احمد كوكو احمد .. غيابك طال قرب تعال

هذه الايام الاخ احمد كوكو مسجل غيابك من الساحه و اتمني المانع يكون خير و طبعا لو انا ما سالت منكم ما في زول بجيب خبركم في هذا المنتدي لذا وحدتنا فوق كل شي حتي نستطيع ان نجابه هؤلاء بكل قوة و عزيمه

الاخ شاويش شوف لينا ولدنا دا وين غطس



مع خالص تحياتي

احمد كوكو

زهرة المنتدى

ابن جارت الوادى

اين انت

العزيزين الزعيم و ول عشمان ياخ مشتاقين عديل كى
الحمد لله انا موجود فقط بعض الظروف القاسية جدا ابعدتى من المشاركة فى الايام الفائتة بعد تعرضى لحادث حركة خرجت منه بحمد الله وحفظه بالسلامة , الا شفت الموت بعيونى وانعدمت فيه عربيتى شئ ما يحصل الا فى افلام المطاردات البوليسية . وانشاء الله سوف اتواصل معكم عبر بوابة المنتدى الجميل ومشكورين كتير على السعال .
مع خالص ودى وتقديرى,,,,,,,

الف سلامة ليك احمد كوكو حمدلله بسلامتك والجات فى الحديد هينة

طبا صاحبك ول عشمان من ما نجيب ليهو طارى الصراع بكوسك

سلامات استاذ ابوهريرة
ربنا يقبل حمدك وعلى قولك الحديد بصلّح
انحن عيال دنقر مع الاخ , الخبر السمعتو الزول قالوا
جرسك عديل الا فيصل دخل بيناتكم وقرع ول عشان منك والا كان
يكون خبر الساعة ويطغى على اخبار هجليج وضجيجها.
مشكور يا رائع

حبيبنا احمد كوكو ..

الف سلامتك و ناس ابوجبيهه كلهم كرامتك ..

انت عارف بكون سحروك ناس ابوجبيهه و انا اشك في فيصل و ابوهريره ابو بدلتنا غبشا .. كل ما ادخل المنتدي اقول يالله القي ابوهريره غير بدلتو دي .. و بعدين انا ما عارفو اغبش كده مالو .. اتقول شقال فرامي ..

هاى ول كوكو انت تسمع كلام البلباصى دا الول ما لقيتة قاعد فى النقعة ساى كان متابع الخواويج ديل الدرعة ذاتها بدرعوها وين نساها

لمن جبته ليك فى رقبته طعن

وشنوكلامك تانى

وانت يا ول عشمان الرمى تعبك قبل فى البدلة

هههههههههههههههههههه ابوهريره لك التحية ..

مرحب بيك أخوي أحمد كوكو قالوا الغايب عذرو معاو" بالعامية" المهم هو تواصلك معنا يااخي وتكون طيب ومبسوط..عذراً ياخي تلفونك ضاع مني عشان كي إنقطع إتصالي معاك لو مافيها حاجا رسلوا لي بالله في الخاص
ولك مني كل الحب والتقدير

سلامات ول عشمان
الله يسلمك وانشاء الله ما تشوف شر اخى العزيز , انت عارف الاستاذ ده دوداب بورسودان تعبو بالحيل عشان كده كب الزوغة منك رغم مهراش السبارى ود خليل
وعمك داك ولكن كله ما جايب حقو .

الحبيب فيصل ليك وحشة والله
واشكرك على الاتصال الجميل بكرية الحادث , طبعا هو واحد بس لكن من النوع ابوكديس ولولا لطف الله ورعايته كنتو نعيتونى فى المنتدى, ولهسى راسى دايش منو . اقتراحك سمح تب الا التور نلقى وين هنا ,بنشرب اللبن وما شفنا امهاتو كلو كلو. الله يعطيك العافية.

الرائع دوما نوية
على قولك يا اخوى المهم التواصل وانت تأمر الحبيب انا مقدر الظروف وسجل عندك
الجوال966562561351 + وما فى مشكلة . ياخى عايزين نشوفك ما دام كلنا فى الرياض ابقى اظهر.