كبدة الابــــــــــــل على طبق من ذهب... سبحان الله

بسم الله الرحمن الرحيم
السلام عليكم ورحمة الله وبركاته
للابل فوائد كبيرة هذه احدى النعم التي انعم الله بها علينا حيث ان لها فوائد كثيرة اكيد الكل يعرف البعض منها وسااضيف الى معلوماتكم هذه المعلومات البسبطة ارجو ان تكون ذا فائدة لكم اضافة الى معلوماتكم .
يعتقد ان للأبل درجة عالية من الذكاء والفطنة فقد لوحظ اذا اصيبت ببعض الامراض فانها تاكل نباتات بعينها اي نباتات معينة تعرفها فتشفى وعندما تلدغها الحيات السامة فانها تختار اعشابا خاصة تمنع السم بل ان شحم الأبل متى ما وضع في مكان ما فانه يطرد الثعابين .
من فوائدها الطبية
ان المدوامة على اكل كبدة الابل يمنع تجمع الماء في العين ويقوي النظر وشحومها مفيدة جدا في علاج البواسيراما البانها فلها قيمة غذائية عالية بالاضافة الى انها علاج لمرض السكر وتعمل كمدرر ومسهل جيد وكذلك يستخدمها البدو لامراض الاستسقاء واليرقان والطحال وفقر الدم وامراض الكبد وتحتوي على مواد مقاومة للبكتيريا حيث انها لاتتلف اذا تركت في جو الغرفة العادي . ارجو ان تكونوا قد افتم مما سبق والحمد لله على ما اعطانا من نعم وتقبلوا احلى تحياتي.

اها جبت ليكم الطريقة بتاعتها

المقادير :

1 كيلو كبدة ابل
شطة خضرا (علي حسب الرغبة)
دكوة (اي كمية )
فلفل اسود مسحون
بصل (تلاتة اربعة ما مهم)
ليمون بارة اصفر كباره
فصين او لاتة قول اربعه توم

الطريقة :

1. تغسل الكبدة بي عرديب او موشك لو لقيتوهو غسل جيد .. حتي تزول زفارة الكبدة والدم ويتغير اللون الي البني الفاتح
2. تقطع الكبدة بعد غسلها بي موية فاترة الي قطع صغيرة حتي يسهل بلعها وهضمها
3. يقطع البصل الي شرائح رفيعة وتضاف اليه الدكوة والفلفل الاسود ويتجعنوا سوا وبعد داك تتعصر فيهم الليمونات ..
4. ندق الشطة الخضرا او نقطعة لي حتت صغيرة وندق معاها التوم لزوم نكهة وكده
5. ممكن تضيف شطة حمرا ليهو لو داير حسب الطلب وتعجنهم كوووووولهم مع بعض .. الكبدة والبصل والدوكة والليمون .

ولا كيف يادكتور ياريت مزيد من الفوائد العلميه

يازول مالك جريت ريقنا خليتني افكر اليوم امشي واجيب كبدة الابل ما مشكلة اقطع 100 كيلو ذهاب ومثلها اياب لانني ساكن بعيد بس وين نلقى المشك.وياريت تفك لي شفرة الاسم الحركي ولو برسالة خاصةمع خالص ودي

رسلي لي قطعتتين تلاته في رساله
بعدين الاسم الحركي لو اتفكه بتخرب الشغله خليه كدا شويه

ما مشكلة بنصبر شوية بس ما قلت لي وين نلقى المشك

والله المشك انا سمعت عنه قبل لاكن مابعرفو والله

يا جماعه المشك دا ما.........!!!!! صعب تلقوهو وانتو قاعدين فى محلكم دا ولا انا فاهم غلط

انا اريد تعريف المشك ؟

السؤال محول لأبن عمى /طارق كمبال لأنو بربى ضان وبيشحنو فى ام جليلى حقت ول نويه..... وطبعا المشك غذاء جيّد جدا للضان

