أغاني حقيبة بليغة اللغة

ياجميــــل يامدلل
كلمات الشاعر: عبدالرحمن الريح

ياجميــــل يامدلل قول لي
ليه بس حكم الغرام قد حلل
عذابي يدوم

ياجميل يامدلل
كل ما اطراك بالدموع اتبلل
جسمي صار منحول والمنام اتقلل
طرفي لى رؤياك دمعو كبَّر وهلل
جفاني النوم

بالعلي لا تجهل
ياحلو النغمات يالذيذ المنـــهل
ناري حارقه الجوف والمدامع تبهل
بعد هذا الحال هل وصالك يســهل
تحن ياظلوم

ليل ضفايرك مسدل
يارشيق القامة والمعاطف الهدل
القوام ممشـــوق والمعاطف جدل
داالمخلي إليـــك حُبي لا يتـبدل
يزيد كل يوم

العقول تتخبل
والاديب فى الناس للقاك يتـهـــبل
بيد أنى عزيز خفت فى المستقبل
أهدي ليك الروح وانت بي ما تقبل
أكون مظـلوم

فى هواك لو أُعزل
برضي لاانساك فى الجمال اتغـــزل
والعجيبة كمان قلبي صار ليك منزل
وانت فوق للقوس والسماك الأعـــزل
علوت نجوم

لزوميات الحقيبة تظهر مدى تمكن أهل الحقيبة من اللغة ليت أدباء السودان نشروا ذلك للعرب .. هذا تمكن عجيب من اللغة لا يدرى به حتى أهل السودان الحديث ، بالطبع ليس السودان الجديد ..