نفسي في داخلك اعاااااااااااين

نفسـى فـى داخلـك أعايـن
وأروى روحى وأشوف منابعك
يــــــا ســــــلام
الصحرا فى عينيا تتواثب جناين
ماخدة صوتـك مـن جـداول
وما خدة صورتك من كهـارب
مـولـداً ميـدانـو حـافـل
كـلـمــا يـصـبِّــح ...
تجيهـو الـنـاس جحـافـلْ
يـا سـلام .... يـا ســلام

لمّـا تعبـرى فـى الشـوارع
شوفى كيف النـاس تصـارع
ناس تطفِّـر .. ونـاس تدفِّـر
فى البشابـى علـى نجومـك
وفى البخبْ .. كايس تخومِـك
وكل زول من عِنْ سُلافـك ..
لا لا .. قـال دايرلُـو كـاسْ

مرّة طربان .. شلـت صوتـك
شــــان أغــنـــى..
قـلــت آه يـالـيـل .. وآه
إنتى أول .. وإنتـى تانـى ..
وإنتى تالت .. وإنتـى رابـع
نافـرة زى صـيـد الـخـلا
وصافيـة زى نبـع المنـابـع
وقلتى لى غنـاى .. خـلاص

حلـوة عينيـك زى صحابـى
عنيدة كيف ... تشبه شريحتين
مـــــن شـبــابــى
حلـوة عينيـك زى صحابـى
وزى عِنـب .. طـوّل معتّـق
فـــــى الـخــوابــى
وسمحة زى ما تقول ضيوفاً ..
دقّـــــوا بـــابـــى
.. فرحى بيهم سال .. مـلا ..
حــتـــى الـكـبـابــى

من اجمل ما غني مصطفي سيداحمد عليه الرحمة
مشكور اسامة

بعد المشاوير البقت
ممدودة فى نبض التــــــعب
اااااااااااه نبض التعب
بتعود وتلقى رجاك زول حفظ الوداد
زمنا صعــــــــــب
......والباقى من ليل الهوى
عطر الصبابة الما انســــــكب
والباقى من كل الغنى
سيل الكتابة الما نضـــــب
واقف بـــــــــــــراك .........................مشكور اخى واللة رائعة والرحمة الى الفنان الغائب الحاضر مصطفى سيد احمد..

شكرا يا مغوارى على هذه الرائعه

الحزن النبيل

صلاح حاج سعيد

وبقيت أغني عليك
غناوي الحسرة والأسف الطويل
وعشان أجيب ليك الفرح
رضيان مشيت للمستحيل
ومعاك لي آخر المدى
فتينى يا هجعة مواعيدي القبيل
بعتيني لي حضن الأسى
وسبتيني للحزن النبيل
ومشيت معاك كل الخطاوى الممكنة
وبقدر عليها وبعرفها
أوفيت وما قصرت في حقك
ولا كان عرفه غيرك أصادفها
وقدر هواك يجيبني ليك
جمع قلوبنا وولفها
وكتين بقيتي معاي في أعماقي
في أعماق مشاعري المرهفة
لا منك ابتدت الظروف
لا بيك انتهت الأماني المترفه
ندمان أنا
ابداً وحاتك
عمري ما شلت الندم
ما اصلو حال الدنيا
تسرق منيه في لحظة عشم
وأنا عندي ليك كان الفرح
رغم احتمالي أساك
يا جرح الألم
كان خوفي منك
جاي من لهفة خطاك
على المواعيد الوهم
اهو نحن في الأخر سوا
باعنا الهوى
ماشين على سكة عدم

رحم الله مصطفى .. فقد تغنى بأشعار كبار الشعراء ,, أجمل ما كتبه مدني النخلي غناه مصطفى ....وآقف براك ..
واقف براك والهم عصف
ريحاً كسح زهرة صباك
ليلاً فتح .. شرفة وجع
قمراً رحل فارق سماك
*******************
مطر الحزن عاود هطل
جدد عذاب الأرصفـة
ضى المصابيح البعيد
أتعب عيونك .. وإنطفا
لمتين مواعيدك .. سراب
والريد شقا وحرقة وجفا
*******************
بعد المشاوير البقت ..
ممدودة فى نبض التعب
بتعود وتلقى رِجاك زول
حفظ الوداد زمناً صعب
والباقى من ليل الهوى
وعطر الصبابة الما أنسكب
والباقى من كل الغنا
وسيل الكتابة الما نضب

شكراً أخي أسامة ....

بس بيني وبينكم الشاعر "كيورو" مرتفع حبتين

مشكورين يا ارقي ناس وتحيه خاصه لي الفاتح

شكرا ابنى اسامة على هذا النص الجميل.

النص من تأليف الشاعر و القاص د.بشر الفاضل يا احسان.

كتب قصة البنت التى طارت عصافيرها و زرقاء اليمامة.

تحياتى

تسلمو ياراقين وانا زي عوايد الشعر فارش شدا خيل الكلمه ليك

مشكورين احبتي علي الكلمات الرائعة