ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

بناديها -الى محمود منصور

3 مشترك

اذهب الى الأسفل

بناديها -الى محمود منصور Empty بناديها -الى محمود منصور

مُساهمة من طرف فيصل خليل حتيلة 27th ديسمبر 2011, 09:43


تمرد عزيزنا محمود على السياسة و الرياضة و الاجتماع و الاقتصاد و انحاز بطبيعة الحال الى موهبته التى لم

تتفجر بعد و معروف عنه حسه الفنى العالى منذ نعومة اظافره

نهديك هذا النص عساه ان يشفع لنا هترشاتنا فى الرياضى و السياسى المملة و نعتزر عن حدة التعاطى مع القضايا

لك العتبى



بناديها
وبعْزِم كُلّ زول يرتاح
على ضحكَة عيون فيهَا
وأحْلم اني في أكوان
بتْرحَل من مراسيها
عصافير
نبّتَت جِنْحات
وطارت
للغيوم بيهَا
مسافرِ من فرح لس شوق
ونازِل
في حنان ليهاَ
أغنّي مع مراكب جات
وراها بلاد حتمْشيهَا
واحزَن لي سُفُن جايات
وما بْتلقَى البِلاقيه
بنادِيــــــهَا
ولمّا تغيب عن الميعاد
بفتِّش ليهَا في التاريخ
واسأل عنَّها الاجداد
واسأل عنّها المستقبل
اللسّع سنينو بُعاد
بفتِّش ليها في اللوحات
مَحَل الخاطر الما عاد
في شهقَة لون وتكيَة خط
وفي أحزان عيون الناس
وفي الضُّل الوقَف ما زاد
بناديــــــهَـا
والاقيـــــهَــا
واحِس بالُلقيا زي أحلام
حتصْدِق يوم
والاقيــــــهَــا
واحْلًم في ليالي الصيف
بَسَاهر الليل
واحجِّيـــهَــا
ادوبي ليهَا ماضيهَا
واطنْبِر ليها جاييــهَا
وارسِّل ليها غنوَة شوق
واقيف مرات واْلُوليهَا
بنادِيـــــــــهَــا
وبناديــــــــهــا
وبناديـــــهــا

فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

بناديها -الى محمود منصور Empty رد: بناديها -الى محمود منصور

مُساهمة من طرف محمود منصور محمد علي 27th ديسمبر 2011, 10:34

تحية مليونية استاذي فيصل

وبكل صدق وامانة احلى هدية ومن احلى واحد..تسلم يارائع يا المعودنا دائما على الروائع..

شايفك اليومين ديل تركت ود عشمان وقبلت على ازهري.. وابوهريرة ده كلمو قول ليه محمود بقول ليك حتى الان ليهو اربع اشهر ودخل الان في الشهر الخامس منتظر تلفون من ازهري....

تحياتي
محمود منصور محمد علي
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

بناديها -الى محمود منصور Empty رد: بناديها -الى محمود منصور

مُساهمة من طرف محمد قادم نوية 27th ديسمبر 2011, 11:02

شكراً يا رقيق علي الذائقة الفنية الرائعة..هذي احدي الروائع الخالدة التي لاتشيخ
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى