ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

تحية وسلام من جنابو لجميع أسرة المنتدي....

+2
Suhad Abduelgfaar
محمد قادم نوية
6 مشترك

اذهب الى الأسفل

تحية وسلام من جنابو لجميع أسرة المنتدي.... Empty تحية وسلام من جنابو لجميع أسرة المنتدي....

مُساهمة من طرف محمد قادم نوية 25th يناير 2011, 09:25

في مكالمة هاتفية مطوّلة بالأمس أتصل بي جنابو أمين متساءلاً عن أحوال أسرة المنتدي ..وسألني عن كل فرد من أسرة المنتدي دون إستثناء أحد وقال من الشوق ليكم خجلان ذاتو ماقادر يقابلكم
وطبعاً نسبةً لغيابه الطويل من الشغل وجد ورائه كمية من الشغل في إنتظاره وميزانية السنة الجديدة فهو الآن في ترتيبات السنة الجديدة ؛وقريباً سيعود لنا بظرافته المعهودة ..
كما سأل من الأخوات المهاجرات ناس الصين ولندن وباريس
وقال لناس الصين خليكم جاهزين في منتدي الأسرة حيجيكم بكلام تانِ يعني أي شجار بين حواء وآدم حينزل بيهو جودية في ضراء طوالي
وبسال من ناس باريس من البرد الغارس دا
وجا الدور لناس لندن أول حاجه قال ليكم غيِّر الكرتونه المرسل فيها الحاجات إلي كيس من نوع (قُوقُو)عشان مايتفشوهو في المطاروكدا ..وقال ليكم رسلو ليهو (رسالة لندن) ماعارفو غايتو دايرو لـــــ شنو ؟داير يرِقي بيهو الوزير القديم ولا داير يجيب وزير تان يعلم الله
سعادتنا تكتمل ياجنابو عندما نشوفك معانا قريباً في المنتدي
تحياتي وتقديري
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

تحية وسلام من جنابو لجميع أسرة المنتدي.... Empty رد: تحية وسلام من جنابو لجميع أسرة المنتدي....

مُساهمة من طرف Suhad Abduelgfaar 25th يناير 2011, 09:59

التحيه ليك اخوى ود نويه
والتحيه لك اخونا الحاج جنابو
والله منورنا
وعندنا تعويضات كتيره منتظرنها
انا منتظره حاجاتى
فى كيس فوفو
وعليك على رسالة لندن
حتجيك بالعربى والتنجليزى كمان
تحياتى

Suhad Abduelgfaar
Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

تحية وسلام من جنابو لجميع أسرة المنتدي.... Empty رد: تحية وسلام من جنابو لجميع أسرة المنتدي....

مُساهمة من طرف بوعزيزى 25th يناير 2011, 10:02

عبركم نُرسل تحاينا
للامين الأمين
بوعزيزى
بوعزيزى
نشط مميز
نشط مميز


الرجوع الى أعلى الصفحة اذهب الى الأسفل

تحية وسلام من جنابو لجميع أسرة المنتدي.... Empty رد: تحية وسلام من جنابو لجميع أسرة المنتدي....

مُساهمة من طرف صباح حسن عبد الرحيم 25th يناير 2011, 11:42

الاخ محمد شكرا
ولك التحية والاحترام ....
تسال عليك العافية والصحة يا جنابو وانشاء الله تسلم
والبرد دا كلامو براه لامن قلنا الروووووووووووووب بس ربك يستر
وانت كيف اخبارك والاسره الكريمة انشاء الله طيبين
ونحنا منتظرنك بس لا تطول علينا
تسلم يا رب

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

تحية وسلام من جنابو لجميع أسرة المنتدي.... Empty رد: تحية وسلام من جنابو لجميع أسرة المنتدي....

مُساهمة من طرف د.الجنيد احمد سليمان 25th يناير 2011, 13:01

يا جنابو حبابك...شنو حجه وزوغه....صباح بمناسبة بردكم دا أهدى اليك مقطع من روائع الدكتور محمد ود بادى:
حال هذا البلد بكانى ما سكتنى
ريدة فيهو كيف مالكانى كيف ملكتنى
نارا فيه كيف ماكلانى كيف لهبتنى
___________________
الا ترانى فى العرض انحسب برانى
والناس البتعرض جوه ما سمعتنى
الا ترانى أنبح زى زى أخوانى
والخيل بى عجاجا عمتنى
ألا ترانى ما سويت ضهر يحجانى
واندقيت غصب فوق بطنى
توبى قصير وما غطانى
والزيفه ام برد شقتنى
لكم الود

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

تحية وسلام من جنابو لجميع أسرة المنتدي.... Empty رد: تحية وسلام من جنابو لجميع أسرة المنتدي....

مُساهمة من طرف محمد قادم نوية 25th يناير 2011, 13:26

مشكورين أحبتي علي حسن الإستقبال والكرم الفياض بالتأكيد عودة جنابو ستفرح الكل ؛؛؛؛؛؛؛؛؛د/الجنيد مشتاقين ياخِ وين الزمن بيك بقيت جافِ قلمك ذاتو لمن جفّ وآثاره كادت تنمحي لولا بريقها وجمالها وبصمتها الراسخة... طولنا مانهلنا من طوفانك الحاصل شنو ؟برد ولا غلاءأسعار ولا حاجات تانيه حامياني أقولها
المهم حنقول ليك:
لو بـعـدي بـرضـيــه وشـقــاى بهنيه
اصـبـر خـلــيـه الأيــام بـتوريه
يا قـلــبــى خــلــيـنى كـل لـحـظــة مبكينى
مالــو قـصــدك تـتـعــذب وبـعـذابك تفنينى
زاد حـبـــك نـســـاه اشــواقـــى وحـنـيــني
عـشـــرتــنـــا الـطــويــلـه وخوتنا يا حليله
أمــالـــنــــا واحــلامـــنــا اتناساهم فى ليلة
كـيــف اقـبــل عـواطـفــك والـعــازل دليله
حــاول مــن مــره واكـتر من مره يرمينى
بالـنــظـــرات الجـارحـه وبالهجر البكوينى
امـــشــي وأســـأل عـنـه يـتـحاشى يلاقينى

تحياتي؛؛؛؛؛؛؛؛؛
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

تحية وسلام من جنابو لجميع أسرة المنتدي.... Empty رد: تحية وسلام من جنابو لجميع أسرة المنتدي....

مُساهمة من طرف صباح حسن عبد الرحيم 25th يناير 2011, 13:47

الزيفة ام برد شقتني ,,,,
تشكر يا دكتور الجنيد علي المقطع الجميل
وانشاء الله نرد ليك مقطع بروعة مقطعك دا في مناسبة جميلة ما زي مناسبة بردنااااااا
بس دي زيفة ام برد كتلتني ما شقتني .......
تسلم يارب

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

تحية وسلام من جنابو لجميع أسرة المنتدي.... Empty رد: تحية وسلام من جنابو لجميع أسرة المنتدي....

مُساهمة من طرف ود عشمان 26th يناير 2011, 03:28

الاخ امير الشباب ول ابوي نوية

ماك طيب .. كتر خيرك جب لينا خبر الضابط جانبو امين .. لو كتب لي جواب قول له ناس المنتدي بسلمو عليك حار ..

لك التقدير اخي الكريم
ود عشمان
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

تحية وسلام من جنابو لجميع أسرة المنتدي.... Empty رد: تحية وسلام من جنابو لجميع أسرة المنتدي....

مُساهمة من طرف د.الجنيد احمد سليمان 27th يناير 2011, 16:22

ول نويه حبابك...والله لا هذا ولا ذاك ولكن زى ما بقولو: اكل العيش قاسى...يجبرنا احيانا الى الغياب عن الاحباب
صباح تسلمى ويارب يدفى ليكم الساقط ويسقط ليكم الدافى...ويكفيكم شر شقة الزيفه أم برد...ألا صحى يا أختى مع البرد دا بطاطينكم هناك تخنها كم بوصه..ولا الشى بتغطوا ليه باللحفات..والله عندكم مرتاحين الا الشغالين فى الافران...دفو جد وقريض رغيف

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى