ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مسو نوركم شوفو المن جبينا صباح

+2
صباح حسن عبد الرحيم
أزهرى الحاج البشير
6 مشترك

اذهب الى الأسفل

مسو نوركم شوفو المن جبينا صباح Empty مسو نوركم شوفو المن جبينا صباح

مُساهمة من طرف أزهرى الحاج البشير 9th أبريل 2011, 11:28

محمود مع التحية لك ما سألت
مسو نوركم شوفو المن جبينا صباح

كلمات الراحل
المقيم :سيد عبد العزيز
غناء الراحل المقيم :بادى محمد الطيب

مسو نوركم شوفوا المن جبينة صباح
والصباح لو لاح لا فايدة فى المصباح
هل أتاك حديث الكوكب النضاح
قمرة تمطر خمرة حارسا الفضاح
لو تعيرنا محاسن شمس للايضاح
مابتعيرنا محاسن محيها الوضاح
نور جمالا دهشنا معشر الفصاح
بين ناطق صامت بين صامت صاح
غالية غالية محاسن فيها شوق يا صاح
الجمال الفيها..كل معنى صاح
نصدر الايات من نور على الالواح
المعانى الفرد وميتة الارواح
فى العيون المرد والسحر لاواح
تجلب الالباب ويفرح النواح
القوام اللادن والاريج الفاح
من جسيما الناعم الاسمر التفاح
خلا عقلى وخلا فى هواى كفاح
جيش هواها احتل قلعة الاصفاح
روضة غنى جمالها يجلب الافراح
حورا من الجنة تسقيك راح
كل هذا تراه ما بزيل اتراح
من بحبو تهانت واستراح وراح
ياليالى احبابى ما شفيتى جراح
بل شفيتى فؤادى ومدية الجراح
صرت اتلو حديثك فى الوجود بصراح
لو تليت بو كتابى سميت بالشراح
كم نظرنا مناظر يعلم الفتاح
لو قفلنا قلوبنا كانت تكون مفتاح
ادرى ام ما ادرى صرت كالمفتاح
لو رضاكى هلكنا للهلاك نرتاح
ما جنيت بهواى ما على جناح
شكيت للقمرى لو يعيرنى جناح
يكفيك لسانى الغنا فيك ليك وناح
لو رثيت بو حياتى ما زلت لى مناح.
أزهرى الحاج البشير
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

مسو نوركم شوفو المن جبينا صباح Empty رد: مسو نوركم شوفو المن جبينا صباح

مُساهمة من طرف صباح حسن عبد الرحيم 9th أبريل 2011, 11:52

شكيت للقمري لو يعيرني جناح
يكفيك لساني الغنا فيك ليك وناح
لو رثيت بو حياتي ما زلت لي مناح...
سلاااااااااااامات يا عمو
تحياتي للاسرة الكريمة
تسلم

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

مسو نوركم شوفو المن جبينا صباح Empty رد: مسو نوركم شوفو المن جبينا صباح

مُساهمة من طرف محمود منصور محمد علي 9th أبريل 2011, 12:12

الدكتور ازهري
الف شكر على الابداع والروعة وما قصرت ابدا
تحياتي
محمود منصور محمد علي
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

مسو نوركم شوفو المن جبينا صباح Empty رد: مسو نوركم شوفو المن جبينا صباح

مُساهمة من طرف فيصل خليل حتيلة 9th أبريل 2011, 13:32


شكرا ابو د. نوال

بين ناطق صامت بين صامت صاح
غالية غالية محاسن فيها شوق يا صاح

محمود مبروك و نص جدا رائع و بلاغة مبالغة.

تحياتى


فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

مسو نوركم شوفو المن جبينا صباح Empty انشاء الله يا استاذنا الجِنان في الدنيــا وفي الآخرة

مُساهمة من طرف الفاتح محمد التوم 9th أبريل 2011, 14:24

شكراً استاذنا أزهري ..... لهذا الإمتاع اللامتناهي ..... عندما كتب الأخ العزيز محمد نوية بوست " صور بعض الشعراء" نظرت فقلت مالي لا أرى سيد عبدالعزيز ..... أدرجت صورته وكمان معاها قصيدة ...قبل أن يبرح محمد نوية البوست بتاعو .... هذا شاعر له طريقة متفرده متميزة صادقة جداً ... بالله انظر رائعته
الجنان في الدنيا
الجِنان في الدنيــا والليالي تدور
أم دي ليلة وجمعت بين شموش وبدور
أم دي زينة الدور أم ليلة القدر
الفيها زي ماندور هاهو نور في خدور
العفاف والرقة والقدارة يدور
بين بنات الحور والسحر في عيونن
منه كم مسحور
والحسود منحـــور
والبروق تلامع من بسوم ونحور
والقديم مبتور
بالهياب مسبور
زي عظمة القائد في حزا الطابور
النظر مكسور دون توغل تارك
كم قلب مكسور
في حسابه كسور
وحاله حال الواقف في الحساب مأسور
الجلال مأمور في النظام المحفل
بالفرح مغمور
والمحل معمور
بالأدب زي حرمة بيته المعمور
الكمال مشهور
في الغصون الرايعة يانعة فايقة زهور
فادعة مايسة ظهور
ساعة بينهن توزن ياصديقي دهور
القمر في نور
والنجوم تتلامع في سما البلور
شئ عجيب يالنور
رب محمد شفنا الدنيا نور في نور


شكراً شيخنا الذاكر المستنير


الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

مسو نوركم شوفو المن جبينا صباح Empty رد: مسو نوركم شوفو المن جبينا صباح

مُساهمة من طرف محمد قادم نوية 11th أبريل 2011, 14:59

شكراً عم أهري لهذا الزخم الشعري والفني الرائعين
أشعار جميلة وفن راقي لشعراء أتحفوا الساحة الفنية السودانية بالروائع
ارتحنا في حضرتهم معك وتلمسنا أنيق القوافي على يديك فلك الف تحية وتقدير

وشكراً ليك يارائع الفاتح ..في كل بستان تقودنا إليه خطواتك فيه راحة للروح و الوجدان ..

محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى