ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

معقوله يا رجّاله

+2
محمد قادم نوية
عوض السيد ابراهيم
6 مشترك

اذهب الى الأسفل

معقوله يا رجّاله Empty معقوله يا رجّاله

مُساهمة من طرف عوض السيد ابراهيم 13th أبريل 2010, 10:14

القصة الأولى:-

جعلته يتوسد ذراعها ....كان ضوء القمر يغسل وجهيهما.. سافرت مع النجوم البعيدة.. همست له ... كل يوم يزداد حبي لك....تري... هل تحبني مثل ما أحبك؟؟؟ و هل أنت سعيد في زواجك مثلي ؟؟؟؟
رد عليها:- ده ما وكت هزار...عندي شغل كتيير بكرة....


القصة الثانية:-

أدار ظهره لها...كعادته حين يرتوي منها....إلتصقت بظهره و همست في أذنه....(( ربنا يخليك ليا ))...تمتم بكلمات غير مفهومة...همست مرة أخرى....(( عندي مزاج ونسة معاك ))...إلتفت بشدة و هو يقول (( إنتي دايماً توقيتك غلط....هسعده وكت ونسة؟؟؟؟))....
إغرورقت عيناها بالدموع من (( القهمة )) فما كان منه إلا أن صرخ و هو يجر عليه لحافه (( خلاص ح نبتدي الدراما....ما قلت ليكي إنك زولة نكدية ))...!!!


القصة الثالثة:-

قصٌت شعرها الفاحم الطويل...أرادت أن تفاجئه بالنيو-لوك.... تأنقت....تعطرت....إنتظرت عودته....
تناول غداءه صامتاً و إستعد لقيلولته.....لم تجد بداً من سؤاله....(( ما ملاحظ حاجة جديدة فيني ))؟؟؟؟
تأملها لعدة ثواني ثم رد بإستخفاف : (( حركات المُراهِقات دي شنو؟؟ ركٌبتي عدسات؟؟؟؟!!!!))!!!

قصة رابعة:-

طال غيابه...هذه المرة طالت ماموريته خارج البلاد كغير العادة اتصل هاتفيا خلي محمد ود سميرة اختي يجيني في المطار بكرة الساعة 6 مساء )حاضر حبيبي

قضت تلك الليلة لم تذق جفونها النوم ..تخيلت كيف احتضنته وهو خارج من( صالة القدوم) في المطار .. غير آبهة بنظرات الناس وصلت البيت .. ساعدته في تغيير ملابس السفر و و و

المهم منذ الصباح الباكر بعد ان وصلت العيال للمدارس بدأت في تجهيز البيت وترتيبه كالعادة ذهبت الكوفير ولبست اجمل الثياب واستقلت التاكسي نحو المطار ها هو قادم نحوها...

ضايقتها ضربات قلبها حتى اعطت ثغرها فتحة تستطيع استنشاق قليل من الهواء لتريحها ..
ما ان احتضنته الا وقال ( مية مرة ما قلت ليك ما تطلعي براك؟؟)


القصة الخامسة:-

على أنغام أغنية محمد عبده (( إختلفنا مين يحب الثاني أكثر....و إتفقنا...إنتي أكثر و أنا أكثر )) كان يراقصها و يهمس في أذنها (( إنتي أمي و إنتي أختي و إنتي بتي ...إنتي حبيبتي و حتة منى ))...خارت قواها من النشوة...أسندت رأسها على صدره و هي تردد (( و إنت سندي...و إنت سبعي و إنت ضبعي...أنت بابا و إنت ماما و إنت أنور وجدي ))!!!!

أفاقت من غفوتها ضاحكة...و هي تردد (( خير...اللهم أجعله خير))...!!!

القصة السادسة:-

عاد من الخارج و هو يهذي من الحمى...إنفلونزا حادة...صرخ متألماً (( دثروني...زملوني ))...ركضت هي للتخفيف عنه..تحول المنزل إلى غرفة طواريء...هدوء...ممنوع الإزعاج...ممنوع إصطحاب الأطفال......ليمون دافيء...كركديه..عصاير...فطاير...مكمدات...مساج...تد ليك...حنان و تحنان...تماثل للشفاء...عاد من عمله يومها ليجدها تهذي من الحمى...لا بد إنها العدوى...تمتم قائلاً ( (قومي خلي الجرسة و دلع النسوان ده...أمسكي عيالك عليك..تعبان دايرأنوم ))...


القصة السابعة:-

قالت له :" سيقام معرضا للكاتب في دبي الاسبوع القادم .. ما رأيك ان نكتب اسماء بعض الكتب التي لا نقتنيها الان ..."" رد عليها وهو يقرأ الجريدة اليومية .." اكتبي معاك عليك الله أسبيرات العربية.....!"


القصة الثامنة:-

في يوم عيد زواجهم لبست ابهي حللها و تعطرت وتأنقت..فتحت له قبل ان يفتح الباب..وقفت امامه قال لها: زحييا ولية خلينا النخش..دخل تبتعته الى الغرفة التفت اليها نصف التفاتة..قال لها : جني وجن زول يبارنيانت مالك الليلة..
قالت له: ما مذكر الليلة شنو؟ قاليها : لا في شنو؟!!
بخيبة امل قالت له: اليوم عيد زواجنا ..!
سالها: العيال وينهم؟
قالت ليه مع ناس امي. عشان قلت نطلع اليوم نتغدى برة..
قاليها: انا تعبان ما بقدر امرقوما كان تودي العيال ناس امك..
سكتت رن جرس الهاتف
رفعت السماعة وجدت صديقه الذي لا تحبه في التلفون..
سمعته يقول له : اليوم الولية قالت نحتفل بعيد زواجنا
ضحك شديد وتعليق بصوت منخفض مش بالله؟
اوكي اديني نص ساعة بكون معاك.
التفت اليها وقال ساخرج وفي الرجعة بجيب العيال..
تسسسسسسسسسسسسسس نفس البالونة


القصة التاسعة:-

قامت بعمل شاي المغرب احضرته له امامه..قال يريد سكر زيادة. ذهبت الى المطبخ بصعوبة وهى تتوقع ان يبدأ طلقها في اي وقت فقد رأت اشارة للمخاض . وبطنها تخزها قليلا. رفعت يدها نزل الماء صرخت له. اتاها متثاقلا..اتصل بأمها ثم اخذها الى المستشفي متزمرا.. حامل 9 شهور ما لقيتي تلدي الا يوم لعبة الهلال والمريخ..اصلك ذي الديك الما بيعرف الوكت..


القصة العاشرة:-

قالت ليه: عايزاك تشتري لي غساله...!

رد عليها قدام أصحابه: عليكم الله شوفوا دي هي نانسي عجرم غسلت في الطشت لامن انتي....
عوض السيد ابراهيم
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

معقوله يا رجّاله Empty رد: معقوله يا رجّاله

مُساهمة من طرف محمد قادم نوية 13th أبريل 2010, 11:37

تسلم يا ابو السيد فرقت لينا مع الصباح ضحكة كثيراً ؛انشاء الله البسمة ماتفارق شفك كهذا تعودنا عليك بهذه الابتسامات ؛كتّر لينا منها بالله
لك ودي وتقديري
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

معقوله يا رجّاله Empty رد: معقوله يا رجّاله

مُساهمة من طرف عوض السيد ابراهيم 13th أبريل 2010, 11:44

ول نويه صبحك الله بالخير............... شكرا يا حبيب على المرور
عوض السيد ابراهيم
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

معقوله يا رجّاله Empty رد: معقوله يا رجّاله

مُساهمة من طرف nashi 13th أبريل 2010, 12:21

منتظرة تعليق الاخ امين منقه Very Happy
شكرا جزيلا عوض السيد اخوي
nashi
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

معقوله يا رجّاله Empty رد: معقوله يا رجّاله

مُساهمة من طرف حيدر خليل 13th أبريل 2010, 12:34

هذه التصرفات موجودة وليست من نسج الخيال وللاسف في مجتمعنا وهي تدل علي انانية الرجل وعدم استعداده للعطاء انما الاخذ فقط
ومثل هذه التصرفات فيها اهانة كبيرة لكرامة المراة وقد تؤدي الي انهيار كامل للحياة الزوجية.
واقول وللاسف كثيرا ما نقع بطريقة او اخري في نفس هذا المنزلق من حيث ندري او لاندري وبس ربنا يهدينا
ابوابراهيم يديك العافية موضوع مهم جدا

حيدر خليل
نشط مميز
نشط مميز


الرجوع الى أعلى الصفحة اذهب الى الأسفل

معقوله يا رجّاله Empty رد: معقوله يا رجّاله

مُساهمة من طرف د.الجنيد احمد سليمان 13th أبريل 2010, 13:55

اما رجاله قاسين بشكل....بشويش على الحروم...لكن مرات بستاهلن ياحيدر اخوى...بنات الذين...
اما من ناحيه ادبيه يا عوض السيد: دى قصص قصيرة تنم عن خيال واسع وادراك كبير واختزال لملايين الفكر والعبر فى اقل حيز فكرى...دى من راسك ولا من كراسك؟؟؟؟؟؟

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

معقوله يا رجّاله Empty رد: معقوله يا رجّاله

مُساهمة من طرف nashi 13th أبريل 2010, 14:18

لكن مرات بستاهلن ياحيدر اخوى...بنات الذين...

هوي يا زول الله كم؟؟؟؟!!!!!!!!!!!!!!! Very Happy Very Happy Very Happy
nashi
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

معقوله يا رجّاله Empty رد: معقوله يا رجّاله

مُساهمة من طرف محمد قادم نوية 13th أبريل 2010, 14:41

وينك ياجنابو لسع مامرقت من كِترّت بيّن حقتك دي ؟ تعال بالله شوف الكلام دا اسكب لينا فيهو سكربالله؛ ولو السكر غالي ضرضر لينا فيهو ملح كدة انشاء الله
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

معقوله يا رجّاله Empty رد: معقوله يا رجّاله

مُساهمة من طرف nashi 13th أبريل 2010, 14:45

ول ابه نويه بالله امشي سوي صراعك مع ول منقه في دارتكم هناك Very Happy
nashi
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

معقوله يا رجّاله Empty رد: معقوله يا رجّاله

مُساهمة من طرف محمد قادم نوية 13th أبريل 2010, 15:00

هاهاهاهاهاهاهاهاهاهاهاهاا شفتي يا اختي هسي كنت بتكلم مع جنابو ووعدني بجي يكب سكر وعسل هنا
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

معقوله يا رجّاله Empty رد: معقوله يا رجّاله

مُساهمة من طرف nashi 13th أبريل 2010, 15:03

طبعا ما مستعجلة حانتظره وبعدين نشوف Very Happy
nashi
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

معقوله يا رجّاله Empty رد: معقوله يا رجّاله

مُساهمة من طرف د.الجنيد احمد سليمان 13th أبريل 2010, 15:32

يا جماعة ما تقولو لينا (الحوض فوقو بلوم)...تخلونا نتكلم ساكت...أها سكتنا..... وراجين سكر جنابو امين

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

معقوله يا رجّاله Empty رد: معقوله يا رجّاله

مُساهمة من طرف عوض السيد ابراهيم 13th أبريل 2010, 15:46

نورتو البوست يا شباب.....بعدين يا دكتور الجنيد (الله كم).
الدكتوره فى انتظارك يا جنابو منقه والداره كان حرّت ول نويه ببقى ليك سبّارى
عوض السيد ابراهيم
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

معقوله يا رجّاله Empty رد: معقوله يا رجّاله

مُساهمة من طرف محمد قادم نوية 13th أبريل 2010, 16:04

هاهااهاهاها شكرا ياحلوين /دكتور الجنيد وصحبي ابو السيد مداخلاتكم زي سكر جنابو ؛وانت يادكتور بتاً كان داير تتكلم اتلفت ورا وقُدام حتاً بعداك اتكلم
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

معقوله يا رجّاله Empty رد : معقولة يارجالة

مُساهمة من طرف amin_manga 15th أبريل 2010, 07:53

يا عوض السيد يا بتاع المصايب والهواء والمحن بالجد دي اصلا ماااااا معقولة والشغلانة دي ياجماعة دايرة رش جمكسين عديييييل مش سكر ونسأل الله السلامة ونحن يادكتورة بريئين من حنس دا بس عندي ليك تخريمة في العام ...
تحياتي
amin_manga
amin_manga
نشط مميز
نشط مميز


الرجوع الى أعلى الصفحة اذهب الى الأسفل

معقوله يا رجّاله Empty رد: معقوله يا رجّاله

مُساهمة من طرف nashi 15th أبريل 2010, 08:51

والشغلانة دي ياجماعة دايرة رش جمكسين عديييييل مش سكر ونسأل الله السلامة
اها يا ول نويه ويا ود ابراهيم مافي سكر
والدكتور سكت ! لا اسكت الله لك حساً ياخ.
اها الدارة دي وعملنا ليها كنترول امشوا الرياضي Very Happy
nashi
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

معقوله يا رجّاله Empty رد: معقوله يا رجّاله

مُساهمة من طرف محمد قادم نوية 15th أبريل 2010, 09:21

شكراً لك كتير يااختي وانشاء الله الفيه خير ربنتا بكتبو؛؛؛؛؛؛؛؛؛؛؛؛؛؛؛؛؛؛؛؛
وجنابو دا بالله الليلة سكب لينا سكر مع الصباح دا ؛وبقيت تنوع كمان ياجنابو فيها جمكسين وحاجات زي دا ؛ خش اسكيبي منتظرك
لكم مودتي
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

معقوله يا رجّاله Empty رد: معقوله يا رجّاله

مُساهمة من طرف عوض السيد ابراهيم 15th أبريل 2010, 09:53

الرياضى سيظل هكذا لافظا انفاسه لحين عودة أستاذنا الفضل الحاج البشير
عوض السيد ابراهيم
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

معقوله يا رجّاله Empty رد: معقوله يا رجّاله

مُساهمة من طرف nashi 16th أبريل 2010, 13:02

مسئولين من الخير الاخ ماجد عبدالغفار وين؟
nashi
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

معقوله يا رجّاله Empty رد: معقوله يا رجّاله

مُساهمة من طرف عوض السيد ابراهيم 17th أبريل 2010, 07:43

ماجد مشغول مع الانتخابات وسيأتى قريبا
عوض السيد ابراهيم
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

معقوله يا رجّاله Empty رد: معقوله يا رجّاله

مُساهمة من طرف nashi 17th أبريل 2010, 10:30

كان كدي خير
الحمدلله
تسلم ابو ابراهيم
nashi
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى