دِرِب قلق وعرس العجب وعملية البرنس

منقول قوون محمد عبدالماجد:
{ الكل يعرف ان قائد المنتخب الوطني وكابتن نادي الهلال اللاعب هيثم مصطفى (حفظه الله ورعاه) سافر قبل ايام الي الاردن لاجراء عملية جراحية بعد ان استفحل عليه الوجع.

{ أي زول عارف الكلام دا.

{ وعارفين (الاصابة).

{ الموضوع ما عاوز ليه (فتوى) شرعية.

{ ولا يحتاج الي (جنسية) من وزارة الداخلية.

{ الرياضي ..والما رياضي عارف (اصابة) البرنس.

{ واي زول عارف ان هيثم مصطفى اجريت له عملية في الاردن وانه سيغيب عن الملاعب ربما لمدة 3 اسابيع.

{ وهذه فترة سيتعطل فيها انتاج الاهداف ويتوقف اجمل مشهد في كرة القدم ...(ان تعانق الكرة الشباك).

{ وهيثم لن يلحق بمباراة الجيش النيجري ..كما انه سيغيب من مباراة الامل (المصيرية).

{ أي زول عارف الكلام دا.

{ والهلال متضرر من هذا التوقف اكثر من المنتخب.

{ والذي لا تعرفونه هو ان الطبيب في الاردن استعجب من هيثم مصطفى وهو يسكت على هذا (الوجع) كل هذه المدة ويتحمل كل هذا (الالم) ...فقد سافر هيثم مصطفى الي الاردن وتكلم عن اصابته بعد ان اشتد عليه الوجع ..(وطار النوم من عينه) ...ووجد نفسه في حالة لن ينفع فيها الهلال ولن ينفع فيها المنتخب ..لذا تحدث عن الاصابة وتعالج منها...ليعود لنا اكثر تألقا.

{ أي زول عارف الكلام دا.

{ مع هذا فان هناك نقد (غير وطني) وجه الي هيثم مصطفى لأنه لن يلعب مباراة غانا.

{ كأنهم يقولوا بنقدهم هذا ان هيثم باصابته افضل من العجب ..الذي اعتذر عن مرافقة المنتخب بدون أي سبب.

{ بعدين لو هيثم مصطفى سافر غانا ...كان من الافضل نلعب بشعار الهلال.

{ في قوة عين اكتر من كدا.

{ شارك من الهلال في مباراة المنتخب السوداني والمنتخب الغاني (9) لاعبين من الهلال.

{ مع ذلك هناك من كتب يستهجن سفر هيثم مصطفى لاجراء عملية في الاردن.

{ وهناك من قال : طيب وين هيثم؟.

{ وفي الوقت الذي كان يخضع فيه كابتن الهلال لساعات في الاردن لاجراء عملية ...كان البعض هنا ينتقده.

{ ويكتب فقط من اجل تشويه صورة لاعب ..سقط على الملاعب مرات ..ونقل من المستطيل الاخضر الي الغرف البيضاء.

{ لاعب اعطي 15 سنة ..لعب في منتخب الشباب ولعب في المنتخب الاولمبي وقاد السودان الي نهائيات غانا ...ومازال البعض يهاجموه ..لأنه خضع لعملية جراحية.

{ انتوا بتتخيلوا كلام زي دا يحصل.

{ بتتوقعوه!!.

{ هذا حدث في السودان.

{ قطع مجلس ادارة نادي المريخ معسكر المنتخب الوطني الذي كان في ارتيريا وعاد من هناك 7 لاعبين من لاعبي المريخ ليلعبوا مباراة في كأس السودان امام الاتحاد مدني.

{ بتصوروا دا.

{ والبعض يتحدث عن (الوطنية)!!.

{ نذكر ان المريخ فيه 6 اجانب (فقط) بعد اعارة وارغو ...مع هذا الكم الهائل من الاجانب في المريخ عاد 7 لاعبين من المريخ ليلعبوا عصرا امام الاتحاد مدني.

{ وقالوا نحن ما بنلعب إلا اذا رجعوا لاعبو المريخ من ارتيريا.

