عزيز دنياي

https://www.youtube.com/watch?v=LTJoj3WKOYQ
هذه الاغنية من اجمل اغنيات فنانا الراحل ابراهيم عوض للشاعر الكبير الراحل الطاهر ابراهيم وكانت هذه الاغنية بمشاركة العندليب زيدان ابراهيم في منزل الراحل ابراهيم عوض وكان من بين الحضور الملحن الكبير عبد اللطيف خضر (ود الحاوي)و االشاعر الكبير عوض احمد خليفة الذي شكل ثنائية رائعة مع الفنان الراحل عثمان حسين له الرحمة
وهذا نص كلمات هذه الاغنية الجميلة :
كنت معاك سعيد الليله في بعدك ما اضناني
بصبر يمكن يفيد صبري ويمكن نرجع تاني
وخايف الناس تغريك تنسى دموعي وتنسى حناني
وأفضل مخلص ليك لو حتى سعادتك في حرماني
أضحي بزهرة عمري علشان ما تعيش طول عمرك هاني
وإستشهد بي ألحاني واوري حقيقة أمري
عرفت الحب من قبلك مره وإنت الحب العاش في كياني
بهرب منك لرضاك وبحاول من أجلك أنساك
أمهد ليك تتخلص مني ألقى خطاي تجمعني معاك
ولو تعرف عايش على عطفك وكل حياتي من املاكك
تعرف يوم في دنيا غيابك يساوي سنين في دنيا هناكا
يا اعز عزيز في دنياي أنا طامع ابقى عزيز دنياك

تحياتي

لك كل حبى يا عزيزى ول نوية.

هذا العمل من اروع ما قدم من فن سودانى و انا منحاز لأبراهيم عوض بشكل كبير جدا.

زيدان هو الاخر معجب بالفنان ابراهيم عوض و يعشقه بجنون و لكن قل لى يا محمد من اين لك بهذا

الحس و الزوق الرائعين بما انك صهيونى ( على السكين )

أرجو يا محمد ان تكون قد زرت اخوانك فى الرياض كلهم.انا متأكد انك ما بتقصر.

تحياتى

ول نوية .... بصراحة أنت لا تشبة الجماعة والموضوع بسيط وإقتراح فيصل لا بأس به والجماعة كلهم زرق ، أرجوا أنت تتحلى بروح القطيع ونحن ناس سعيه .. وقديما قالو العرجا لمراحها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شكراً عم ازهري والاخ فيصل علي مداخلاتكم ؛ ايام كنا صغار جدنا العمدة قادم الله ربنا يرحموا بقول لينا انصاريتنا دي يا عيالي عقِيدي (بكسر القاف)هذا يدل علي مبدائه بالانصارية الدينية العظيمة؛خلاف اليوم التي صارت سياسية وتقليد مناصب والخ0000 فانا كمان مريختي دي عقيدي مابتخلي عنها مهما كانت الظروف
بقول للاخ فيصل الحمد لله لمّيت في الجماعة من لم اصله اتصلت به واطمأنيت علي صحته

ياسلام علي عزيز دنياي ليه زكرتنا عليك ؛بالامس جابو هذه الاغنية في الازاعة السودانية سوزان جارتنا جات حاملة الراديو بتاعهاو بتبكي قالت لي اسمع فنان محمد
ازكرك بمقاطع من فنانك المفضل:
هيجتني الذكرى:
كيف عيوني الساحرة
يا نواعم تترى
الشجون مهتاجه
والخواطر سكرى
وعلمتنى الحب :
علمتنى الحب وأختفت عني
أين القاها ملهمة فني ؟
وأسرار العيون :
عيونك فيها من سحرالجمال أسرار
عيونك حين تعاين لي أشوف الدنيا
باسمة علي ومايله قصور
أفكر فيك امام عيني كانك زهرة بين يدي