ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

زوله......الى فيصل خليل

+3
محمد قادم نوية
فيصل خليل حتيلة
د.الجنيد احمد سليمان
7 مشترك

اذهب الى الأسفل

زوله......الى فيصل خليل Empty زوله......الى فيصل خليل

مُساهمة من طرف د.الجنيد احمد سليمان 25th مايو 2010, 15:50

زوله...
بتدخلك
زى السقط...
وتمرقك...
تغسلك بموية ملح
وتانى ترجعك
لجوف العتامير
فى قفص صدرك
وتوخزك..
بابر النحل البدندن
تلسعك.
جواك غرف
عاملات وملكة
بتسكنك
تمرق منك مرض السنين
تخدر طحالب وجع بطنك
تصقلك
تفرشك فى سوق الله اكبر
للغاشى والماشى بتعرضك
تمتحن فيك عزة النفس الابيه
وقوة احنمال الاسيه
تختبر فيك حد الوفاء
والاصطفاء...
حدد مواقفك
واضبط موازيين الاشتهاء
يا هى....
يا الانتهاء
زوله..
باعتك
وتانى ترجع تشتريك
عشان تدخلك.....
هى بتشتهيك

ابوجبيهة 9/7/2009

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

زوله......الى فيصل خليل Empty الجنيد.

مُساهمة من طرف فيصل خليل حتيلة 25th مايو 2010, 16:07

لك الحب ايها العزب.

شكرا على الاهداء و هاك دى .......

يا مشتت في بلاد نائية و بعيده
ياململم في خواطر بت تفرفر في قلب عاشق موزع بين عيونا وبين قصيده
احكي عن هاجس نهارك
وكيف بتفلت من حصارك
و المساءات التكثف لي ودارك والصباحات عندك شريده
و كيف خطاويك التوقع لليالي حزن نشيده
ما مشت في درب وصل و إتسكعت في منفي قيده
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

زوله......الى فيصل خليل Empty رد: زوله......الى فيصل خليل

مُساهمة من طرف د.الجنيد احمد سليمان 25th مايو 2010, 16:18

الله الله يا فيصل على الابداع والجمع بين الضدين (الشتات واللملمة):
مشتت فى بلاد نائيه...
وململم فى خواطر بت....

واظنه الشتات مهزوم مادام البعيد ململم فى جوانح بنيات لا بد الحنين يعيده ليهن.....

حلوه (أيها العزب) دى..اول مره قريتها (العزابى)..كما اتذكرت (بت الدقى)كان قلت ليك شوف لينا واحده فى البنادر..
لك الود

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

زوله......الى فيصل خليل Empty رد: زوله......الى فيصل خليل

مُساهمة من طرف محمد قادم نوية 25th مايو 2010, 16:24


لك التحية ايها الشاعر المتفرد صاحب الكلمات الوسيمة ؛من اين هذا الطوفان المتجدد يادكتور فهل لنا من مذيد؟
وشكراً ليك ياعزيزي علي اضافتك التي ابقت الزولة حاجة تانية
لكما تحياتي
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

زوله......الى فيصل خليل Empty د.الجنيد.

مُساهمة من طرف فيصل خليل حتيلة 26th مايو 2010, 10:52

الجنيد يا صديقى كم انت رائع.الذى يسمى بالسهل الممتنع هذا من اين اتيت به

أهى ابوجبيهه ( الحباك ) ام انها بت الدقى يا جميل.

مافى ليك حاجة تشمها قدحة ( بكلم ليك الجماعة )

تمرق منك مرض السنين
تخدر طحالب وجع بطنك
تصقلك
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

زوله......الى فيصل خليل Empty رد: زوله......الى فيصل خليل

مُساهمة من طرف أزهرى الحاج البشير 26th مايو 2010, 12:11

راحت عليكم .... يا جنيد ويا فيصل فقط بقي هذا الكلام الجميل.
أزهرى الحاج البشير
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

زوله......الى فيصل خليل Empty الى زعيمنا.

مُساهمة من طرف فيصل خليل حتيلة 26th مايو 2010, 12:24

وينك يا عمدة و الله المنتدى فاقدك شديد.

و الله يا ابوالزهور فعلا راحت علينا. والله يكتر من امثال الجنيد و امثالك.

حبى
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

زوله......الى فيصل خليل Empty رد: زوله......الى فيصل خليل

مُساهمة من طرف أزهرى الحاج البشير 26th مايو 2010, 12:36

والله غصبا عني وأشتاقكم وأعوج فأبكي فأعرف للشعر فضله

أسرب القطا ؟ هل من يعير جناحه ؟
لعلي إلى من قد هويت أطير .......
أزهرى الحاج البشير
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

زوله......الى فيصل خليل Empty رد: زوله......الى فيصل خليل

مُساهمة من طرف د.الجنيد احمد سليمان 26th مايو 2010, 12:53

فيصل ..ول نويه....المبدع ابو الزهور
اضفتم للبوست القا وبهاء
بكم ومعكم فقط يصير للحياة معنى ..
ابو الزهور: يا ليتنى كنت من سرب القطا...لكنت منحتك اجنحتى لتطير الى من تحب....
يحفظم الله ويحفظ من تحبون

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

زوله......الى فيصل خليل Empty رد: زوله......الى فيصل خليل

مُساهمة من طرف الفاتح محمد التوم 26th مايو 2010, 13:10

ايها الرائعون ,,,, بريدكم وانتو متلمين " أزوال يتلهف الشوق للقياكم"...
د. الجنيد / فيصل / حادينا الذاكر المستنير أزهري .....
وماذا بعد
يازولة يا وجه السعد
شباكنا
اشتاق طلتك
وجـــدلتك ؟
يازولة يا وجه السعد
بين صفحاتي
معلقة
بترسم لمسات جبينك
بسمتك
بتتأمل الشفق
المغيب
محتارة تترقب
تسمع خطوك ورجعتك
يازولة ياوجه السعد
يــا ال
طلعتي
من جواي
أســـــــأي
فريتي الحزن
في كل الدروب, ووراك مكسرة ضلفتك
للجميع الود...

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

زوله......الى فيصل خليل Empty ايه الالق يا عالم.

مُساهمة من طرف فيصل خليل حتيلة 26th مايو 2010, 13:29

يبدو ان د.الجنيد لمس اوتارا تثير الشجون.

هذا البوست لا يعلم مداه الا الله سبحانه و تعالى.

الله يجيب العواقب سليمة يا فاتح

حبى
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

زوله......الى فيصل خليل Empty رد: زوله......الى فيصل خليل

مُساهمة من طرف moneertom 26th مايو 2010, 14:09

واضبط موازيين الاشتهاء
يا هى....
يا الانتهاء
زوله..
باعتك

يا لروعتك يا دكتور
زي ما قال فيصل رجعت للمنتدي صباه
moneertom
moneertom
نشط مميز
نشط مميز


الرجوع الى أعلى الصفحة اذهب الى الأسفل

زوله......الى فيصل خليل Empty رد: زوله......الى فيصل خليل

مُساهمة من طرف غريق كمبال 26th مايو 2010, 14:19

الشدر الكبار فيه الصمغ يا ابو الزهور الجماعه ديل الجنيد وفيصل انا عارفهم عتدهم بلاوى كده يا ابو الزهور خصصوا نافذه لمبدعى ابو جبيهه خلى الجماعه ديل يدونا آخرهم
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

زوله......الى فيصل خليل Empty رد: زوله......الى فيصل خليل

مُساهمة من طرف د.الجنيد احمد سليمان 26th مايو 2010, 14:33

(يــا ال
طلعتي
من جواي
أســـــــأي
فريتي الحزن
في كل الدروب, ووراك مكسرة ضلفتك)....حولا
يا اخوانا...احبكم...وصلتونا مرحلة ان يضحك الانسان وحده منتشيا..احيانا اضطر لقفل باب المكتب واحيانا اطلقها مجلجلة..فيسألنى الزملاءواقول: براى...مبسوط..فى حاجه
منير.. هذ الابداع غيضا من فيضكم..
يا الفاتح عليك الله كتر لينا من جنس دا...خلى فيصل ينتشى

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

زوله......الى فيصل خليل Empty رد: زوله......الى فيصل خليل

مُساهمة من طرف محمد قادم نوية 26th مايو 2010, 14:56

دكتور الجنيد0000000000
طربٌ ، ونغمٌ سرى في الذات ، وحلق بها العنان..
أنفاس ربيعية ، وتراجيديات بديعة ، وألق مميز..
وفقك الله ، وإلى الأمام على الدوام0000000
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

زوله......الى فيصل خليل Empty رد: زوله......الى فيصل خليل

مُساهمة من طرف الفاتح محمد التوم 13th يونيو 2010, 15:22

عزيزي صاحب المعزة و المودة في السويداء..... فيصل.
شايفك داخل من قبيل امكن ساعة ونص , إنتا بتقرا ولا بتبكي ولا خاتي اسمك دخول تمويه؟؟؟؟..... حمد الله على سلامتكم من مشوار المبادرة والمؤاذرة......" دايماً كبيــر "

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

زوله......الى فيصل خليل Empty مشرع الحلم الفسيح.

مُساهمة من طرف فيصل خليل حتيلة 14th يونيو 2010, 08:40

الى شخص بقامة وطن اليك ايها الفاتح فأنت تسكن مساماتنا و دروبنا.

