كادقلى الصمود تقهر فتية الارباب

مبببببببببببببررررررررروك هلال كادقلى 000فوز مستحق وتاريخى وروض الهلال العاصمى بثنائيه نظيفه ومستحقه وكانو اسود الجبال بحق فلهم التحيه

كان الهلال ضعيفا ومفككا ومرهقا .. وتحيطه المشاكل من كل اتجاه ... ولكن التعويض وارد والغريق قدام ياغريق

نعم روض اسود الجبال اليوم الهلال العاصمي بثنائية نظيفة ...ابدع هلال كادقلي اليوم وانتزع ثلاثة نقاط غاليه ...مبروك كادقلي ...
الله يستر الجماعة ما......؟

مبروك هلال كادوقلي وهاردلك الهلال العاصمي
بالرغم من حزنا علي حبنا الاول الهلال ولكنا فرحنا لهلال الجبال وهذا دليل عافية لكرة ج.كردفان

بتين يا علي تكبر عشان تشيل حملي
اها هلال الجبال ولدنا وهذا الشبل من ذاك الاسد

نعم لقن اسود الجبال الهلال درساً في فنون كرة القدم لن ينساه هذه الايام بعد ان تلاعب به وسحقه بنتيجة تقيلة ؛حيث اثبتت هذه المباراة ضعف الهلال وعدم تقدير لاعبيه بالمسئولية دفاعات اي كلام شوارع مفتوحة يهسل عبورها وحارس مرمي لو لعبو بدونه كان احسن ؛وسط تايه هجوم معدوم اطراف اجنحة دجاج مكسرة ؛فمابال فريق يتهزم بنتيجة مدوية مثل هذه من فريق اكتر من عادي صعد للدوري الممتاز قبل موسمين فهذه فضيحة كبري للبرنس ورفاقه ؛ فماهو استعدادهم وهم ينازلون فريق من العيار الثقيل بعد ايام في دوري الابطال ؛فبعد هذا الاداء الباهت الان كل مشجعي الهلال ايدهم في قبلهم علي مباراة الرد وخوفهم من الكارثة الكبيرة ؛وندعو ربنا يكضب الشينة لكن القادم اخطر

الهزيمه بهذه النتيجه شينه واكثر هلالابى متشائم ماكان يتوقع هزيمة الهلال من هلال كادقلى 2 صفر خطوط الهلال فى هذه المباراه كانت متباعده واللعيبه كانو اشباح 00على العموم الهزيمه كانت حاره ومفاجئه الوسط الهلالابى

أنا شخصيا لم أستغرب لأن هذا هو وضع الفقيد الطبيعى.
وصدقونى هذه هى بداية نهاية أبو الهل وبذكركم الكلام الشين دا

اخوي محمد سعيد
ما تحرق اعصابك مع الصهاينة هم بفرحوا بفوز ولدنا هلال كادقلي على ابيه الهلال الكبير ولكن نحن بنرصعهم لمن يعرفوا حاجة

اخى عوض السيد ابو الهل هو العمود الفقرى للكره السودانيه او قل المرق لو وقع حيتشتت الرصاص وطبعا انتا عارف الرصاص دا ياتو زى هلال كادقلى والهلال (ب) ومش عارف ايه ... حبى لك

خلاص بعد دا قولوا نحن اديناه تلاتة نقاط هدية ...هاك مشرف زكريا دا...وراشد حمدون ...
بعدين نحن ماشالوا مننا تلاتة نقاط..يافلس
الكوره نقاط ,,,واهداف..

ماتفرحوا كتير يازهير التلاتة نقاط دي نحن بنشيلة منكم فتذكر كلامي دا والايام بيننا

بعدين خايفكم تغنوا ..
يانجوم الليل اشهدي علي لوعتي وتسهدي ..

زهير يا اخوى الغنى لسه بعد الارباب يكمل التلحين.
ضحكتنى حبيبى ضحكتنى......... قال ولدنا.....يعنى ولدنا دى يا ول نويه على وزن نقاطنا ولا شنو.
ماجد اخوى الهلال كان كذلك ولكنه الان مجرد هليّل يحاول مجاراة الكبار.
ولعلمك يا ابن عمى يا حبيبى هذا هو حال فقيدكم بدون حكام.
بعدين يا فلس يا ود امى الزعل دا أخرو شويه لأنك لسه ما شفت حاجه والله السنه دى راجيكم جنس لطيش عينك ما تشوف الا النور

يل جماعه براحه التور كان وقع بكترن سكا كينو ودى كبوه لسيد البلد

الزعيم قال ليك براحه أرفع من الجماعه شويه.
انت يا ول نويه مسعول من الخير عمك خدوره ام بشق مالو ما دخل معانا المعمعه دى

انا طبعابسوى المديده حرقتنى 00وصحى عمك وين والجماعه ابو لسان طويل وين

والله يا غريق انا محتار فى بنى زرقان زاغو الزوغه الياها............لكن وحاتك مانا رافعين منهم تب

مرحب كادقلي
عملت شنو اولا الحكم ظلم هلال الارباب والاتحاد ظلم الهلال والهدفين غير صحيحات

ود النو براحه يااخوى كده دى خرخره عديل000شفت المريخ اليوم سوى شنو فى السكارتا بهدفى المتألق كلتشى 00وانا ما مريخابى لكن بقول النصيحه

ياغريق في ناس داير ابرد سمهم الجماعة ما بتحملوا الهزيمة