ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اسرتنا - افكار بنات

+8
ناهد عبيد
nashi
ود عشمان
الفاتح محمد التوم
محمود منصور محمد علي
صباح حسن عبد الرحيم
محمد قادم نوية
فيصل خليل حتيلة
12 مشترك

اذهب الى الأسفل

اسرتنا - افكار بنات Empty اسرتنا - افكار بنات

مُساهمة من طرف فيصل خليل حتيلة 29th مارس 2011, 10:24


..:: رسـمـــت أســرتــنا لوحتها ::..

رسمت أسرتنا لوحتها .. في المركز كالبدر الألِقِ
شادت بالوِّد بلابلها .. بتحاياً تلمع في الأُفقِ
سارت للمجد قوافلنا .. وسمت بالعزم المنطلق
وتخُط السير بإقدام .. يبدو كالنور المنبثق
نروي للكون حكايتنا .. كي ننشر أثواب الفلق
كي نبصر أجيالاً تسمو .. تزهو كالنجم المؤتلق

على نهج منتدى ابوجبيهه الذى ترك بصمة لا تخطئها العين على مجتمعنا الصغير ايها الاحباب

تبلورت فكرة اسرتنا من بعض اعضاء المنتدى و تحديدا بناتنا ناهد عبيد و اقبال عبداللطيف و الاخت

خالدة غندور ( عضوه تحت التفعيل ) و تقوم الفكرة على تحريك اسرتنا فى الخرطوم اجتماعيا و من ثم

توفير مناخ عملى للاسره لمناقشة كافة القضايا الاجتماعية و كيفية بناء جسم اجتماعى لمواجهة هذه

المشاكل بشكل مرتب.

القائمون على الامر تركوا المسائل التى غالبا ما تعوق العمل العام جانبا و اتجهوا الى الحلول العمليه

و بالفعل قاموا بدعوة كل الاهل الى لقاء اسرى بحدائق ( مايو - سته ابرايل - الانغاذ ) بالجديد و القديم

و كانت ليلة ما منظور مثيلا.

كانت الحدائق تضج بابناء و بنات ابوجبيهه و لقد استمتعنا كثيرا بالونسه و الضحك مع اخوة اعزاء.

وللامانه كان المنتدى حاضرا و اشاد كل الناس بالعمل و الدور الذى يقوم به المنتدى اجتماعيا.

التحية لبناتنا ناهد و اقبال و خالدة غندور على هذه اللفتة البارعة و التحيه لكل اهل ابوجبيهه للاستجابة

لهذه الدعوة .

ارجو ان انبه كل الاخوة ان جلسة اسرتنا القادمة ستكون بعون الله فى نهاية ابريل و بالطبع

الدعوة للجميع.

شكرا لكم جميعا
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

اسرتنا - افكار بنات Empty رد: اسرتنا - افكار بنات

مُساهمة من طرف محمد قادم نوية 29th مارس 2011, 10:34

لك التحية علي اللفتة البارعة ..وعبرك نُحي كل حواء أبوحبيهة علي هذا الألق والنشاط الدؤوب الذي يقمنّ به
وكمانحي فيهن هذا اللقاء الأسري الجميل الذي يدل علي الترابط والأخوة الخالصة
نأمل ان يستمر هذا العمل الجميل
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

اسرتنا - افكار بنات Empty رد: اسرتنا - افكار بنات

مُساهمة من طرف صباح حسن عبد الرحيم 29th مارس 2011, 10:41

يا سلالالالالالالام
علي الاعمال الجميلة والنشاط ونتمني التقدم والازدهار للجميع
ونتمني المشاركة في الجلسات القادمة
الي الامام

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

اسرتنا - افكار بنات Empty رد: اسرتنا - افكار بنات

مُساهمة من طرف محمود منصور محمد علي 29th مارس 2011, 12:36

قلوبنا معكم استاذ فيصل حليل النشط المميز
واي عمل جماعي لخدمة الاهل بالحباك مستعدون ان نساهم فيه ونجند ارواحنا لخدمته وربنا يعينك ويسدد خطاك في سبيل مجهودك المقدر للم الشمل وتحفيذ الروابط الاسريةوتجديد وتنشيط العلائق الاجتماعية
نزل الصورة يا فيصل !!! الف تحية
توعدنا وتبخل بالصورة
محمود منصور محمد علي
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

اسرتنا - افكار بنات Empty رد: اسرتنا - افكار بنات

مُساهمة من طرف فيصل خليل حتيلة 29th مارس 2011, 12:59


انت رجع لى رسايلى --- و الرسايل العندى شيله

و الصور لو قلت برضو --- و كلو زكرت ريد جميله شيله.

محمود منصور يديك العافيه يا حبيبى و المبادرة من بناتنا يا حبيب انا فقط انقل لكم.

خلى البلطجية بتاعنك يصورونى ليك يا عزيزى لانهم كانوا حضور

شكرا يا خال
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

اسرتنا - افكار بنات Empty لمة من البلد

مُساهمة من طرف الفاتح محمد التوم 29th مارس 2011, 23:58

جانا الخبر شايلو النسيم.....فى الليل يوشوش فى الخمائل
هش الزهر بكت الورود.....وسالت مشاعر الناس جداول


عزيزي فيصل ... ما أجمل روح المبادره ... في لمة من البلد

ألله شاهد
البنيات ...جابن شواهد
دوزنن كل المشــاهد
أسرتنا ..يا حلم جميل وواعد

فيصل .. اديك العافية
لو اعيش زول ليهو قيمة اسعد الناس بوجودي

زي نضارة غصن طيب كل يوم يخضر عودي

ابقي دار لكل لاجئ او حنان جوه الملاجئ

ابقي للاطفال حكاية حلوة من ضمن الاحاجي

بيها يتهنو و ينمو واحرسم طول ليلي ساجي

والقي في راحة نفوسهم بسمتي وطول ابتهاجي
**_**

فالتحتشد كل الســواعد..

**_**
تخريمة :-
أخوي محمــــود
( Please ,the more recent photograph )
عشـــان لوجينا مكة ما نضهّب ... !!!




الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

اسرتنا - افكار بنات Empty رد: اسرتنا - افكار بنات

مُساهمة من طرف ود عشمان 30th مارس 2011, 01:28

العزيز فيصل
وبقية الاخوات

شوقا يسبق خطانا المشاعر باسمكم جميعا هتفت و العيون تسأل .. شوقا لكم بالملايين افاقت و بلا حدود ..
شوف يا فيصل اول ما تتلموا في الحدائق خلونا نعرف عشان نتصل عليكم مباشرة علي الهواء و تكتمل السعاده بسماع صوت اسرة المنتدي فردا .. فردا
شوقتونا الي المجي لحضور تلك الجلسة الاسرية

لكم التقدير
ود عشمان
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

اسرتنا - افكار بنات Empty رد: اسرتنا - افكار بنات

مُساهمة من طرف nashi 31st مارس 2011, 18:48

حالت ظروف ما نكون في الموعد
جهزا حالنا ومآلنا
وربنا ما اراد
قولوا يا رب نكون معاكم في اللمة القادمة
ربنا يثبت الاجر
============================
والله مشتاقة لخالدة غندور شديد
ممكن تلفونها في الخاص يا فيصل؟
تحياتي للجميع
nashi
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

اسرتنا - افكار بنات Empty رد: اسرتنا - افكار بنات

مُساهمة من طرف ناهد عبيد 5th أبريل 2011, 15:07

الفضل فى اسرتنا يرجع لله سبحانه وتعالى ولكل اسر ابوجبيهه بالخرطوم صراحه. حكايه انو الناس تتلاقى دى ويكون عندنا علاقه اجتماعيه بطريقه منظمه بعيدا عن كل الحاجات البتخلى العلاقات تكون ما جميله هى فكره موجوده عند الناس كلهم رجال ونساء واطفال بس كانت ناقصه التنفيذ والناس تفكر بصوت مسموع والدليل على ذلك مجرد انك تتصل بالتلفون على واحد او واحده تلقى الكل يقول ليك يااا ريت ده عشمنا ونحن مستعدين وما عندنا مشكله بس انتو قولوا لينا عووووك .
الموضوع ما اخد زمن طويل تفاعلوا معاه كل اهلنا ناس ابوجبيهه فى الخرطوم بشكل مدهش الناس الساكنين فى امدرمان والخرطوم وبحرى
تّم اجتماع صغيرونى حدد فيه موعد اللقاء الاسرى الاول يوم الجمعه الموافق25 مارس الساعه السادسه مساء بحدائق 6 ابريل وتمت دعوه كل اهلنا بابوجبيهه كن ما اخاف الكضب
جاااااءت الجمعة الموعوده وتعااااالوا شفوا الحصل شنو جنس كتاحه وغبار وهبوب وكدو اسكتوا سااااااااى واصدقكم القول انا قلبى انقطع وانتابنى الخوف وقلت خلاص ناس ابوجبيهه ما ح يجوا عشان الجو تعيس لكن حصل العكس تماما حضور لم يكون متوقع ودى اهلى الغبش امد الله فى ايامهم . كان لقاء ولا فى الاحلام سلاااااااام و فرحه فى عيون كل الحاضرين والاطفال لعبوا هنا وهناك والذين لم يتمكنوا من الحضروا برضوا كانوا حاضرين اللهم ادمها نعمه علينا واجعل الروابط بينا قويه متينه
شكرا فيصل وشكرا للجميع
ناهد عبيد
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

اسرتنا - افكار بنات Empty رد: اسرتنا - افكار بنات

مُساهمة من طرف اقبال عبداللطيف 5th أبريل 2011, 15:46

تحية الى روح المبادرة فيصل..
اقبال عبداللطيف
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

اسرتنا - افكار بنات Empty رد: اسرتنا - افكار بنات

مُساهمة من طرف Suhad Abduelgfaar 7th أبريل 2011, 18:52

الوقوف والانحناء لكم جميعا
وحقيقى دى لفته بارعه منكم
وربنا يجمعنا معاكم
قريبا
ويا اخيتى الدكتوره ما تشيلى هم
حيعوضونا الفات كله
ولا ما كده
يا اخوانا
قولو حاضر قبل ما افك ليكم الدميعات
تحياتى لعزيزتى الغاليه خالده غندور
Suhad Abduelgfaar
Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

اسرتنا - افكار بنات Empty رد: اسرتنا - افكار بنات

مُساهمة من طرف خالد عثمان 8th أبريل 2011, 10:46

فكرة طيبه ...
.... جبيهة يادفأ الشموس.....
لكن والله ماعارفين وانا بعاتب الاخ العزيز ياسر السر على الاقل يخطرنا تلفونياً عشان نكلم الاسره وباقى الاخوان
..لكن بنقول الجايات اكتر من الرايحات
خالد عثمان
خالد عثمان
نشط مميز
نشط مميز


الرجوع الى أعلى الصفحة اذهب الى الأسفل

اسرتنا - افكار بنات Empty رد: اسرتنا - افكار بنات

مُساهمة من طرف فيصل خليل حتيلة 18th أبريل 2011, 17:21


البنات ديل مالم يا جماعة

الناس دى كلها جات لبرامج اسرتنا تمشو تخلوهم ( عيييييييييييييييب )

انتظرنا مقترحات الاخوة الاعضاء ( يبدو ان خيرها فى غيرها )

او بالسياسة الجديدة ( حضرنا و لم نجدكم ) عمكم نقد ههههههههههههههها.

فى جديد
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

اسرتنا - افكار بنات Empty رد: اسرتنا - افكار بنات

مُساهمة من طرف فيصل خليل حتيلة 29th مايو 2011, 15:02


غيبوبة أم موت سريرى
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

اسرتنا - افكار بنات Empty رد: اسرتنا - افكار بنات

مُساهمة من طرف اقبال عبداللطيف 29th مايو 2011, 15:23

عمو نقد ولا واحدة في الاتنين..
لكن تأتي الرياح بما لاتشتهي السفن
تزامن الموعد مع وفاة العزيز طارق وقيدتنا الا
حزان..
اقبال عبداللطيف
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

اسرتنا - افكار بنات Empty رد: اسرتنا - افكار بنات

مُساهمة من طرف ناهد عبيد 16th يونيو 2011, 09:53


جماعة الخير اذيكم عساكم شداد ولضداد شوقنا كبير ان نلتقى ويستمر برنامج اسرتنا كل شهر لكن قدر الله رتبنا كما ذكرت اقبال وفقدنا العزيز الله يرحمه طارق ويحسن اليه وبعدها الواجيع راااااااقده .

يا اخوانا هووووووووى يوم السبت الموافق 18يونيو الساعه السادسه مساءا بحدائق ابريل تعالوا كلكم والسمع يكلم ما سمع .

وبالله التوفيق قولوا امييييين يا رب
ناهد عبيد
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

اسرتنا - افكار بنات Empty رد: اسرتنا - افكار بنات

مُساهمة من طرف يعقوب النو حامد 4th نوفمبر 2011, 04:26


الأخ العزيز فيصل خليل
تحية ليك وتحية أخرىللبوست (اسرتنا) صراحة انا عرفت كتير من الشباب من خلال البوست بس العرفتو لا زال يحتاج لتوضيح بعض الأخوة والأخوات فى البوست بيكتبو اسماء مستعارة مثل خدور أمبشق, و الحازمى , ونمل السكر وغيره. أرجو عمل بوست تعريفى ثابت
يكتب فيه كل عضو
الإسم......
اللغب.... (إذا كا يستخدمة فى البوست
الحالة الإجتماعية....متزوج....غير متزوج
العمل......
الإقامة ابوجبيهة.....او فى الغربة
العنوان........

وشكرا
يعقوب النو حامد
يعقوب النو حامد
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى