أغاني حقيبة عمر ابنا زهر الروضـة نوّر

زهر الروضـة نوّر
كلمات الشاعر / عمر البنا

زهر الروضـة نوّر في فصـل الربيع
والنسّام يقسـّم للأريـاح يبيـع


زي تبسيـم ثناك النورو يقيـد طبيع
تبسيمات زهورنا بين النيل نبيـع
فرعها زي قوامك النادية من هميع
وحامل لي نفوره هلّ هـلال ربيـع

من مهدك مكمّل ومن جهلك وديـع
مفتون بي هـواك الرفيع والوضيع
كل عزيز في قامه لي محاسنك خضيع
لو ترسل محيّا هدر الدم يضيـع


بي ذكرت محاسنك قد جـّل السميع
وبي ذكرت محاسنك قمري الدوح سجيع
حرك زاد شجوني في اللـيل الهجيع
ساهر و مانى واصل لا خـل لا وجيع
ومن بعدك حبيبـي اختـرت النجيع


في تصويـر جمـالك قد جـّل البديع
وضـع الماى والنار في خديـك جميع
والـراح بيـن فاهـك والخـد النبيع
نـوره سطع وهـلّل دمعي نزل هميع


أرجعي بي سلامي يا قمـري الفريع
قولي للسادة بعدك زي السـم جريع
حظي سواده يشبه شعـرك كالمريع
أغثني ولو مناما بي قربك سريع

زهر الروضة نوّر في فصل الربيع
والنسّام يقسـم للأريـاح يبيـع