{ (الوطنية) وقتها كانت في (اجازة).

{ كان ما في زول بتكلم عنها.

{ لكن عندما يغيب هيثم مصطفى بسبب (الاصابة) يتحدثون عن (الوطنية).

{ هل كانت (الوطنية) في ان يشارك هيثم مصطفى (مصابا) ويكون خصما على المنتخب؟.

{ كيف تحاسبون لاعب خضع لاجراء عملية لاكثر من ساعتين في الاردن ..في الوقت الذي كان يتجول فيه العجب في شوارع بحري.

{ وزول بسأل عن العحب مافي.

{ وبرضو يقارنوا (سيدا) بالعجب.

{ لم ينتقد احد فيصل العجب الذي اعتذر عن المشاركة مع المنتخب والسفر الي غانا ..في الوقت الذي انتقدوا فيه هيثم مصطفى لانه اجريت له عملية في الاردن.

{ يعني (الاجازة) في بحري ..ما فيها أي مشكلة.

{ وما فيها أي (وطنية).

{ لكن اجراء عملية في الاردن شيء غير وطني.

{ عيب.

{ العملية حاجة ما وطنية.

{ و9 لاعبين كانوا يمثلون المنتخب من الهلال (حاجة تشرح الصدر) ..حتي ان المدير الفني للمنتخب الوطني لم يجد غير ان يشكر مدرب الهلال ميشو.

{ الذين ينتقدون هيثم مصطفى لانه اجريت له (عملية)..لماذا لم يسألوا العجب وهو يتخلف عن المنتخب بدون أي عذر او سبب.

{ وإلا العجب يغيب او ما يغيب ..ما فارق.

{ تاني ما تقارنوا العجب بهيثم مصطفى عشان ما تحرقوا فيصل العجب ...وتحرجوه.

{ لم يسألوا فيصل العجب يوم ان اعتذر عن مرافقة المنتخب بحجة زواجه...كان ذلك قبل 4 سنوات...والعجب لم يتزوج بعد.

{ هيثم مصطفى لأنه مصاب ...يهاجم.

{ ما لا تعرفون ان هيثم مصطفى حتي وهو في (غرفة العمليات) كان في اتصال دائم مع بعثة المنتخب في غانا.

{ وهيثم مصطفى بخبرته الطويلة كان يهاتف البعثة ويؤكد لهم ان المنتخب قادر على الخروج بنتيجة جيدة امام غانا.

{ اشهد ..ان هيثم كان يراهن على نتيجة المنتخب الجيدة امام المنتخب الغاني.

{ لذا كان اول شيء فعله اعضاء المنتخب في غانا ..ان قدموا تعادلهم الغالي مع غانا لكابتن المنتخب الوطني هيثم مصطفى.

{ واسألوا محمد عبدالله مازدا ان كنتم لا تعلمون.

{ وهيثم مصطفى بحنكة الواعي والقائد كان قبل ايام كما شار الاستاذ رمضان احمد السيد يدافع عن اللاعب الوطني.

{ ويقول ان المعز محجوب ليس هناك حارس افضل منه ..لا في السودان ولا في البطولات التي يشارك فيها المعز محجوب مع الهلال.

{ وهيثم مصطفى قبل ان يجف مداد كلماته ..يقول ان علاءالدين يوسف ممكن ان يحترف في أي حتة في العالم.

{ وتأتي مباراة المنتخب السوداني ونظيره الغاني لتؤكد افضلية المعز محجوب ولتثبت صدق تصريح كلمات البرنس حينما قال ان علاءالدين يوسف يمكن ان يحترف في أي مكان في العالم.

{ هذا علاء الدين تطارده الاندية الان...او دعونا نقول تراقبه.

{ كان فييرا اروع من كل النجوم السوداء وهو يقدم مباراة كاملة الوعي والوقار والهدوء.

{ يثبت ويمر ..ويهدف.

{ كورة رائعة جدا تلك التي قدمها علاءالدين يوسف امام غانا.

{ مباراة اثبتت رؤية هيثم مصطفى وحسن خبرته.

{ اتركوا كل هذا ...وانظروا الي هذا الجانب.

{ قبل فترة بدون أي سبب اعتذر بدرالدين قلق من السفر مع المنتخب الوطني.

{ بدون أي سبب او عذر.

{ مزاج كدا قال ما بسافر.

{ وكان وقتها الدكتور كمال شداد رئيسا لاتحاد كرة القدم السوداني ...وصادف ان اصدر الدكتور كمال شداد تصريحا يؤكد فيه ان أي لاعب اعتذر عن مرافقة المنتخب بدون عذر مقبول سوف يعرض نفسه لعقوبة قاسية.

{ عارفين اعلام المريخ عمل شنو؟.

{ اعلام المريخ في مسرحية (باهتة) جاء في اليوم الثاني بصورة (قلق) في احدي المستشفيات والدِرِب معلق فوق.

{ نظام قلق حالتو صعبة.

{ (الوطنية) ساعتها كانت في (حمام سباحة).

{ واعلام المريخ لم يكتف بهذه الصورة (المشتولة)..وانما اتي بتصريحات للدكتور تؤكد ان قلق مصاب بالملاريا.

{ هيثم مصطفى الذي خضع لعملية كبيرة في الاردن ستبعده عن الملاعب 3 اسابيع ...يهاجم وينتقد.

{ ويتحدث البعض هنا في هذا المقام عن (الوطنية).

{ هل كانت (الوطنية) تعد مثل عصائر الشعير في شارع البلدية بالخرطوم بحري.

{ وهل الوطنية عندكم تعني ان يشارك لاعب مصاب لن يشكل وجوده اضافة للمنتخب ويحرم وجود ذلك اللاعب المصاب لاعب اخر (معافى) يمكن ان يعطى اكثر من اللاعب المعتذر.

{ هيثم مصطفى سافر الي الاردن ليعود اكثر تألقا ...ولينتفع من فنه السودان والمنتخب.

{ نذكر ان المحلل المصري ايمن يونس قال في فضائية مصرية بعد مباراة المنتخب السوداني ..ان المنتخب السوداني كان يمكن ان يخطف هدف ..ويخرج فائز في المباراة ...لكن كان ينقص المنتخب السوداني خبرة خطف الانتصار.

{ وكان يفقد المنتخب السوداني (تمريرة) القون.

{ لو هيثم كان موجود مع المنتخب في ظل هذا الاداء الراقي للمنتخب الوطني كان يمكن ان ينتصر السودان.

{ وهيثم مصطفى نحتاج الي نزعته الهجومية في مباراة المنتخب القادمة في مارس امام (سوازيلاند) التي سيلعب امامها المنتخب السوداني في ام درمان ثم يلعب السودان في يونيو القادم مباراة الاياب في (سوازيلاند).

{ وهنا وهناك نحتاج الي هيثم مصطفى ...لأن طريق (الانتصار) يمر عبر هيثم مصطفى.

{ ملحوظة: عينكم في العجب وتطعنوا في البرنس.

هوامش

{ نزعة وطنية ظهرت فجأة في الصحف الرياضية بعد تعادل المنتخب الغالي مع غانا.

{ تعادل السودان ...جعل البعض يتذكر ان (المنتخب) يلعب باسم السودان.

{ المنتخب السوداني فرض وجوده ...دون حاجة لهذه الكتابات وقدم مباراة اجبرت الجميع على احترامه.

{ لو خسر المنتخب السوداني ترى كيف كان سيكون الحال.

{ كان سوف يقلوا (هيثم مصطفى) لم يشارك.

{ والمعز محجوب غير منضبط.

{ وعلاءالدين فييرا (بصم).

{ المنتخب اجبر الجميع ان يقول كلمة حلوة في حق المنتخب.

{ المنتخب السوداني بعد سخرية الصحف الغانية مفروض يبحث عن صدارة مجموعته.

{ المنتخب المصري يبحث عن افضل ثانى ..بي طريقتو.

{ المنتخب الجزائري...الغاني ...كلهم بي طريقتهم.

{ نحن عاوزين (الصدارة).

{ نذكر ان المنتخب في التصفيات الاخيرة ...تصدر على حساب (تونس).

{ والمرة دي ان شاءالله سوف نتصر على حساب (غانا).

{ اخوان البرنس ..اتعودا على الصدارة في أي بطولة.

{ الهلال في رعاية الله وحفظه يغادر اليوم الي النيجر.

{ ومن الجيش لن نقبل بغير الانتصار.

{ الجيش دا لازم يظل بي (نقطة) واحدة.

{ عشان (النقطة) تبقي ليكم درس.

{ الجيش ابو نقطة.

{ سمعنا بالموز.

{ لكن (الجيش) دي جديدة علينا.

{ هو الجيش دا نفض منو؟.

{ فريق اتراكو ؟.

{ ابدا.

{ فريق السكة حديد اثيوبيا؟.

{ ابدا.

{ فريق (البحرية) جيبوتي؟.

{ ابدا.

{ فريق المريخ؟.

{ زي كدا.

{ احراج شديد.

{ فريق الجيش من المريخ شال 6 نقاط.

{ ومن مباريات المجموعات كلها شال (نقطة) واحدة.

{ دا جيش شنو دا؟.

{ الهلال اقال انور سلامة من الاتحاد الليبي.

{ كروجر باقي ليه 45 يوما.

{ حدو الاسبوع الاخير.

{ النفطى اتغزل في الغزال ...وهاجم العجب.

{ مسكين العجب ..عشان ما طلع ليه (بيان).

{ النفطي معجب جدا بالبرنس...اتصاب في (كتفو).

{ أي حاجة لاحقننا فيها.

{ في الاصابات بتقلدونا.

{ خبر عاجل: بلة جابر دا كلموه ..ما يصدق.

طيب أين الوطنية حينما سحبتم لعيبتكم من إرتريا عشان يلعبوا لعبة اتحاد مدني...
ولماذا قال مازدا هذا الانتصار بالتعادل نهديه لهيثم مصطفى ولم يقل لشعب السودان لأنه يعلم أن هيثم مصطفى في شخصه وغيرته يمثل السودان وروح السودان ماقال نهدي للعجب الذي اعتذر دون ذنب وحايم في حارات بحري

اول حاجة قلق كان نجم المباراة والعجب كان عذرو شرعي ومعروف العجب بوطنيته
ونحنا مازلنا في دائرة المنافسة علي الدوري والكأس --انتو كدا أمرقو من كمين الأمل يعني بعد مباراتكم معاهو حنتصدر الدوري لأنو متوعدكم وحيقلبكم ونحنا نجي نغلبكم في المقبرة والدوري حقنا
ومازدا ماقال كدا قال نهديهو للسودان دي صحف الهلال ام لساناً طويل ذودت الكلام

لك أن تحلم كما شئت .. أحلام اليقظة ... الحلم لا يدفع له فلوس ولكن خيبة المريخ في لعيبته الأجانب والمجنسين بفلوس من ادعوا الوطنية فمنهم من تنحى ومنهم مازال هارباً المريخ وجماهيره آخر من يتكلموا عن الوطنية ومنذ سنة1965 حينما رفضتم الذهاب للدورة العربية والتي كان شعارها دورة فلسطين مع انطلاقة الثورة الفلسطينية ضمن المنتخب السوداني ومثل السودان تقريباً بلعيبة الهلال إلا قلة من الموردة ورمضان أهلي الخرطوم حيث كل مباراة خاضها المنتخب به ثمانية من لعيبة الهلال وفيها انهزمت عمان من السودان 15 صفر فقط جكسا أحرز سبعة منها وشاويش أربعة وهزم قطر 11 صفر واليمن 9 صفر وفلسطين 2 لواحد وسجل هدف السودان الثاني أمين زكي من فاول ونال لقب أحسن لاعب في الدورة وألتقينا مع مصر في النهائي ولعبنا 120 دقيقة بزمنها الأضافي وانتهت تعادل سلبي وأخذته مصر بالقرعة والتي ذكر أن القرعة كانت مغشوشة وخدع فيها أمين زكي ونال سبت أحسن حارس بالدورة حيث لم تهتز شباكه سوى مرة واحدة. لم تجاوب على السؤال لماذا سحبتم لعيبتكم من معسكر إيرتريا يا وطنيون

بسم الله الرحمن الرحيم
أطل عليكم اليوم باولي مشاركاتي 00وانا طبعاً بحب اللون الأزرق 00نحنا ياول قادم متفقين معاك في كل شئ الا في دي (انا هلال وانت مريخ) 00وانا زي أسلف الاعمام ليه مارديت علي سؤال العم الأخير دا؟ جاوب وبعدين حنخش معاك في المعمعة 00شوف نعيد معاك ذكريات الشجرة (المقرن) لو بتتذكرا
هو بالله وينو مريخكم --كلهم ياهو ديلك طلعو ليكم مواسير 00وعرفت من خلال مداخلت العم ازهري انو اتكلمتم بأنو جبتو لعيبة بقروش كتيرة وحتقلبو برشلونا ذاتو 00عملتو شنو (توه) ؟ دايرين ليكم تغيير دماء وتنسو الشغلة بتاعت المواسير دي

يا جماعة انا أفترض حسن النية من المريخاب "كتاب أعمدة ومشجعين" وحرصهم الشديد على المنتخب، ولذلك لا ألومهم في غضبهم الشديد وحملتهم الشعواء من عدم مرافقة هيثم "سيدا " حفظه الله ورعاه" لبعثة المنتخب وذلك لقناعتهم بأن "سيدا" لو كان موجود لربما شكّل الإضافة النوعية للمنتخب و خطف المنتخب الإنتصار من إحدى تمريراته القاتلة والتي يعرفونها جيداً..ولذلك سنفترض حسن النيّة هذا حتى يوضحوا لنا لماذا إنتقدوا "سيدا وتركوا العجب؟؟ هل لقناعتهم بأن العجب لم يعد يشكل إضافة للمنتخب وأن وجوده من عدمه سيّان طالما هو يجلس إحتياطياً الآن مع المريخ؟؟؟ وأيضاً نطلب منهم أن يوضحو لنا ما هو عذر العجب ؟؟أكرر ارجو ان يذكروا لنا عذر العجب ؟؟؟ وأرجو أن يذكروا لنا لماذا سحبوا لاعبيهم من معسكر المنتخب لمباراة مع إتحاد مدني ؟؟؟ وتحياتي لكم مع تمنياتي بعاجل الشفاء لهيثم سيدا "حفظه الله ورعاه ..وعليكم الله يا وصيفاب أدعو ليهو بالشفاء العاجل والعودة للملعب سريعاً لاني شاهدت صورة العملية التي اجريت له منشورة في إحدى الصحف اليوم ولم استطيع إنزالها لانها bdf copy..أدعو ليهو عشا ن المنتخب ما عشان الهلال ؟؟ وما تنسو تورونا عذر العجب عشان كان مصاب برضو نحن ندعو ليهو ربنا يشفيه؟؟ ا

ً

عوض السيد معسكر في المنتدى الإسلامي وخلى الرياضة .. أداها القدرها


والله موجوع يا ابو الزهور لكن الله غالب.
أكثر من مرّه حاولت التعليق ولكن أحسب أنها خطوه صعبه.
كل مشاركات الرياضى أمر عليها يوميا ولكن أجد نفسى محروما لا لشئ سوى الاحتكام للعقل وعدم الاحتكاك بمن حاول معاداتى شخصيا ففضلت أن أترك الرياضى ليس له بل لاحترامى المتناهى له وحرصى على تثبيت صورته التى هى سبب احترامى له منذ أكثر 35 عاما.
قناعتى هى احترم الاخرين ليحترموك.
هذا يعنى ان احجامى عن الرياضى فقط احتراما لمن احترمه والله ما جاب الشين.
تشكر يا عمدتنا

عليك الله شوف صورة هيثم دي كيف قال عجب قال طيب لو حصل الانفصال العجب دا حيمشي مع ناس جندي نميري ولا حتجنسوا يا ول نوية