من كبده قلبتوها مشك ؟؟؟مشك شنو عيش ولا دخن ولا بلح افصحوا

معلومة طيبة جدا يا ابو حميد
يا بن عمي المشك ده انا بلقاه وين؟
لكن الزول الجاب الوصفة دي بتاع قعدات هناك في الجو الشرقي مع الشلكاويات
تشتري ليك كبدة من الجزارة وتاني تمشي الجو عشان تجيب ليك مشك وتجي راجع البيت عشان تاكلها وتشرب ليك موية من الزير؟ لا اعتقد
احسن تشتري كبدتك والجو طوالي يظبطوها ليك وتكمل قعدتك وتجي راجع سمعة تمانية
اها يا ابني عمي طقع ولا ما طقع على قول الجنيد

شاكرلك طارق
يعني نقول المشك خمرة اكيد . مدام مربوطه بالجو بعدين انت حاكيها كدا كأنك عندك معرفه تامه بالموضوع أو ..... هههه تحيه خاصه, سمعنا قبل ان اللحم الني بسب مشاكل في البطن من ظمنهم المراره النيه والكبده فنريد دكتور للمسأله هذه اكيد د. طارق عندك معلومه لو ماعنده حنشوف د. الجنيد

صباح الخير يا صديقي
ليس لدي معرفة كبيرة بالموضوع لكن من باب الفضول والملاحظة يمكن ان اقول المشك هو مخلفات الخمر.
وبعدين يا صاحبي انا مامت لكن شفت المقابر
اما اللحم الني وامراضه نحوله لزوي الاختصاص
وانا راجيك على الخاص حسب وعدك يا حبيب

ياهو زاتو يا ابن عمى.
كدى ردو على سؤال غريق

سؤال غريق محول للاستاذ فيصل خليل

معليش يا ابني عمي
انا غير مؤهل فنيا عشان كدة حولت السؤال
لكن انت ذاتك قلت عليكم بالبلح
وما عرفنا ياتو بلح؟

نجيكم من الاخر في موضوع المشك هو مخلفات الخمره (المريسه )
شوفوا لينا فوائد كبدة الابل ياناس .,
بعدين صاحبكم الحركي دا والله حيرنا ...
مره حلة عطوروا ومره الجو ومره المشك ....
ياأخوي انت مالك مع الحاجات دي والناس ديل ....انت شيخ روب خالك ولاشنو ....يازول هوي ...مره الموضوع بتاع البت بتاعت ...حرام ....ومره الغناء....كده فهمنا يازول ....بس اوعي تسألنا من (ام شريتي )

عارفك يا ابن عمى فى مجال المشك غير مؤهل فنيا لكن على الأقل الضان الكنت بتشحنو فى ام جليلى حقت ول نويه كان يتعاطى مشك ولا بدلتو لام جنقر.
زهير يا اخوى انت ضلوعك كلها اتكسرت فى (لندن).

احسن نرجع لي موضوع المشك عوض اخوي ....
وام جنقر والقدقدو....
ولا كيف ياطارق .....

يا حبيبنا زهير
ابن عمي احسن ليه يرجع لموضوع المشك البغسلو بيه الكبدة لندن الجابها هنا شنو؟
اما الضان يا حبيبنا بنشحنو في افراس عربات مارسدس مش ام جليلي بتاعت صاحبك الما مرخصة دي
هي زاتها الخواجة كان داير يعملها كانون لكن ربك لطف طلعة ام جليلي عشان يأزينا بيها في الطريق المعفن ده
لكن الظلط وصل يمين تاني الا كان يربط فيها بقر اللبن عشان ما اياكلن المشك كله نحن دايرين نغسل به كبدتنا البنشتريها من غالب خليل

جابت معها اسماء ثانيه عرفنا المسك ظهر عندنا ام شريتي وام جليلي وام جنقر وام قدوو ؟؟؟ فكو الشفرات

كدى خلى المشك يا ابن عمى أدينا اخبار الظلط الربط البلاد الا بلدنا.
زهير(ما قل بوليس).
عندنا اتنين جرو واطى يا ابن عمى:-
جاويش+ زهير
والبقيه تأتى

يا اخوي انت بتصدقني ؟
الظلط دعاية انتخابية لا اكثر
وللامانة حصل تصليح للمقرح
وهناك كيمان تراب
والظلط العشرين كيلو المضت الان بدت تتقلع
وترى فيها عمليات ترقيع

ولكن عشمنا في المطار