ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

دخلت فيك يازول بالقوه 00الشاعره ابتهاج نصر الدين

4 مشترك

اذهب الى الأسفل

دخلت فيك يازول بالقوه 00الشاعره ابتهاج نصر الدين Empty دخلت فيك يازول بالقوه 00الشاعره ابتهاج نصر الدين

مُساهمة من طرف غريق كمبال 14th مايو 2012, 13:56

دخلت فيك يازول بالقوه
واوعي تقاوم ريدا بتخسر
جاتك جاهزه_بنيه فتوه
تعافر فيك لامن تجتاحك
وتعلن أسرها ليك من جوه

دخلت وكانت قاصده عيونك
ماهماها الصد من ناسك
وقوه راسك_وعتمه كونك

بت بالضحكه تبيد أحزانك
ولما تنادي عليك بي لهفه
تطش من راسك كل اوزانك
بت ياناس والله تعقد
وبدعه ربنا في عينيها
يمين بتزيد يازول إيمانك

دخلت وكانت فيك شايفاها
لسه مسوده جوه قليبك
ولسه عيونك ماناسياها
بس جات دغري_ولاهماها
وعارفه بإنها لازم توصل
وإنك لازم يوم تهواها

دخلت ورسمت فيها ملامحك
خلت عينيك فيها تشوفك
وتقدر تفرز
بين التغلط فيها عيونك
وبين التغلط فيك عينيها
وتجي تتعذر ليك وتسامحك

بت تهواك وتحارب فوقك
مابترضاها النسمه تصيبك
ومابتتقبل شوق غير شوقك
همها بس إنك تبقالها
وتدفن حنها جوه عروقك

بت موزونه قوافي قوافي
تحرق فيك كل المانافع
وفيك تبنيلا بيوت ومرافي
تمرق منك كل أحزانك
وتجلب ليك افراح من مافي
بت عينيها وطن علشانك
وكل الناس باقيالها منافي

بت في آخر لحظه تطولك
تعرف كيف تملاك حنيه
وتزرع ريدها وترجي هطولك
مابتهم_لو صيفك طول
وشمسك حرقت فيها شتولك
زوله صبوووره وجد بتريدك
وواثقه بتجني في يوم محصولك
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

دخلت فيك يازول بالقوه 00الشاعره ابتهاج نصر الدين Empty رد: دخلت فيك يازول بالقوه 00الشاعره ابتهاج نصر الدين

مُساهمة من طرف غريق كمبال 19th مايو 2012, 09:39

ابتهاج نصرالدين
تاريك يا زول
من زمان ناوي الرحيل
وانا من غباي
شلتك منى واشراقه للزمن الجميل
وبنيت بيوت من الفرح
تجمعنا في الدرب العديل
يوماتي اطفال الحنين
يتشابو ليك حجله وشليل
يشتاقو ليك عز الحضور
يتباكو في غيبتك طويل
ما تحني هامات الفراق
ما تكسر الخاطر العليل
وما ذنبي لو ردتك انا
ما ذنبي يا زول يا جميل
وتاريك يازول من زمان
ناوي الرحيل
شي مستحيل
ابقى المحطات البقت
تقدر تقصر سكة السفر الطويل
وانا برضو ما ممكن اكون
مهر إقتران
يجمع دوام بين عازه والولد الخليل
ولاني غنيه بلحن ايقاع الدليب
وكتين يشابي علي النخيل
* * *
بتمنى لو تطلع رؤاك
من عين مشاعري وتختفي
وبتمنى لو أكتل هواك
مع اني اكتر زول وفي
وبتمنى لو اعشق نواك
واريد سواكا واصطفي
* * *
يازول تعال
وهاك مني ليك
اسرار تفاصيل الغنا
ما اي زول بلقى البريدو
ولا كمان بقدر يعد
لي نفسو كاسات الهنا
ولا بفوت ويعدي غير
يعبر مساحات الضنى
وانا لو مشيت من سكتك
اكيد بفارقني العنا
* * *
كل الطلاسم يا مناي
تميمه من ودعه وحجاب
تجمع تلملم شملهم
وانا ضدهم
بتمنى لو احجب رؤاي
منك ومنهم كلهم
واعوِّذ القلب الهواك
من شر هواك وشرهم
والرقيا يا ارقى البشر
تكفيني حرّك وحرّهم
بتمنى لو أحجب رؤاي
منك ومنهم كلهم
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