تحياتى.

********************
يا مشرع الحلم الفسيح

أنا بينى مابينك جزر

تترامى .. والموج اللّديح

القدرة والزاد الشحيح

كملتو .. ما كِمل الصبر

نتلاقى فى الزمن المريح

ميعادنا فى وش الفجر

********

يا مشرع الحلم الفسيح

يا بعض منى .. وفينى ساكن

أنا أصلى منك ومشتهيك

وبيناتنا ليل الغربة ... داكِنْ

هبّت هبوبك

أفتح شبابيك المساكن

وسـِّع دروبك .. ولـِّع مصابيح الأماكن

***********

يا مشرع الحلم الفسيح

يومنا النـّهِـبْ .. أسلِبنا خوفنا

كبـِّرنا قدرك .. مرتين

وطـِّول قدر كتفك .. كتوفنا

يا غضبة الرعد البيسكن .. فى غناوينا وحروفنا

ضوِّى الدساكر والضفاف

عبِّى الحناجر بالهتاف

سدِّد مسامات الرِّعاف

نوِّر مغاراتنا وكهوفنا

**********

يا مشرع الحلم الفسيح

أنا وإنت .. والمطر الفصيح

حنطوِّع الزمن القبيح

ناخد بعض .. شكل السما

حدِّثنى دايماً .. كلما

تنشف على البر الضفادع

يهجر الضو المواضع

وتسقط من الكف .. الأصابع

حدثنى دايماً كلما

تحرد مراسيك السفن

تسكن مرافيك الزعامات .. الدُمى

حدثنى لو تاهت خطانا .. على الدروب المبهمة

أو ربما

تهدم آلات الشوارع .. وترجمْ العُزّى الصواقِع

حدثنى لو صادف الكى المواجع

وضلك على الساحل رمى

حدثنى لو مطرك هما

علمنا دايماً كلما

نبذر على أرضك شهيد

يطلع شمس .. يبهر بأنوارو السما
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

زوله......الى فيصل خليل Empty رد: زوله......الى فيصل خليل

مُساهمة من طرف محمد قادم نوية 14th يونيو 2010, 10:56

زوله......الى فيصل خليل 47دا كلام نار منقد عدييل يا عزيزي000000000
مالو لو اديتنا حاجة كدة من اسماعيل حسن او عوض احمد خليفة00000000
ولكم ودي
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

زوله......الى فيصل خليل Empty رد: زوله......الى فيصل خليل

مُساهمة من طرف الفاتح محمد التوم 14th يونيو 2010, 15:30

التحية للمرهف محمد نويه....
فيصل يا بوح النفس في حضن الوطن النحيل
الظل
- محمود درويش -
الظلُّ، لا ذَكرٌ ولا أنثى
رماديٌّ، ولو أشعلْتُ فيه النارَ...
يتبعُني، ويكبرُ ثُمَّ يصغرُ
كنت أمشي. كان يمشي
كنت أجلسُ. كان يجلسُ
كنت أركضُ. كان يركضُ
قلتُ: أخدعُهُ وأخلعُ معطفي الكُحْليَّ
...قلَّدني، وألقي عنده معطفَهُ الرماديَّ...
استدَرْتُ الى الطريق الجانبيةِ
.فاستدار الى الطريق الجانبية.
قلتُ: أخدعُهُ وأخرجُ من غروب مدينتي
فرأيتُهُ يمشي أمامي
...في غروب مدينةٍ أخرى...
فقلت: أعود مُتّكئاً على عكازتين
فعاد متكئاً على عكازتين
،فقلت: أحمله على كتفيَّ،
...فاستعصى...
فقلتُ: إذنْ، سأتبعُهُ لأخدعهُ
سأتبعُ ببغاء الشكل سخريةً
أقلِّد ما يُقلِّدني
لكي يقع الشبيهُ على الشبيه
فلا أراهُ، ولا يراني.


الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

زوله......الى فيصل خليل Empty رد: زوله......الى فيصل خليل

مُساهمة من طرف الفاتح محمد التوم 12th يناير 2012, 16:22

أسرب القطا ؟ هل من يعير جناحه ؟
لعلي إلى من قد هويت أطير ........

إنتو شيخنا وعمنا أبو الزهور ده ....خبارو الأيام دي ؟؟؟


الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

زوله......الى فيصل خليل Empty رد: زوله......الى فيصل خليل

مُساهمة من طرف فيصل خليل حتيلة 12th يناير 2012, 16:50


نعم يا شهاب لعله الشديد القوى

افتقدنا ابوالزهور كثيرا و نحتاجة كثيرا

شكرا يا شهاب على رفع البوست ترحابا بالجنيد








فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى