الليلة ما جاني عبدالرحمن الريح

ا
الليلة ما جاني
سافر منّي خلاّني
*******
يا ناس خلاص جنيت
وقفلت باب الريد
سافر شقيق روحي
المن حبّو ما استغنيت
*******
لمتين يعود ليّ
الخدودو وردية
انا قلبي قال ليّ
نار الغرام حيّة
*******
دايماً أغنّيـــــــلا
الفريدة في جيلا
إن شاء الله يا عديلة
تمشي وتجي تاني
*******
يا قمرة ناجيني
ويا نجمة ودّيني
حبيب وعدتّو أجيو
قال ليّ بجيك تاني
*******
سايق عليكي هواك
وفي الآخرة بستنّاك
قال ليّ ما بقدر
دنيا وآخرة عايشة معاك
*******
لمّا الحبيب جاني
واحيالي شرياني
حلفتو بالتأكيد
قليبو شرياني

شكراً عمنا فضل لك التحية وانت تطوف بنا في الزمن الجميل الذي كم تمنينا ان تكون ايامناهذه شبيهه به بس ياريت

واليك هذه الرائعة من كلمات عبدالرحمن الريح
أنا بيك سعادتي مؤكدة
وبلاك حياتي منكدة
حرام عليك يا جميل
ما صح عليك تعمل كدا

يا من محاسنك بقلوب
عاشقين مستفردة
خليتني أشكو من الغرام
وأقول حقائق مفردة
وأقول حبيبي عمل عدوي
خلاني لي الأذى و الردى
ما عندي مانع حتى لو
ضيعني ساكن الموردة

أنا بمحاسنك بفتخر
وانت المحاسن سيدا
يومي الأشوفك يبقى عيد
والدنيا تبقى معيدة
البدر إن شافك يزول
من الأنوار الجيدة
أما الشمس لو شافتك
ترجع أسيرة مقيدة

أنا طرفي شايفك يا جميل
أخد اللجين العسجدة
مهما أعاين في الشباب
وين ذي محاسنك أوجدا
قبال أراك أنا كنت في
أيام جميلة مبجدة
متى روحي من بعدالعذاب
تشفق عليها وتنجدا

بقا عقلي مشغول بالوصال
وأفكاري ديمه مهودة
خايفك تحرض يوم لقائي
وأيام عذابي تزودا
بالنفرة والجفا والصدود
مسلتا غزلان الودا
نفسك على الجور والبعاد
والعزلة اوعه تعاودا

يا من على حرب العشوق
لحظك جيوشه مجندة
وقامتك تطيبك كأنها
مخلوقة من قطر الندى
والحكمة في كونك بخيل
واهلك أرابيب الندى
أصلك بتدلل علىّ
ولاّ الحكاية معاندة
تحياتي

شكراً كثير ليك يا زهير الكريم ابن الكريم والمنتدى منور بيك... ماتتخيل والدك كان يحب الشعر قدر أيه!!!! الله يرحمك يا أخي حسن وسلام لك في الخالدين

علية الف رحمة ونور
واحده من الاشياء التي ورثتها من والدي مجموعة من الكتب النادرة جدا
في الشعر والادب والسياسة
ومجموعة متنوعة من المخطوطات النادرة
لك تقديري

شكرا استاذنا فضل

زهير ايه الألق دا ياخ ربنا ما يحرمنا منك يا صديق

تحياتى

تحية لك ايها الرائع فينا دوما الاستاذ فضل
هذه القصيدة الرائعة ذات الكلمات البسيطة بساطة المواطن السوداني اخذت حيز من المجد في عصرها وقد زادها الراحل المقيم احمد المصطفى جمالا وروعة بتفصيل هذا اللحن الجميل الذي البسه اياها كثوب انيق و منسجما مع الكلمات والمعاني والمدلولات وزادها القا انه وضعها في قالب لحني وايقاعي جميل وممتع
جدا الا وهو ايقاع (السيرة )الذي يطرب له كل سوداني . الف تحية
تخريمة/ لم توضح لنا اسم الشاعر

الاستاذ زهير حسن السيد
مشكور جدا على هذه الرائعة من روائع الراحل عبد الرحمن الريح لكن مع الاسف الشديد لم تكن بعض الكلمات واضحة لاستخدامك لبعض الالوان الباهتة لذا نرجو منك التكرم باعادة صياغتها من جديد حتى نستمتع بقراءتها
طبعا يا استاذ زهير ده رجاء وليس امر... الف تحية

شكرا فيصل علي المرور
محمود لك ودي وتقديري
انت راجائك اوامر ياسيدي
تحياتي

زهير حمداً لله على سلامتك وبركه عمنــــا فضل شــرّك ليك و الشرك قبض .....ها أنت تأتي ومعك الروائع....
عبدالرحمن الريح الشاعر الذي ينظم الأبيات قبل أن يشرب كباية الشاي عند مضيفة نظم " أنا بيك حياتي مؤكده" .. عند زيارته لصديقه المطرب محمود عبدالكريم ( فردة ثنائي الموردة) والذي حدثه بجمــال الفتاة التي أسرت قلبه ...وعندما التقاها الشاعر عبدالرحمن الريح وقبل أن يجلس نظم تلك الأبيات........" على الهــواء مباشرة"
أشكرك للألق .... زهير

حاج الفاتح ربنا يقبل حمدك
دائما عمنا فضل يحرك في دواخلنا بااختيارة الفريد المميز
اشياء صعب ان يحكيها الانسان وانا واحد من المتيمين بغناء الحقيبة
وكلماتة والحانه
وبهذه المناسبة اهديك هذه الرائعة
الشادن الكاتلني ريدوا
للشاعر عبدالرحمن الريح

الشادن الكاتلني ريدو هلك النفوس و الناس تريدو
مـالو لو يـرحم مـريـدو
في الكون وحيد والكون وحيدو فـيـه لا يـوجـد طـريدو
نـظم القلوب في سلك ريدو لبسـن قـلايد في وريـدو
الجيل قديمو علي جديدو بيه اعـترف مـعدوم نديدو
فاق السلاح وفضح حديدو نـقرابي فـي صفحة خديدو
يصعب علي وصف فصيدو صـعبان علي انظـم نشيدو
دا غزال وسارح بين صيدو يازيد مـحال شركك يصيدو
انسان كحيل ناعس هجيد جيد الغـزالة كـأنو جـيدو
مهما اقول والقول اجيدو انا وصفو كـيف اقدر اجيدو
كلما اقول الحظ يعيدو نحس الزمان يشرح سعيدو
القطر دانيهو وبعيدو هو هلال صيامو ويوم عيدو

لك تحياتي والاسرة الكريمة