تعيين الاخ أدم سراقة مديرا تنفيذيا لمكتب وزير المالية

نعم الاختيار لاخونا ادم محمد ادم سراقة مع امنياتنا لك بالتوفيق ده خبر جميل الواحد يلقاه في المنتدي مالك قاطع اخبارك

سراقه

الف مبروك

والله الخبر ده ما لقيتو الا توه

بالامس كنت بتحدث مع العزيز سراقه وما كان عندى خبر

كده الماليه يدابا بدأة صاح ونهنى الاخ الوزير للاختيار الموفق

ونهنى كادقلى بالاضافه الكبيره

ونهنى الشرقيه بوجودها فى مالية كدقلى

واهنى (ربق) بالموقع

ربط وفضل

على قدر أهل العزم تأتي العزائم

وتأتي على قدر الكرام المكارم

مبروك أخي آدم وبالتوفيق

مبروك لسراقة وعقبال يسووك معتمد لابوجبيهة

مبرووووووووووووووووووك الوظيفة

وبالتوفيق يا رب

شكرا اخوتي الكرام جميعا اهل ابوجبيهه الحباك
طبعا نحن ناس كلوقي ابوجبيهه دي بالنسبه لينا زي مكه
تعلمنا فيها كل شئ حتي الذوق و كيفية انتقاء الاشياء الخاصه
عندما انضممت الي موقعكم العامر ايقنت انني انضممت الي
اساتذة اجلاء في الادب
و الذوق و المعرفه و حتي كيفية استقبال الضيوف
انا شاكر لكل الاخوه و سأكون رسولا لكم بكادقلي و اول من زارني في المكتب احد اعيان ابوجبيهه الشيخ كلنتون
و عندنا كثير من الطرائف في كادقلي سنقوم بنقلها لكم

ماشاء الله خبر جميل و اختيار موفـق
استاذ سراقة لـم نـر منك إلا كـل خيـر
وفقك الله وسدد خطاك .. تقبل تحياتي
و تحيات الوالدة ..

ف الف مبروك عزيزي سراقه وحقيقه دا خبر اسعدنا كتير ويابخت الوزاره بيك ووصيتي ليك عليك بالصبر والحكمه وربنا يعينك ويوفقك

يا سراقة اول حاجة عندنا قروش هناك وفيها قضايا لازم تطلع لينا وباسرع فرصة

بس ترتب امورك

ونديك تلفون

مبروك وأبقى عشرة على المبادئ والتكليف صادف أهله والمهمة جد عسيرة . وفقك الله .

العزيز ادم سراقه ..

لك التحية و التهنئه اخي الكريم انا علي ثقه انت قدرها تب و انت المفروض تكون الوزير عديل كده .. خبرتك ما فيها الكفاية .. شقل اتحادات ساي يبقيك والي .. اقصد محافظ ..

يا اخوانا طبعا انا و سراقة عيال دنقر و شوف يا عزيز اي وظيفه طايره في وزارة الماليه قول لينا عووووووك .. الشقل ذاته لو ما بقي في بكان القروش دا ما شقل ..

نتمني لك التوفيق و دايرين منك حاجه واحده عندنا كبري في امبرمبيطه وقع صلحا لينا عيينا من العوم ..

بالتوفيق اخي الكريم

سراقه كتب :

" شكرا اخوتي الكرام جميعا اهل ابوجبيهه الحباك
طبعا نحن ناس كلوقي ابوجبيهه دي بالنسبه لينا زي مكه"

شوف يا ادم سراقه دا الكلام الما بنفع معنا.. انت لو درسته في ابوجبيهه شيل شهاداتك و قول لهم شكرا و امش ..

لك التقدير

هوى ول عشمان كان عيتو من العوم

سراقة يرسل ليكم انابيب ترتر تقطعو بيها لانو فى اولويات

ودعشمان هوى انت جاى متين ياخى الدولار وصل 5 جنيح وتانى نزل ياخى

يا سعادة المدير التنفيذي ..

شوف لي ابوهريره دا وظيفه سكتو بيها .. لانو ملقي حجج ..

ابوهريره بتصل عليك يوم بكره انشاء الله

مبروك اخى ادم سراقة وابقى عشرة على الشرقية

نتمنى لك التوفيق والتقدم و الاستقرار وطيب الاقامة بكادوقلى

تلكم المدينة الجملية الساحرة , انا لى فيها ذكريات جميلة جدا

وبعدين يا سراقة سلامى لاخوتى احمد كوكو المنزول وحماد فضل الله

جميع الاخوة بادارة المراجعة الداخلية بالوزارة

اخي الكريم الاستاذ فيصل خليل لك الشكر و انت دائما تتفقد احوالنا و تجمعنا في المشغوليات و الجري اخوانك ود عشمان و ابوهريره ديل زملاء في حاجات كتيره و د عشمان قال داير كبري
لكن التصديق الا يجي من استاذنا فيصل قول ليه جيب ورقك و دخل معاه شوية دولارات لزوم الدمغه و كده
و شكرا لكل الاخوه و اخونا كوكو تحياتك وصلت تب للاخوه و اي زول يجي كادقلي يصلنا بيتنا كبير و عندنا جناح للعرسان كمان لكن شرطنا ما تجونا بالمره الثانيه لاننا نستقبل فقط المره الكبيره

اخوتي الاعزاء ارجو تفعيل فكرة المشروع الاستثماري و انا في كادقلي بكمل كل الاجراءات و عندنا مسؤول كبير اخونا اسامه ابو احمد لو غلبتنا حاجه نرجع ليه فكرو في المشروع و ق لو لينا

الف الف مبروك الاخ ادم سراقة الوظيفة الجديدة وبالتوفيق انشاء الله

تحياتى

مبروك سراقة ونسأل الله لك التوفيق والنجاح فى المهمة وأنت قدرها، لم ألتقيك منذ فترة

لكن عجبنى كلام زهير أنت فى أمجمادية شد حيلك بالمناسبة ده نصيحة غالية

بالتوفيق أنشاء الله

تشكر أخى محمد ، صحيح فترة وأنا بعيد عن المنتدى لأسباب سفرية عمل ، وأفرحنى خبر سراقة وقصدت أهنيه سراقة من الشباب النشطاء بجانب عمله السابق فى الخرطوم كان مواصلا فى دراسة الماجستير بالأسلامية ألى أن كلل بنجاح مميز سيفتقده الجميع هنا بالخرطوم لانو أخو الكل وزول حوبا لكن قطعا فائدته فى بلده أشمل للجميع مجددا نكرر لك التهانى وبالتوفيق

الأخ العزيز ـ سراقة

الف الف مبروك على الثقة الكبيرة التى منحت اياها لتنال هذا المنصب الرفيع
انا اعرف انك رجل مبروك و نضيف لكن حسابك.

اسمع كلام الببكيك ما تسمع كلام البضحكك
حتسمع الكلام الشين
و سوف تسمع حرامى
اوعك تقول أنا عاوز اقدم خدمات لأهل أبوجبيهة دون غيرهم هذا تحيز.
اهم شيئ يا أخى سراقة نضف سريرتك و توكل على الله

عاوز أضرب ليك مثل.
الفريق معاش سجون أحمد وادى حسن هو من الرهد ولكن اهلو كلهم
فى أبوجبيهة و بالأحري فى جبرونا حلتنا. ما قدم اى خدمة لأهلو على أساس انو مدير عام سجون السودان. الأهل كانو زعلانين لأنه ماقدم ليهم أى خدمة. لكن فى رأيى هو أنسان نضيف.
العاوز يبقى ضابط سجون يقدم زى الناس و يخش المنافسة.
داك موضوع وظائف. اما أنت يا سراقة مسئول مالى, و العدل أمر صعب , عليك ان تساو بين العربى و النوباوى, و الفلاتى أو بين جميع الناس.

أذا عدلت نلت خيرا كثيرا.
والله الموفق

يعقوب النو حامد

اخي العزيز ود النو و الله نصيحتك غاليه جدا
تشكر عليها شكرا جزيلا و سوف اضعها نصب
اعيني باذن الله و اسألك صالح الدعوات حتي
نلتقي في مساحه جديده من شعر الهداي و الطمباري