قف ممنوع .. خط احمر للرجال فقد

الاخوه الاعزاء

لكم التحية جميعا .. طبعا معروف السيدات بحبن الممنوع و كذلك بحبن الشومارات و(( النقه ))انا اخترت هذه العنون عشان نشوف في كم واحده بتدتخل علي هذه الموضوع و نطلب من الاخوه مشرفي المنتديات بهذا الموقع يقبضوا لينا اي واحده تدخل للاطلاع علي هذا الموضوع و دايرين نشوف مدي صيرهنّ علي عدم التدخل في شئون الرجال ..

و لا رايكم شنو يا شباب و خلون نشوف من هي البتدخل اول وحده و بعدين ندوها جائزه السبق في التدخل في شئون الرجال ..

لكم التقدير ..

الاخ طارق كمبال .. مشرف المنتدي الاجتماعي

خلي بالك و خلينا نعرف من هي اول واحده اتطلعت علي الموضوع ..

لك الشكر

اسمع هنا يا ود عثمان كتر الله خيرك ورسالتك يا اخوى وصلت .
وان شاءالله تكون رسالتنا كمان وصلت ؟

يااااا اخوانــــــــــــــى النبى قولى لى ده مش منتدى اجتماعيات ابوجبيهه ولا اجتماعيات لرجال ابوجبيهه فقط شكلنا دخل قلط . كده يا ناس ح نقوم بانتفاضه ونعمل منتدى حــــــــــواء فقــــــــط

*******************************
اوعكم تزوقوا حضروا الجائزه بسرعه

لكم التحيه واقعدوا عافيه




نتشششششششششششششه
بالمناسبه قالوا المدسوس بتكتر عليه المتاوقه
(والله النسوان مظلومه يا ناس )

الاخت ناهد عبيد

لك التحية و الاحترام

والله ضحكت جنس ضحك لما لقيت تعليقك .. اسمعني يا ناهد الجائزه بنديك ليها امشي استلميها من الاخ محمد نوية و هي تعتبر عطر ما ورده لان الاخ محمد نوية زول تاجر عطور بالله يا نويه اديها فتيل ريحه باريسيه و حسابك علي .. و بعدين يا ناهد خلي المتاوقه و التلفت الكتير

اشكرك بحراره علي اللطافه ..

الاخ الرائع حقا محمد نوية ..

في اخوات كتار رسلو لي رسائل في الخاص قالوا لي نحن دخلنا بس عاوزين نعرف الجائزه شنو .. و بعدين شوف براك في كم زول شاهدو الموضوع انت قايل ديل منو .. ما ياهم الاخوات ذاتهم بس ممثلات ما شافن الموضوع و انا عندي التقارير كلها ..
اخي العزيز لك التحية و التقدير .. علي المرور ..

ضحكتنى يا ود عشمان يا اخوى
والله الرسلن ليك فى الخاص ديل مالهن مستعجلات وخفيفات كده
ما ينتظرن الكاتبها ليهن الله بجيهن فى محلهن
هوى يا الحاج يا ود نويه
يا اخوى
فتح عضنينك من هسا
لما تعرس
انا بوصى بت عمى
اهما حاجه
تدخلى الخط الاحمر
(المحفظه)
وبعد داك كله هين
وهى المره شن فايدتها
ان ما دخلت
فى الخط الاحمر
يسو بيها شنو
الا كان
(الا كان يدوها خط احمر هى قصدى كرت احمر)

يا اخوي محمد نويه

في مثل بقول الفي بطنو حرقصو بقوم برقصو .. انا ما قلت سهاد و لا طريت اي واحده من الرسلو لي في الخاص .. كده نشوف لقايد نهاية اليوم احتمال يظهرو لينا اخوات تانيات ..

شكرا يا سهاد علي المرور ..

يابراهيم انت اختك سهاد دى عليك الله ما بتكون بصت قبال ناهد
وعملت ما شافت حاجه

أحييكم على هذه الونسه الجميله وتحيه خاصه لصاحب البوست ود عشمان

هوى يا اخوى الافكاتو
كده بلخبط ليك
شغل الشركه
وادخلك فى
فروقات ماليه
اوعاك تتفق مع اخوى ود عشمان ده
تحياتى

السيد المحامي ابوهريره
سهاد دي دخلت علي الموضوع توووووووووووووووووش كانو قال لها الموضوع دا للسيدات ..

شكرا اخي عوض السيد
علي المرور ..

لك التقدير و الاحترام

سهاد احسن تسكتي ساي انا ما داير افضح اي زول ..
لك التقدير

هوى يا ناس هوووووووى وين الجائزه

ودعشمان ده حق عديل هى مش هديه ولا ظرافه منكم ثم اوعك تدرعنى فى ول نويه قال شيلها من محمد قال ده كلام يا ناس رسلوا لى جائزتى بسرعه مع ناس DHL

محمد نويه اخوى لك الشكر على الكلام الطيب

واقعدوا عافيه
ودعشمان لك السلام والتحيه

الاخت ناهد

متعك الله بالصحة و العافية سالين عنك و اوع تغيبي تاني

انا قايل الاخ محمد نواية رسل ليك فتيلين ريحه لكن و لا همك رسلي عنوانك و جائزتك بتجيك

لك التقدير

بت السودان كر على الحقونى يا ناس الول داير يسقط حجرى بت السودان يا ول نويه دى جائزه ولا حانوط

ود عشمان وول نويه لكم كل الود تسلموا يارب

بت عمي ناهد عبيد

ماكي طبيه .. والله ضحكتني قلت لي ول نوايه داير يقطس حجرك اسمعني يا بت اهلي كلام ود نوية خليك منه انتي اطلي و جائزتك بتجيك لي خشم البيت

لك التقدير اخي ود نواية
لك التقدير اختي بت ابوي عبيد

والله يا ناهد تخلى حقك تكونى عويره وكلنا حنضحك عليكى.
هوووووووووووووووى يا ود عشمان ونويه أدوها حقوقها ولا عشان لقيتوها بنيه دايرين تحقرو بيها.

عوض السيد منور والله وحمدا على السلامه

الاخ العزيز عوض السيد

متعك الله بالصحة و العافية

يا اخوي مالك داير تشكشك النيران الزوله دي اتفقنا معها .. الاخ محمد نواية قال داير يرسل لها فتلين ريحة بتاعت فليل دمور شايف الاخت ناهد رفضت الهدية دي بحكم الزوله دا قال داير يقطس حجرها عشان كده هي تختار عطرها و انا ح ارسل لها جائزتها و جائزتها حمدها في بطنها و بعدين ما دايرن الاخ المحامي يتدخل في الموضوع دا

لك التقدير اخي عوض و البركه شفناك انت بخير

لكم التقدير