العهود صونوها / للشاعر الكبير اسماعيل حسن

ابتساماتك ربيع دنياي ياما عشت فيها
فتحت في دربي أشواق الليالي البشتهيها
دي السعادة المن زمان بسأل عليها
بكياني بشبابي بحياتي افتديها


شكرا ول نويه على هذا الكلام الرصين

اسماعيل حسن شاعر ضخم ولا أعتقد أن شاعرااخر ارتقى وتربع على عرش الاغنية السودانية مثلما توهط سماعين ود حسن عليها
شوف قال شنو في طير الرهو
والله يا طير الرهو
ما كت مصدق اني بلقاك يارهو
اشكو ليك من جور زماني
كيف رماني شوف براك شوف الزمن
كيفن بسو
حتى باقي الزاد كمل
والليل طويل طولا غريب مافيه ضو
والريح تنوح فوق الدروب
وا خوفي من صوت الرياح
وكتين تنوح وتسوي او
زيك غريب و الغربة طالت يا مسيكين
متلي يا طير الرهو
التراب ملينا عيشته
اريتني زيك
كل يوم يحضني جو
في بحور الريد نسافر
والمراكب كاسحة ما دام ريحنا نو
نمشي لي أرض الحبايب يا حلاتن
في المغيرب والدنيا ضو
والله اخوي حامد خوالك ديل بيقول كلام عجيب زي ماقال ابوزهور التقول مساطيل
ول نويه شكرا علي ابداعك وتميزك

يا ول نوية قرينا ما بين السطور والمغزي من البوست علي مسؤلية كاتبه هذا والله اعلم

قصيدة جميلة
انشاء الله يا محمد عهدك يصان ووعدك يحافظ عليه
شكرا