شئ في الذاكرة

طبعا الكثير منا ياجماعة بيتذكر عمنا ود النيل ( مستشفي ابوجبيهة ) زمان الدكتور الأنسان صديق ، فكان عمنا ود النيل معروف انو اليوم البيكون فيهو حارس لباب الدخول فعماتنا وخالتنا كلهن ( ينق نقن ) من النقة وذلك لعدم الرضا بوجود عمنا ود النيل فى البوابة لأنو ماكانت بتمر عليهو توسلات الخالات والعمات وخصوصا الايام ديك كان صيت الدكتور الفقيد / عون الشريف قاسم مالي الاذاعة ومسامع الناس ، فواحدة من الخالات حاولت بشتي الطرق الدخول للمستشفي لزيارة مريضها وخالتنا طبعا ما عايزه تقطع تذكرة دخول ( عون ذاتي ) وعمنا ود النيل قال ليها لازم تمشي (وتقطئي لي تذكرة الأون الزاكي )
وردد لخالتنا هذه العبارة أكثر من مرة فردة عليه مغتضبة ( ات ياود النيل مالك كده كل يوم مؤذبنا الأون الزاكي الأون الزاكي ) وهو ذاتو الأون الزاكي ده منو وناسكم ديل هم ذاتم ما ارفين ولا حاجة انحنا كل يوم بنسمأ ( نسمع ) فى الرادي أون الشريف أون الشريف واتو اليوم تقولو أون ذاكي ولا شغلكم ده مأكله ساكت وحات الله .
ياجماعة أخونا بشير الحاج ( ايرنبو ) راجل مرجع وكنز كبير جدا لأبوجيهة وحكاويها وأنا متأكد اذا جبتو لينا بشير ما حتملو ابدا من حكاويهو وبشير حفظه الله انسان كل جيل وياريت لو شارك أفراد المنتدي بنوادره وطرائفه

الاخ معتصم مصطفي بابكر
كمل لينا القصص اون ذاكي اون ذاكي ههههههه
منتظرين

الأخ الفاضل معتصم مصطفى بابكر
لك منى الف تحية واتمنى تكون انت والاسرة كلكم بخير.
احب ان اشكرك على الموضوع الراقى بتاع ود النيل رحمه الله.
ولكن ذكرتنى ايام الدراسة فى ابو جبيهة الثانوية العامة ب وفى تلك اليام كنت تردد اغنية المرحوم زيدان ابراهيم. اسير حسنك يا غالى.
صرت اتذكرك دائما عند سماع هذه الاغنية.

اشكرك يا أخى الظريف معتصم

والى لقاء اخر
يعقوب النو حامد

بس دي معقولة يا ود عمتي ؟؟؟!!

وبالجد أخبارك مقطوعة ...

وإنت الظرافة والطرافة ... معزتي لك أيها ...