مفاجأة مشروع الجزيرة

نسبة لحوجة مشروع الجزيرة لعدد كبير من اليات الحفر الثقيلة وذلك للعمل فى تنظيف الترعة الرئيسية قبل بداية الموسم الزراعى فقد وافق السيد جمال الوالى رئيس نادى المريخ على اعارة القريدر ( غاسيروكا ) لمدة اربعة اشهر لمشروع الجزيرة مقابل ان يصوت كل اصحاب الحواشات للسيد الوالى فى الانتخابات القادمة حيث ان السيد جمال الوالى مرشح من قبل المؤتمر الوطنى فى دوائر البرلمان الاتحادى بالولاية الوسطى و لما كان قانون الاعارة يشترط فترة 6 اشهر كحد ادنى للاعارة اتفق الطرفان المريخ و ادارة مشروع الجزيرة على ان تعيره الاخيرة بعد اكماله الاربعة اشهر الاولى الى وحدة السدود و ذلك للعمل فى مشروع تعلية خزان الرصيرص وقد وافق السيد مجدى شمس الدين ( المحامى المرن )على تمرير هذه الاعارة رغم انها تمت خارج الفترة المسموح بها تقديرا للادوار القومية و الحيوية التى يمثلها مشروع الجزيرة و تعلية خزان الرصيرص و الانتخابات القومية و قد وجدت الصفقة ترحيبا واسعا من الهلال حيث صرح عدد من لاعبيه بانه يادوب (هدى بالهم) و كذلك وجدت الاعارة الترحيب الحار من مسئؤلى الاستادات و عمال العناية بارضية الملاعب ببورتسودان و عطبرة و مدنى و الخرطوم

أول حاجه هو مجدى شمس الدين(السمكرى) وليس (المرن).
ثانيا جدية ولدنا وانجازاته التى لا يستطيع كائن من كان نكرانها هى وحدها التى ستكون له جواز مرور للفوز فى هذه الانتخابات وبأغلبيه كاسحه كمان.
ثالثا وأخيرا انتو الحارقكم ومنجضكم شنو الزول دا انسان صادق لا بيوهم الناس ولا بيغشّهم ولا انتو قايلنّو زى الملحناتى بتاعكم دا.

أ.عوض والله القريدر بتاعكم دا اذا لقينا يصلح لينا شارع ابوجبيهه يكون ماقصر..الاجرة مدفوعة

تدفعوها من وين يا الفاضل يا اخوى التلحين بقى برماد القروش

يا خوي عوض السيد الشوط التاني في بدايته والمريخ متقدم 3-2 على هلال كادوقلي قلنا ليكم المريخ محتاج لدفاع مش محتاج تسجلو بحاجة الهلال والله يكضب ليكم الشينة مع الأفارقة في دور ال 16 ودور ال 8