مصطلحات شبابية جديدة00000000000
+9
أزهرى الحاج البشير
nashi
زهيرحسن السيد
moneertom
حيدر خليل
عوض السيد ابراهيم
الفاتح محمد التوم
فيصل خليل حتيلة
محمد قادم نوية
13 مشترك
صفحة 1 من اصل 1
مصطلحات شبابية جديدة00000000000
من طرف محمد قادم نوية 26th مايو 2010, 16:24
ضفادع+نحل+دبايب +ضهب + مظلات = شخص يفرض نفسه ويتواجد فى كل مكان (زول ما معزوم )
مرطّب= مرتاح أو بحاله ممتازه.
ربه=حفله.
دكاكينيه= خاصه.
ياعمك= ياأخونا.
كهارب+حنه +فله + ضحاكات + قنزب + شرتيت= فلوس اونقود.
هكر+شجر= زول قديم.
قلب= أنسان عزيز.
شتت+تلاشى= ذهب أوغاب.
شاكوش او همر =عندما يقابل شخص بالصد والرفض خصوصا من فتاه.
شديد+دسيس+مكسب + زابط = أمرجميل رايع.
تفاتيح+شرامه= الشخص الذى يدعى معرفته بالامور.
هوى بارد= شى لاتحمد عقباه.
القسم+القرد+غرز = أسماء لرقصات شبابيه.
قائد الاسطول= مسطول
سكروتا + مسنن = سكران حمانا الله واياكم .
سحلية + حربويه = البنت التى تفرط من أستخدام مستحضرات تفتيح البشره.
نجرته + بيكمون + عقربه + غنمايه + الناموسة = البت الشينه
عشمانا+غدمبليه+سفاسف + جومة + عضة = اكل او طعام
مهوى= جائع.
كبايه + كبابه = أنسان يتوتر بتعامله مع الجنس اللطيف.
لغم= أنسان صاحب تخريب وتدمير. او انسان ما مرحب بيو في الحته
تبشه= شخص(عوير(
مسطح= شخص لم يفهم ال م وضوع.
فاره + فرندقس ساي = شخص لا يعرف شي
الجلكين = الوالد
الجلك = الشخص الكبير
الألفة = الأخ الكبير
حرس الصيد = الحبوبة
الطيارة =من لا حبيبه له
شرط للأرض ==سمحة شديدة .
حنااااك == يعني زول لسانو حلو
الحنك شنو = الموضوع شنو او الخبر شنو
بُقاقه = بنت سمحة
نار منقد + نجاضه + شديدة = يعني بت سمحة شديد
خوجلي عثمان : تعنى الخجل الشديد
عشه الفلاتية : تعني وجبة العشاء
فاطنة الحاج: تعني الفطور
الفاتح النقر: التجاهل
عبد العظيم حركة : عامل حركات
عمر إحساس : متحسس شوية
زيدان إبراهيم : تعني الوصلة : زيادة الأكل
صلاح مصطفي: الإصلاح بين شخصين
على السقيد : شخص يحب السهر
كمال ترباس : قفلت الموضوع
عقد الجلاد : عقد الزواج
عبد الكربم الكابلي:انسان طيب
صديق منزول : النزول
زيادة حمور : زيادة في السعر
أبو القاسم الشابي = قسمة الأشياء وبالتساوي
محمد مسكين= الشخص المسكين
جوزيف لأقو =مجازفة
جيبب بحنة + حبكة = آلف جنيه
الحمرا =خمسة آلف
الزرقاء= عشرة آلف
هاجر كباشي= عشرين
نانسي عجرم= خمسين
متر= مائة
محمد قادم نوية- مشرف منتدى الصوتيات
كم انت رائع يا نويه.
من طرف فيصل خليل حتيلة 26th مايو 2010, 16:31
ضحكتنى شديد و عليه ليك على اول ما تجى السودان ليك عندى هاجر كباشى.
طبعا بالنسبة لموضوع اشرف ياخد عليه نانس عجرم و قصيدة الجنيد متر لانه
نار منقد
تحياتى
طبعا بالنسبة لموضوع اشرف ياخد عليه نانس عجرم و قصيدة الجنيد متر لانه
نار منقد
تحياتى
فيصل خليل حتيلة- مشرف إجتماعيات أبوجبيهة
رد: مصطلحات شبابية جديدة00000000000
من طرف الفاتح محمد التوم 26th مايو 2010, 20:05
مساء الخير ياقلب..موضوعك صراحة دسيس... عندي سؤال ليك بس أنا عامل خوجلي عثمان لكني حأسلك :السنةدي قالوا نازل السودان في عقد الجلاد وكده؟ عشان نفرح بيك يافرده " طبعاً فردة دي مانازله في القاموس بتاعك ده ياحبه"...
الغـــالي محمد نوية ......" فعلاً دخلتنـــا جو..و شرطتّ مصارينا بالضحك يا ود نوية"
مع خالص ودي وحبي لشخصك المتفرد ,,أشكرك للإبداع من قاموس المصطلحات الشبابية الجديدة
الغـــالي محمد نوية ......" فعلاً دخلتنـــا جو..و شرطتّ مصارينا بالضحك يا ود نوية"
مع خالص ودي وحبي لشخصك المتفرد ,,أشكرك للإبداع من قاموس المصطلحات الشبابية الجديدة
الفاتح محمد التوم- مشرف المنتدى السياسى
رد: مصطلحات شبابية جديدة00000000000
من طرف عوض السيد ابراهيم 27th مايو 2010, 08:42
ول نويه يا (مكسب) انت نازل تعمل (عقد الجلاد) ولا حتعمل للبنيه(شرحبيل احمد).
شكرا ليك يا تفتيحه
شكرا ليك يا تفتيحه
عوض السيد ابراهيم- مشرف المنتدى العام
ايه الابداع دا يا فرد.
من طرف فيصل خليل حتيلة 27th مايو 2010, 08:55
والله التلاتة لافنها ( بكرتين )
دا اجمل صباح منذ اكثر من شهرين.
ربنا ما يحرمنا منكم.
تحياتى
دا اجمل صباح منذ اكثر من شهرين.
ربنا ما يحرمنا منكم.
تحياتى
فيصل خليل حتيلة- مشرف إجتماعيات أبوجبيهة
رد: مصطلحات شبابية جديدة00000000000
من طرف حيدر خليل 27th مايو 2010, 09:15
جوزيف لاقو دي حلوه يا عبدالكريم الكابلي
حيدر خليل- نشط مميز
رد: مصطلحات شبابية جديدة00000000000
من طرف moneertom 27th مايو 2010, 10:12
اول شي عملتو طبعت البوست وعلي المحفظه عدل ....
عشان نقدر نتونس معاكم يا فيصل ...
ما نطلع فرندقس
لاني عامل صديق منزول في رمضان واوعه تعمل لي فيها مشغول . . .
كل شي ولا الفاتح النقر
واكيد رمضان ده ما بمربدون فاطنه الحاج
ول نوية قطع شك اخد ليك قعده في جنينة فرعون ( الشجرة الجنب القيفا )
عشان نقدر نتونس معاكم يا فيصل ...
ما نطلع فرندقس
لاني عامل صديق منزول في رمضان واوعه تعمل لي فيها مشغول . . .
كل شي ولا الفاتح النقر
واكيد رمضان ده ما بمربدون فاطنه الحاج
ول نوية قطع شك اخد ليك قعده في جنينة فرعون ( الشجرة الجنب القيفا )
moneertom- نشط مميز
رد: مصطلحات شبابية جديدة00000000000
من طرف زهيرحسن السيد 27th مايو 2010, 10:19
ول نوية ...خطير ...انت الحاجات دي بتجيبها من وين ...ذي ماقال فيصل دي بي (كرتين )ولا شنو ...
بعدين يافيصل اعمل حسابك من (الطاره)ماتوديك (الرج)
تحياتي ....
بعدين يافيصل اعمل حسابك من (الطاره)ماتوديك (الرج)
تحياتي ....
زهيرحسن السيد- مبدع مميز
منير !!!
من طرف فيصل خليل حتيلة 27th مايو 2010, 10:27
الله يجازى محنك يا منير.قلنا الجنيد و عوض السيد ظهر حيدر خليل و منير.
فيصل خليل حتيلة- مشرف إجتماعيات أبوجبيهة
رد: مصطلحات شبابية جديدة00000000000
من طرف محمد قادم نوية 27th مايو 2010, 10:36
شكراً لكم يافِرد علي مروكم الدسيس دا000000000
بس حبينا ننقلكم شوية كدة للاجواء دي ومن عناء الشغل وكدة ؛وفي مرة اخري سنستعرض بالتفصيل لهذه المصطلحات
* بعدين يا ابوالسيد ماتتخافو تقولو بنعمل فيكم شرحبيل وكدة جاينكم
تحياتي
بس حبينا ننقلكم شوية كدة للاجواء دي ومن عناء الشغل وكدة ؛وفي مرة اخري سنستعرض بالتفصيل لهذه المصطلحات
* بعدين يا ابوالسيد ماتتخافو تقولو بنعمل فيكم شرحبيل وكدة جاينكم
تحياتي
محمد قادم نوية- مشرف منتدى الصوتيات
رد: مصطلحات شبابية جديدة00000000000
من طرف nashi 27th مايو 2010, 10:52
ده شنو ده يا جماعة ؟
الحاصل شنو؟
محمد نوية جيبتو من وين ؟
والله حيرني حيدر خليل ذاااااااتو!طبعا "عمو" فيصل
ما حيرني ولا حاجه 
الحاصل شنو؟
محمد نوية جيبتو من وين ؟
والله حيرني حيدر خليل ذاااااااتو!طبعا "عمو" فيصل
ما حيرني ولا حاجه 
nashi- مشرف المنتدى الرياضى
رد: مصطلحات شبابية جديدة00000000000
من طرف حيدر خليل 27th مايو 2010, 11:24
دكتورة لك التحية والود و ماتتحيري ولا شئ طالما انحنا في هذا المنتدي حنشوف حاجات عجيبة غريبة بس اكيد حاجات جميلة.
حيدر خليل- نشط مميز
رد: مصطلحات شبابية جديدة00000000000
من طرف أزهرى الحاج البشير 27th مايو 2010, 12:15
المهم يا ول نوية عقد الجلاد راجيك وما تعمل زغبير
أزهرى الحاج البشير- مشرف عام
رد: مصطلحات شبابية جديدة00000000000
من طرف فلس 27th مايو 2010, 12:37
والله ياود نوية بالغت وشقيت الصلعة
دي بكرت ولاكرتين
والله انت حافظ عبيد عديل
لكن بعدين ماتعمل زغبير
بعدين ماتنسي دموع غبوش
لان عقد الجلاد في انتظارك
دي بكرت ولاكرتين
والله انت حافظ عبيد عديل
لكن بعدين ماتعمل زغبير
بعدين ماتنسي دموع غبوش
لان عقد الجلاد في انتظارك
فلس- نشط مميز
رد: مصطلحات شبابية جديدة00000000000
من طرف د.الجنيد احمد سليمان 27th مايو 2010, 13:18
والله يا ود نويه ضحكتنا...أنت آ اخوى قاعد فى (السوق العربى) حق السعودية ولا شنو....لا من تجى (عقد الجلاد) جيب معاك آخر نسخه
فيصل:رسل المتر سريع
فيصل:رسل المتر سريع
د.الجنيد احمد سليمان- نشط مميز
رد: مصطلحات شبابية جديدة00000000000
من طرف اشرف بشرى إدريس 27th مايو 2010, 13:43
ول نويةتحياتي موضوع رائع ياحبة
د.الجنيد يا زول المتر دا أحسن ليك تاخدو فكة..إما 2 نانسي عجرم أو 5 هاجر كباشي
.انا غايتو مستني نانسي عجرم فيصل اوعا من زغبير .
د.الجنيد يا زول المتر دا أحسن ليك تاخدو فكة..إما 2 نانسي عجرم أو 5 هاجر كباشي
.انا غايتو مستني نانسي عجرم فيصل اوعا من زغبير .
اشرف بشرى إدريس- مبدع مميز
رد: مصطلحات شبابية جديدة00000000000
من طرف د.الجنيد احمد سليمان 27th مايو 2010, 14:32
والله يا اشرف يا أخوى وصيتك مقبوله...وكان فى طريقه فيصل يفك لينا المتر ب(10 نانسى عجاج) يكون كتر خيره
(10 نانسى عجاج فى اليد ولا بت عجرم طايره)
(10 نانسى عجاج فى اليد ولا بت عجرم طايره)
د.الجنيد احمد سليمان- نشط مميز
رد: مصطلحات شبابية جديدة00000000000
من طرف اسامة المغواري 27th مايو 2010, 14:50
ديييييييييييييييييييشك مترجم دا كتب منو معلم ليك مي عمر دي عارفة
اسامة المغواري- نشط ثلاثة نجوم
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى