتي ياود قادم بكسر الدال بلغة اهلنا------------ نديكي بي الف ولا سادة (زيادة)
حظكم قلت لي بلدكم فيها ام جنقر كمان ربنا يدومها ليكم انشاء الله
دمتم

ود النوبة
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty دكتور الجنيد ...

مُساهمة من طرف عثمان محمد يعقوب شاويش 31st يناير 2010, 10:18

انت الراقي دائماً ... اسلوبك جميل ومواضيعك حلوة ...وذوقك رفيع ... فضلاً إن كان لديك وقت أو تلفون عبدالمنعم مصطفي الشفيع ... اسعفني به ايها الغالي ... لأن عبدالمنعم صديق عزيز وغالي بالنسبه لي ...عبدالمنعم الصبور والذي لا تغيب البسمة عن وجهه المشرق دائماً وهو عمله نادره ... وبالله تحياتي له وللغالي يحي ابكر ( صموغلي صديقي ابو ظل خفيف) وحبيبي نجيب عبدالرحيمراضي والإنسان السماني ... والذوووق آدم بشير ... معليش من أم جنقر خرمت شويه ...ومعذرة دكتور لأاني تذكرت اصحابي وسرحت .... محبتي ..
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف غريق كمبال 8th مارس 2010, 14:06

طبعا الايام دى قاعدين فى الحباك والضهريه كلها اكل امجنقر وفى موضه جديده 00الموظفين ووجهاء المجتمع بعد العصر يتوجهو شمالا الى معاقل الاقاشى ويتحلقوا امام منازل صانعى العقاشى وهاك يا اكل طبعا حاره من الكانون مباشرتا وشطوط رهيبه 00وده الغداء
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف طارق كمبال 8th مارس 2010, 16:08

يا فلس
حصل الشطوط والبهار والحم المتبل
ام جنقر غزت الخرطوم وسط السوق العربي شارع المطابع ومعاها بليلة مبهرة وتاني حاجة اسمها باكمبة لكن دي ما بتنفع مع ناس السكري
اما الاقاشي في الخرطوم غير جيد
ومن منتجاتنا في العاصمة النبق بصورة لافتة للنظر وكذلك الصمغ العربي واللالوب والعيش الريف من على الجمر في وسط الخرطوم وفي هذة الايام
طارق كمبال
طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف فلس 8th مارس 2010, 16:18

يا ود كمبال مالك داير تجننا بكرة نركب نجيكو علي الاقل نشوف الدهب يمكن الواحد يلقي ليه كعكول دهب,تسلم
فلس
فلس
نشط مميز
نشط مميز


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف طارق كمبال 8th مارس 2010, 18:53

والله يا محمد سعيد اخير تجينا يا زول نمشي نحفر لينا دهب
لكن الجغجقان وين؟؟؟
شكرا يا حبيبنا
طارق كمبال
طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty دهب عيـــار 1000

مُساهمة من طرف الفاتح محمد التوم 8th مارس 2010, 23:55

والله يادكتور الجنيد / طارق / محمد سعيد/ والبقية من الحباب المتلمين حول أم جنقر و مديدة البلح و صحن الفسيخ ..... صحي قصة الدهب في جبل زلط بتاع ضرب النار.........

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف د.الجنيد احمد سليمان 10th مارس 2010, 10:43

والله امجنقر جرت..آى والله يا الفاتح ولو رجعت للمنتدى العام بتلقى تفصيل..ويا الشاويش هاك تلفون عبد المنعم مصطفى(الشلطان قابوس)0914745177 لكم الود

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty يا سلااااام عليك يا دكتور الجنيد ...

مُساهمة من طرف عثمان محمد يعقوب شاويش 10th مارس 2010, 10:51

لكين والله ضحكتني شديد ...فعلاُ بيشبه السلطان قابوس ...شكراً يادكتور على هذا المدد ...ولك تحياتي ...محبتي ...
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف طارق كمبال 10th مارس 2010, 10:57

ام جنقر ياسبب التعب
شفت الجمال وشفت العجب
طارق كمبال
طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف د.الجنيد احمد سليمان 10th مارس 2010, 11:39

والله يا طارق ات احسن زول..فى لحظة واحده تشوف ال(جمال) وتشوف (العجب)..والله عشان تكتمل فرحتك ما باقى ليك الا تشوف (المعز) منبطح

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty ام جنقر طبق اساسى

مُساهمة من طرف التجانى الطيب الزين 10th مارس 2010, 16:11

تحياتى اخى دكتور الجنيد وتحياتى لكل الرياضيين اتحادا ولا عبين وجمهور وبصراحة مع ام جنقر دى إلا تجيبوا ليكم كتيبة شرطة وخلوا بالكم من ناس بلنجةبدون ام جنقر ماشاء الله عليهم ولاهدوا شوية وبطلوا عنف تحياتى الى استاذ جمال حسن وكل جمهور بلنجة ويا حليل زمن الرباع الخمج الفولة وقول لصلاح الياس انشاء الله سويت ليك رباع جديد (على حسن ) عجز وتحية خاصة الى العزيز الحكم الرائع الدرديرى

التجانى الطيب الزين
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف طارق كمبال 10th مارس 2010, 21:02

د.الجنيد احمد سليمان كتب:والله يا طارق ات احسن زول..فى لحظة واحده تشوف ال(جمال) وتشوف (العجب)..والله عشان تكتمل فرحتك ما باقى ليك الا تشوف (المعز) منبطح


هوي يا دكتور هسع الجاب الرقص هنا شنو؟
طارق كمبال
طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف الفاتح محمد التوم 11th مارس 2010, 19:34

أم جنقر طبعاً الدخن المفندك + الأساسيات , وحدين بسووها بالعرديب ووحدين بسووها بالرايب ( الزبادي ) ويالله صنقع بالكورة....رايك شنو يادكتور

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

ام جنقر...طبق اساسى لشباب ابوجبيهة Empty رد: ام جنقر...طبق اساسى لشباب ابوجبيهة

مُساهمة من طرف فلس 11th مارس 2010, 22:36

لكن ياالفاتح ام جنقر باالعرديب او الزبادي حامضة انا قايتو جربتها ماعجبتني لك التحية
فلس
فلس
نشط مميز
نشط مميز


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى