فاكر الكلمة القلتها لي ....!!؟؟

الشاعر ابو قطاطي
والفنان زكي عبد الكريم

أسأل نفسك بينك و بينها

اسال نفسك بينك وبينها، عن اخلاصنا
ليه تتجاهل شـوقنا البينا
انت نسيت ايام ما كنا
نعيش الحب فى عهدو الاول
ياما كتير وكتير فكرنا
وكنا بنحلم بالمستقبل
لكن فجأة بديت تتنكر
وعن ريدتنا بقيت ما بتسأل
قلبك رغم الطيبة الفيه
انا بستغرب كيف اتبدل
فاكر الكلمة القلتها لى
وانت فى لحظة هنية سعيدة
اتعاهدنا على الحنــــــية
ونقضى عمرنا محبة شديدة
ما قلت بريدك زى عيني
وانا صدقت كلام الريدة
عارفه قلبك وافى ومخلص
وانك تقسى دى حاجة بعيدة
راجع نفسك ما تكون جاير
وخلى حياتنا تعود لهناها
ماتحطم بى ايدك نفسى
والامال القلبى بناهــــــــا
مهما قسيت انا برضى بحبك
وساعة عطفك بستناها
ومهما يزيد المى وحرمانى
برضى سعادتك بتمناها

استاذ عثمان شاويش

هههههههه هههههههه

والله انت راجل ظريف جدا وظرفك يزداد كل يوم..

طبعا انا مريت على الاغنية وفرحت بيها جدا لكن اصابني الاحباط عندما وجدتك نزلنها بصوت عافية حسن ..لذا هربت من البوست موليا الادبار..
طبعا انا من المتمسكين بالغناء (((سمح من خشيم سيدو))) ويا ليتك لو اتحفتنا بها بصوت المطرب الحزين الجميل زكي عبد الكريم...والحمد لله زكي موجود وربنا يمتعو بالصحة والعافية بس مش بالفنانة عافية حسن...

طيب انا نزلت اغنية من اغاني نجوم الغد لثنائي من الجنس اللطيف واحدة منهم من بنات ابوجبيهة لماذا لم تعلق على هذا البوست؟؟؟

ارجو ان تزور هذا البوست في رواق الصوتيات والمرئيات وتعلق

الف شكر ياظريف

تسلم اخى عثمان وفعلا اغنية علينا
ان نصمت امامها
التحيه لك شاعرنا ابوقطاطى
والتحيه لك استاذنا عثمان