طرائـــــــــــــــــــــف .....ولطـــــائـــــــــــف ...

حكت لي إبنتي علياء ونحنا بنتغدي ...قالت لي يا أبوي : طبعاً تعرف الشحادين على الأرصفة ... قد يعطوهم الناس ولكن القليل من الفلوس ... قلت ليها أي نعم ..وقالت لي : في واحد مرتاح جداً جاء لأحد الشحادين وأداهو ربطه فيها مية ألف سوداني ...الشحاد إندهش وقال ليه شكراً جزيلاً وانا والله قبلتها ليكن بطريقتك دي يوم بتجنن ليك واحد من الشحادين .... وبالجد ضحكت شديد جداً ....محبتي

ورايق هنا أخي الغالي بمعني الهادئ ... ونفخر بك دائماً وبعلمك وثقافتك وتواصلك أيها الحبيب ... محبتي

ده يا ابوعلياء بيكون بطل شحده طوالى 00دى ما ليلة القدر زاتها000تحياتى

شكرا ول نويه على طرفة ديك ام الحسين 00ضحكتنا والله 00جزيت خيرا

بتقول لي عن الشحادين وبقول ليك عن المساطيل ..
واحد من الجماعة سألوهو في عيد الأم 00 قالو ليهو من هي أعظم أم ؟ ووقتها كان جمع غفير من الأمهات حاضرات قاعدات وراجيات يسمعن أجابة صاحبنا:
رد علي السأل : والله في نظري أنو أعظم أم هي أم فت فت

إنتوا الغلاوة ...إنتوا البسمة والضحكة الحلوة ... ومشكورين على مداخلاتكم الرائعة جداً ...وإليكم التالي :


واحدة سودانية عينوها مضيفة في سودانير .. أول رحلة طلعت فيها جات للكابتن
سألتو :آها نغرف العشا؟

***********************************************

واحد مرتو شينه جداً جدا... قالت لزوجها لازم تعمل تعلية للحيطة بينا وبين العزابة... قال ليها طيب ...وتاني كلمتو قال ليها إنتي العزابه ديل شافوك ؟؟ قالت ليه : لأ . قال ليها: كان شافوك براهم بعلوا الحيطه !!!؟

محبتي ،،،،

شكرا لكم جميعا على هذا الالق و الجمال

شكرا على هذا الجمال الرمضانى الانيق ياول نويه وابو علياء

شكرا للجميع علي الدعابات الحلوة ......
واحد حلفاوي مجرّس من صيام رمضان ، قال يا جماعة مالو رمضان ده كان سوو زي كاس العالم كل 4 سنة في قارة ............

**********************************
حلفاوي قال لاخوه الحمد لله أنو ما في رمضان اول و رمضان ثاني ...

التحية للروح الطيبة ...والتواصل العف ...والمداحلات الرائعة ..ولا نملك إلا أن نقول :

تخلـو الزجاجـة مـن العطـر ولكـن تبقـى الرائحـة العطـرة عالقـة فـي الزجاجـة

كمـا تبقـى الذكـرى الطيبـة عالقـة فـي القلـب هـم أولئـك الذيـن ينقشـون حبهـم بطيـب

تعاملهـم علـى جـدران قلوبنـا ويصعـب علينـا أن ننساهـم وأنتـم هـم:

** وبمناسبة الحلفاويين : قالوا في واحد داخل علي صلاةالظهر وفاتت علية ركتعان ... وسلم مع الإمام بالخطأ ...وسأل الإمام الحلفاوي قال ليه :أنا صليت معاك ركعتين بس ...وسلمت والحكم شنو ؟؟ الإمام قال ليه لما إنت داخل في حد شافك ؟ قال ليه لأ .. قال ليه بس خلاص صلاتك صحيحة وما فيها شئ .....!!! محبتي

الجماعه جو لحلفاوى قبل رمضان بيومين وهم شايلين كشف لواحد دخل الاسلام جديد والحلفاوى بعد ما دفع ليهم قال ليهم الراجل ده لما دخل الاسلام ما وريتو بعد يومين جاى شنو 00الراجل ده ما بمرق كده طوالى

يا حلاوتكم يا البي طلاوتكم قصرتو لينا نهار رمضان.....ورمضان عندنا السنة دى كله حنان.....مطر وهمبريب كمان....عصايد باللوبة والويكاب.... والعصاير مهرجان...شئ حلو مر وشئ تبلدى وعرديب كمان....واللحوم عجالى وضان...كان درت من المك وكان درت من عثمان...الناس حنان..والجو فنان...وعازمنكم فطور رمضان...والباقى يتمه ود الشاويش عثمان

يا حلاوتكم يا البي طلاوتكم قصرتو لينا نهار رمضان.....ورمضان عندنا السنة دى كله حنان.....مطر وهمبريب كمان....عصايد باللوبة والويكاب.... والعصاير مهرجان...شئ حلو مر وشئ تبلدى وعرديب كمان....واللحوم عجالى وضان...كان درت من المك وكان درت من عثمان...الناس حنان..والجو فنان...وعازمنكم فطور رمضان...والباقى يتمه ود الشاويش عثمان

مبروووووك عليكم والله يكفيكم شر الحاسد والبقران

دكتور الجنيد ..بس انا ندمان لأني ما عرفتك من زمااان ... وكيفك اخي العزيز الغالي ... انا جد عاجز عن شكرك وعن كل ما قدمته لي في زيارتي الأخيرة للحباك ... وبالجد اخجلتني ... يعني بدل انا اقدم ليك هدايا إنت تهدي لي هدية ..وهدية قيمة بهذه الصورة وهذه الاناقة ... شكراً لك ايها الإنسان الراقي ..وقد وجدتك تذوب في ذوقك ..وحسك و..ولطفك ..وخفة دمك ...وظرفك ...وطبعك الجميل ...والله العظيم انت مكسب لأبوجبيهة ...واكرر شكري لك ...وسلامي الخاص لأسرتك الكريمة ..محبتي

لقد خففت علينا كثير ... بهذا الحضور الذكي ..والطرفة الحلوةأخي الفاتح ...والتحيةلأخي الغالي منير ...أما عن طرفة الرصيد فالبجد حلوة ..وذكية ...وانا بحب العنب وبموت في المنقة ...ورمضان كريم ...محبتي

عثمان محمد يعقوب شاويش كتب:
انا بحب العنب وبموت في المنقة ...ورمضان كريم ...

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هووووووووي ديجانجو أفرز

يامنقة ..والله ضحكتني شديد ... انا بحب العنب وبموت في منقة ابوجبيهة ...ولا مو هيك يا منقة !!!؟؟؟ محبتي ..

والله المنتدى روعة وروعة تاني, طلعتونا من جو الرتابة الفي الخرطوم الفقر دي.

ضربات جزاء ببرتكانة.....والله دى الا يوقفو ليها حامد ليمونة....أقصد حامد بريمة.... (ولا مو هيك يا منقة)
تخريمة:
واحد كسلان وعطشان فى رمضان جاء قعد فى كرسى الحلاق.الحلاق قال ليه راس ولا دقن ياابو الشباب؟ قال ليه رأس..الحلاق قال ليه خلاص أرفع راسك لفوق شوية::صاحبنا قال ليه لا خلاص دقن دقن...

مسطووول مشي المستشفي يزور قرايبه لقي واحد عنده حمي ام برد دبك وقاعد يرجف .ولقي التاني مركبين ليهو درب ..
لما رجع البيت سالوهو لقيت الجماعة كيف ؟
قل ليهم واحد شغال هزاز والتاني جاري الشحن

اخونا عثمان رمضان كريم وحمدالله على سلامتك
اخوى الفاتح انشاءالله الرصيد وصلك
جنابو براحه علينا والله الضحك ده مع بردنا ده بجوعنا ساى يديك العافيه
اخوى الدكتور رمضان مقبول انشاءالله علا البرتكانه دى كان خليتها فى شوتتها دى ووقفت ليك ليها اخيتك دى تكون ما قصرت تب معاها
اصيلها قرمانه لى حاجات افريكا دى والهمبريب ...... ايمان اخيتى رمضانك كريم والله يحلك من رتابة الخرطوم ويحلنى من رتابة لندن
قولى امين

طبعاً الكل بيعرف الدكتور : عوض دكاااام عليه الرحمة والمغفرة ...طبعاً هو ظلو خفيف جداً ... قال والله : أنا كان ما دخلت طب الأسنان وبقيت دكتور ...وسبت دودو أخوي دا كان ما دخل المجال الرياضي ونفعتو كرة القدم ...كان حسة مكاوينا بتطاقش في أمبدات ....!!!؟؟عليه الرحمة والغفرة ...كان نظيفاً ...لطيفاً ..حريفاً ...معليش دخلنا ليكم حبة حزن شوية ...بالجد راجعت البوست لقيتو بالجد ظريف ...بديت أفكر وما تذكرت إلا نكتت دكام عليه الرحمة ...وكلااام يا عوض دكااام ...محبتي