دخلت فيك يازول بالقوه 00الشاعره ابتهاج نصر الدين Empty رد: دخلت فيك يازول بالقوه 00الشاعره ابتهاج نصر الدين

مُساهمة من طرف رباط الكريس 19th مايو 2012, 14:13

قمة الاْبداع

رباط الكريس
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

دخلت فيك يازول بالقوه 00الشاعره ابتهاج نصر الدين Empty رد: دخلت فيك يازول بالقوه 00الشاعره ابتهاج نصر الدين

مُساهمة من طرف غريق كمبال 23rd مايو 2012, 11:30

شكرا يا كريس مرورك رائع

وانا حجيتك
بالاموره زمان من بدري
بنية شوقنا الحاضر
قبل تسافر
طيف بتشابه بدر التم
وماني سليتك
يوم ما بعدت عني عيونك
جيت سكنتك مجرى الدم
وكنت فداك يا مالك روحي
وحافظه عهودك حفظاً صم
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

دخلت فيك يازول بالقوه 00الشاعره ابتهاج نصر الدين Empty رد: دخلت فيك يازول بالقوه 00الشاعره ابتهاج نصر الدين

مُساهمة من طرف الفاتح محمد التوم 23rd مايو 2012, 12:57

مهر إقتران
يجمع دوام بين عازه والولد الخليل
ولاني غنيه بلحن ايقاع الدليب
وكتين يشابي علي النخيل

تسلم يا زعيم..
كلام جميل له طعم ولون

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

دخلت فيك يازول بالقوه 00الشاعره ابتهاج نصر الدين Empty رد: دخلت فيك يازول بالقوه 00الشاعره ابتهاج نصر الدين

مُساهمة من طرف رباط الكريس 24th مايو 2012, 22:23

شكرا كمبال

قدر ما قلتة انسة القة سيرتك جواى لسة

جرحك فينى كامن مابتندمل جروحه اسة


عدل سابقا من قبل رباط الكريس في 26th مايو 2012, 18:44 عدل 1 مرات

رباط الكريس
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

دخلت فيك يازول بالقوه 00الشاعره ابتهاج نصر الدين Empty رد: دخلت فيك يازول بالقوه 00الشاعره ابتهاج نصر الدين

مُساهمة من طرف غريق كمبال 26th مايو 2012, 15:41

شكرا الفاتح
شكرا كريس

مروركم رائع

بحييكم
واتعذب كتير وكتين اغيب في الدنيا
ما اقدر الاقيكم
انتو السلوى
والاشراقه ما دامت عيون الليل
غفت مرتاحه في حضرة مآقيكم
وانتو البهجه والايناس
وكت تكبر هموم احزاني
بتّيع خطاويكم
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

دخلت فيك يازول بالقوه 00الشاعره ابتهاج نصر الدين Empty رد: دخلت فيك يازول بالقوه 00الشاعره ابتهاج نصر الدين

مُساهمة من طرف غريق كمبال 29th مايو 2012, 10:27

جيتكم على وعدي القبيل
جيتكم معاي كل الفرح
شايلاهو مويه وغيم ونيل
ادفق عليكم شوق سنين
يتبل بي شوفة عيونكم
يا ناس بتشفيهو العليل
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

دخلت فيك يازول بالقوه 00الشاعره ابتهاج نصر الدين Empty رد: دخلت فيك يازول بالقوه 00الشاعره ابتهاج نصر الدين

مُساهمة من طرف محمد قادم نوية 29th مايو 2012, 10:46

شكراً ياحاج غريق علي نقلك للروائع ..هذه الشاعرة الرائعة شاهدتها قبل فترة في برنامج تلفزيوني فهي شاعرة مترعة بالابداع شفافة الاحاسيس متكمنة من مفردات اللغة لها اسلوبها المميز والمتفرد في غالب منتوجها الشعري وطريقتها الإلقائية ذات البصمه المحدّثة عن ذاتها
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

دخلت فيك يازول بالقوه 00الشاعره ابتهاج نصر الدين Empty رد: دخلت فيك يازول بالقوه 00الشاعره ابتهاج نصر الدين

مُساهمة من طرف غريق كمبال 29th مايو 2012, 15:05

شكرا نويه على المرور
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

دخلت فيك يازول بالقوه 00الشاعره ابتهاج نصر الدين Empty رد: دخلت فيك يازول بالقوه 00الشاعره ابتهاج نصر الدين

مُساهمة من طرف غريق كمبال 13th يونيو 2012, 16:58

أشتهي عشقاً تأبى أن يكون
وابتغي وعداً تمرد
لم تحالفه الظروف
ليبتني في اللا مجال
خريطةً وهويه
كم ارتجي رجلاً قسيماً
لا يسايره الوفاء
يدس في لغة التحاور بيننا
كل الاساليب الغبيه
وينام ملء الجفن
فوق وسائد الذكرى
ويعشق حين يعشق
هامة الدمع العصيه
يطل من عين السرب
كفتنة الماء الزلال
ليستوي رهق المنيه
كالصبار يحتمل الجفاف
برحم صحراء الحياة
يوطن الاشياء
يطمس حين يأتيك
افتراضات الهويه
يخبيء الازهار من عين الربيع
وينحر العشق القديم
امام مشنقة البقيه
هو الشحيح...
فلا يوافقه الندى
لكنما
يهوى ويفتح باب الحانٍ
لأغنية الرضوح
فهكذا الدنيا
فلا تسأل عن الحيل الشقيه
اشتهي عشقاً فريداً
لاتعذبه التباريح المثيرة للنواح
فميسراتٌ ههنا
كم ذا تعج بنارها الحرّى
وميمنتي سويه
لم تدعي همجيتي
فانا وانت وامسنا
كنا نلبي الاحتشام
لذا تلازمني الحميه
اشتهي رجلاً قسيماً ذا ملامح بربريه
ليس يشبه غير اعشاب السواحل
فانا احيل العشب ورداً إن أردتُ
ولا تسلني عن تفاصيل القضيه!
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

دخلت فيك يازول بالقوه 00الشاعره ابتهاج نصر الدين Empty رد: دخلت فيك يازول بالقوه 00الشاعره ابتهاج نصر الدين

مُساهمة من طرف غريق كمبال 16th يونيو 2012, 11:26

شتهي عشقاً تأبى أن يكون
وابتغي وعداً تمرد
لم تحالفه الظروف
ليبتني في اللا مجال
خريطةً وهويه
كم ارتجي رجلاً قسيماً
لا يسايره الوفاء
يدس في لغة التحاور بيننا
كل الاساليب الغبيه
وينام ملء الجفن
فوق وسائد الذكرى
ويعشق حين يعشق
هامة الدمع العصيه
يطل من عين السرب
كفتنة الماء الزلال
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

دخلت فيك يازول بالقوه 00الشاعره ابتهاج نصر الدين Empty رد: دخلت فيك يازول بالقوه 00الشاعره ابتهاج نصر الدين

مُساهمة من طرف غريق كمبال 18th يونيو 2012, 12:02

من فرق الحبيب انا اصــــــو ما مرتاحه
شعلل قلبي بي نار الهــــوى النتاحه
مهووس بالسفر خاليني في وحواحه
خسمتك ي زول ضوقني طعم الراحه
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى