***الرجوع الى الطفولة***

***كل عام وانتم بالف خير***
من منا لم يسمع به
من منا لم يقرأ له
من منا لم يضحك له...
لكل الطيورالمهاجره
وربنا يرد غربتنا
ويرجعنا سالمين غانمين
***تعال نشوف عمك تنقو قال شنو***
عمك تنقو في ساعة كربة
قال حرم طلقت الغربة

سلام يا كفيل سلام يا اقامة
اعيش في السودان مرفوع القامه

لا اجي حج ولا بجي عمرة
ومافي جواز اخير بالمرة

نزل السوق شايل اللستة
وللاصحاب وقع بالدسته
شال للعازة زي كم توب
وحسب الحسبة وقال الرووب

ربط الفيديو معاهو الدش
وقال حرمت اعيش في غش

دفع الجمرك كم مليون
وعمك وشو بقي كم لون

قال يا بلدنا حنينة زمان
اية الحاصل في السودان ؟؟

رهن البيت ونزل السوق
وقال حيتاجر في الطايووق

وناس حاج دقنو الماسكة القصة
قالت عمك داير حصة ....
اصلوا الملعب هنا محجوز
وعمك ابدا ما كان كوز

وبي نص حركة وبنك البركة
عمك لاص وضرب الربكة

وقال انا بس عاوز راس مالي
عشان بالمبلغ اربي عيالي

وعمك دار ما خلا بصيرة
وكان في اول صف تاشيرة

قال يا نفط وسلام يا سلام
تكون القصة كلام في كلام ؟؟؟؟؟؟؟؟؟؟

وناس حاج دقنو الماسكة القصة
قالت عمك داير حصة ....
اصلوا الملعب هنا محجوز
وعمك ابدا ما كان كوز


هههههههه
ذكرتينا ايام طيبات جميلات
الله املاك عافية قولي آمين