يا مااااااااااااااااااااااااااجد ما عذبتنا

ماجد أحبك وأحب اليوم الجابك.
شفت السعاده دى كيف!!!!!
تانى كان راجل غيب!!!!!

صباح الخير اولاد الحباك.

مشتاقين يا ماجد و طولنا ما شفناك لعلك و الجميع بخير.

اتمنى ان يوفقنا الله بالتواجد المستمر فى المنتدى كونه صار السبيل الوحيد

للتواصل بيننا.

ماجد تعليقك على ثنائية حى العرب دى شنو؟

تحياتى

ماجد مشتاقين غيابك بقلقنا

تحياتي ماجد ...ماتطول الغيبة ...
عوض السيد قال :كان راجل تاني غيب
نحن بنقول ليك : عليك الله ماتغيب كتير ..
مودتي

والله عارف يا ماجد زى الجيت خاشى البيت بعد الغيبة .... مشتاقة ليك ....وعقبال الديبة يا عوض السيد ...ابوحسن... فاقدنة

حباب الملك الاخ /ماجد
ومرحب بيك
ويا سهاد بكيتيني ياختي

الف مرحب بالعائد ماجد والعود أحمد... وأبوحسن وينك ...ولا بعد يوم 10 يا حامد ؟؟؟...

يا احسان يا اختى والله الشوق والغربة غلبتنى تب الله يجمعنا ويرد غربتنا سالمين غانمين يا رب..اخى اشرف والله اخوى حامد دة كان راجى يوم 10 ويظهر ياهو الما ظهر تانى....عشان كدة خلى يظهر سريع عشان فاقدينة..تحياتى

رد الله غربتنا جميعاً أختي سهاد .. إلا أخوي الإزيرق أبوحسن .. توا بجيكو راجع .. وشكلا مشغول حبتين ومعاها كمان بتكون في رجفتين ..أني خابرو زين الأزرقاني المتيم عشقاً في الحباك و الموج الأزرق... والله يديهو الفي مرادو ومرادنا يوم 10

الدكتورة والاخت سهاد كدي وقفوا شويه هوي ماشين بينا وين؟والله انحنا واقفين علي الهبشه والواحد يفك الجوعيرة كدي غيروا الموضوع وحقيقة فرحنا بعودة الماجد القوية.
واطمنكم حامد راجع راجع ولازم نواجه يوم عشرة حبابو عشرة بكل قوة وبسالة والله يكضب الشينه.

تحياتى ليكم فعلا غيابنا طال بس الاسباب كانت قاهره وللاسف شكلو حيطول لانى نازل اجازه السودان وما ادراك ما الاجازه بالسودان ونسه وضحك وفواتح اليوم انتهى بس والله انتم فى القلب من جوه وامتناننا لهذا المنتدى كبير جدا لقد جمعنا باخوان اعزاء طال فراقهم وتمتعنا باصواتهم وبدأنا حياه جديده وتواصلنا فهذه نعمه لا ينكرها الا جاحد ..فيصل خليل يارجل يا انيق والله مشتاقين فعلا زمن طويل لم نتقابل الاهل جميعهم بخير ويسئلون عنك ...كل الاخوان الفوق ودينى مشتاقين ..الاخت احسان تحياتى لك بدون حدود ... سهاد وينك ...

يا اخوى يا حيدر ياريت كان الجوعيرة بتحل كان حلتنا زمان ....دعواتك معانا ...ماجد. منور ياباشا واللة بقينا زى توم اند جيرى تتدخل انت اغيب انا ...واللة مشتاقة ليك بس يا سيدى كنا فى نوتنقهام العيال ماجزين ورجعنا امس .. مين قدرك ربنا يوصلك بالسلامة وعقبالنا يا رب

(لانى نازل اجازه السودان وما ادراك ما الاجازه بالسودان ونسه وضحك)
مرحب بيك يا ماجد بالسودان وأكيد للحباك نصيب من اجازتك..وحينها فقط........ (يكون زارنا النبى)....تجو عافيه

هلا بالدكتور الرائع اتمنى من كل قلبى ان تتاح لى الفرصه ل ااخذ نصيبى من الحباك ... يستهوينى الطريق من رشاد الى ابوجبيهه لدرجه لا يمكن وصفها ابدا يملئنى بشعور ملائكى او قل شيئا ما فوق تصورات البشر اتمنى ان يجمعنى الله واياكم فى جنته فى الارض الحباك وان يجمعنا جميعا فى جناته العلا ... سهاد حمد الله على السلامه ومشتاقين

واللة يا ماجد عزبتنا بالجد..حاتصل عليك الليلة وتدخل لى فى النت طوالى ..تحياتى لى الاولاد وامهم... ربنا يسهل عليك ويوصلك بالسلامة