العفو والعافية يا أهلنا

السلام عليكم ورحمة الله تعالي وبركاته اخواني واخواتي ابناء الحباك
اعضاء وعضوات وزوار وزائرات
ورمضان كريم علينا وعليكم وربنا يتقبل منا ومنكم صالح الاعمال والدعوات
واتمني ان يعفو عني كل من اصابة اذي مني والله قلبي ابيض عليكم كما الحليب
وعني نفسي كل من آذاني ان كان يقصد او لا يقصد ذلك ...صافية لبن
واسأل الله ان يأخذ من حسناتي علي "قلتها" ويوهبها لكل من احس اني قد آذيته والله وحده العالم بما في القلوب وان اشهده علي ذلك
وتقبلوا خالص شكري وتقديري من سمحت نفسه بان يسامحني
ومن لم تسمح له نفسه بذلك اجد له العذر
تصوموا وتفطروا علي الف خير
اذا وجدت وقت سأنشط البوست الخاص باطباق رمضان
والسلام عليكم ورحمة الله

وانتي والاسرة الصغيرة والكبيرة والاهل في ابوجبيهة وفي كل ربوع السودان بالف خير وصحة وعافية والعفو لله وللرسول يا سليلة الادب والتدين والاخلاق الفاضلة والنبوغ والنجاح...

وفي انتظار اكلات رمضانية شرط الا تكون من المطبخ الصيني لانو اصحاب العيون الصغيرة هؤلاء ياكلون لحوم البشر الله يكفينا شرهم ويبعدنا عن تقليعاتهم الغريبة وشطحاتهم الشاذه

محمود منصور محمد علي كتب: وانتي والاسرة الصغيرة والكبيرة والاهل في ابوجبيهة وفي كل ربوع السودان بالف خير وصحة وعافية والعفو لله وللرسول يا سليلة الادب والتدين والاخلاق الفاضلة والنبوغ والنجاح...

وفي انتظار اكلات رمضانية شرط الا تكون من المطبخ الصيني لانو اصحاب العيون الصغيرة هؤلاء ياكلون لحوم البشر الله يكفينا شرهم ويبعدنا عن تقليعاتهم الغريبة وشطحاتهم الشاذه

كتر الف خيرك عمو محمود علي حسن الظن
مافي عوجه تب مجهظة ليكم عدد من الاكلات ان شاء الله
وعن اهلي والله عندهم حاجات سمحات وبتنفع معانا
ربنا يوسع عليك في رزقك وييسر كل امرك
آمين

Suhad Abduelgfaar كتب:

ابكيتنى عزيزتى الدكتوره
والله كلنا بنحبك وبنحب قلبك الطيب ربنا يحفظك ويغطيك ويرجعك سالمه غانمه
رمضان كريم وربنا يقبل منا العفو والعافيه ويقبل دعواتنا وصيامنا
والله فاقداك شديد وطبعا فى انتظار الاكلات الحلوه
رمضان كريم

احبك الله يا الغالية
وربنا يغطي عليكم مع وليداتك ان شاء الله
ومعا نخلي فطور رمضان شهي ولذيذ

الفاتح محمد التوم كتب:

دكتورة رمضان كريم ,,,,, و العفو و العافية لله و الرسول أختي الكريمة
تحياتي الى الأسرة بامدرمان و السودان عمـــوم
(((البسمعك بقول كنتي مع بن علي ,,,, هههههههههه)))
"العفو و العافية ,,,,,, لا قاصد ولا مقصود"
وفقك الله

الله اكرم تصوموا وتفطروا علي الف خير
سلامك يصل بلذن الله
الحمدلله اخوي
وربنا يشملكم اسرتيك الصغيرة والكبيرة برحمته وعفوه وصفحه
تحياتي للجميع

اشرف بشرى إدريس كتب:رمضان كريم وكل عام والجميع بخير ...وتحياتي وسلامي دكتورة ورمضان كريم ووربنا يتقبل العفو والعافية ودعاءنا ...آمين

الله اكرم اخوي ويا رب كل البنتمناه ليك يتحقق
آمين ... مننا ومنكم صالح الاعمال

والله كتّر خيرك يا إحسان المرقتي لينا عوض السيد ده .. أما ياشيخ عوض السيد فنحن نبارك لك رمضان ونتمنى أن تعود لأهلك وكفاية غياب وما في أجمل من العودة في هذا الشهر الفضيل .. ونتمنى أن تطبيق ثقافة العفو وأضم صوتي لبتي بطلب السماح والعفو من الجميع ومن منا لا يهفو ؟؟ سلام للأسرة والأخ عوض منصور ويا دكتورة منتظرين نسمع منك ومن الدكتور ؟؟؟

سلام دكتوره

العفو والعافيه يا اختى ونتمنى ان تعفى ايضا عنا لكل مخاشنه تمت فى المنتدى فلك التحيه

ابو ابراهيم لم تغيب عن بالنا البته اتمنى ان نراك تصول وتجول فى هذا المضمار الذى افتقدك كثيرا ايها النجم الامع فى فضاءاتنا

عوض السيد ابراهيم كتب:

تحياتى دكتوره,

رمضان كريم وتصوموا وتفطروا على خير.

لا يطلب العفو الا المتواضعون وان كنا نحن السودانيين نفتقر لهذه الثقافه (ثقافة العفو والعافيه)) ان صحت التسميه.

العفو والعافيه يا دكتوره.

دخلت فقط لأرد لأن يقال ان طلب العفو أمانه.

نأسف للازعاج ومعذره للدخول بلا استئذان

الله اكرم اخوي وتقبل الله الصيام والقيام
والله خوف يا اخوي لانه مسيطرة علي فكرة الرحيل المفاجئ وربك يلطف بينا لانه من علامات الساعه الناس بترحل كتير
والله العظيم مرات ابليس ومرات نفسي "الله اكبر عليها " نسأل الله حسن الخاتمة
وربنا يضاعف ليك يا رب والله صافية لبن لوجه الله تعالي
يا اخوي مافي ازعاج والله بيتك ومطرحك ويا ريت تكون بينا علي طول فانت احد اعمدة الموقع ومن المؤسسين
حبابك في اي وقت

أزهرى الحاج البشير كتب:والله كتّر خيرك يا إحسان المرقتي لينا عوض السيد ده .. أما ياشيخ عوض السيد فنحن نبارك لك رمضان ونتمنى أن تعود لأهلك وكفاية غياب وما في أجمل من العودة في هذا الشهر الفضيل .. ونتمنى أن تطبيق ثقافة العفو وأضم صوتي لبتي بطلب السماح والعفو من الجميع ومن منا لا يهفو ؟؟ سلام للأسرة والأخ عوض منصور ويا دكتورة منتظرين نسمع منك ومن الدكتور ؟؟؟

خيرك الاكتر عمو ابوالزهور
والحمدلله بعودة الاستاذ عوض السيد واسأل الله ان يستمر لانه احد الاعمدة التي قام عليها الموقع
خير عمو والدكتور صايم معانا وصل اول يوم في رمضان وحنلاقيك في الاسكايب سوا باذن الله

غريق كمبال كتب:سلام دكتوره

العفو والعافيه يا اختى ونتمنى ان تعفى ايضا عنا لكل مخاشنه تمت فى المنتدى فلك التحيه

ابو ابراهيم لم تغيب عن بالنا البته اتمنى ان نراك تصول وتجول فى هذا المضمار الذى افتقدك كثيرا ايها النجم الامع فى فضاءاتنا

وعليكم السلام والرحمة والبركة اخي غريق
لله والرسول وعادي اخوي
وحبابك وحباب ابوابراهيم واتمني ان يجبر بالخواطر

رمضان كريم وتقبل الله منا ومنكم صالح الاعمال

احسان
العفو والعافيه لله والرسول
والله العظيم ما بيننا الا كل خير وصـــــــــافيه لبـــن وبرضو انتو اعفو مننا

تحياتى

العفو والعافية للجميع

ناهد عبيد كتب: رمضان كريم وتقبل الله منا ومنكم صالح الاعمال

احسان
العفو والعافيه لله والرسول
والله العظيم ما بيننا الا كل خير وصـــــــــافيه لبـــن وبرضو انتو اعفو مننا

تحياتى

الله اكرم اخيتي ناهد
اللهم آمين
بارك الله فيك وما حصل ولا حيحصل الا الخير يا بت عمي
سلامي للجميع

Ahmed Murhoum كتب:العفو والعافية للجميع

لله وللرسوا اخي احمد
وتصوم وتفطر علي الف خير

نجدد طلب العفو يا اهلنا
وامنياتي ليكم يا رب تتحقق قولوا آمين
وطمنونا قولو صافية لبن يا اهلنا
خايفة والله من موت الفجأة باقي القلب ما ياهو
والعندو حق علينا يقول
عشان ما نبقي في الندامة
فتكم بعافية
وعيدكم مبارك

ربنا يديكى العافيه يا دكتوره

والعفو كمان

تخريمه

يا فيصل شفت عمو محمود شباب كيف

غريق كمبال كتب:ربنا يديكى العافيه يا دكتوره

والعفو كمان

تخريمه

يا فيصل شفت عمو محمود شباب كيف

لله والرسول اخي غريق
وانت كمان اعفو عننا

الفاتح محمد التوم كتب:

دكتورة احسان عبدالرازق الفكي البشير
كل سنة وانتي طيبة يا أختي ..... نسأل الله تعالى أن يوفقك
في كل مساعيكي .... والعفو والعافية...
تقبلي تحيات وتهاني العيد السعيد من الأولاد وأمهم .....
كسرة:
وادخلي على منتدى الإجتماعيات " شفنا البهجة في عينيك_ عثمان شاويش" .. لتكتمل فرحتك مع صحبتك وزميلتك دكتورة حسنات عبدالرحمن...

وانت طيب اخوي
والتهاني والاماني لجميع افراد الاسرة بالعيد السعيد
وان شاء الله دايما تامين ولامين
لله والرسول
ومشكورين انت وعمو شاويش للاخبار الطيبة
وساتصل عليها قريب ان شاء الله

بالجد بوست رائع يستحق الإشاده ...

وهذه الدنيا ما ( فوكة حاجة ) ....

والمعافاة والمسامحة من أروع الأشياء ... والصفحات النظيفة ...تريح النفس ... ويحس الإنسان كمن ولد من جديد ، ويظل هانئ مرتاح البال والخاطر ... ولماذا لا نتسامح دائماً مع أنفسنا ومع الآخرين .... وما أحلي الحياة دون مشاكل ولا أشياء تعكر صفو الإنسان .... والمولى عزً وجل يحثنا على العفو والمسامحة :: يقول الله تعالى في سورة ( آل عمران الآية : 34) : والكاظمين الغيظ والعافين عن الناس ... [ صدق الله العظيم ].
ونسأل الله أن تكون أيامنا كلها معاملة طيبة كريمة راقية ... مليئة بالتسامح ... وإلتماس العذر لكل الناس ....

إحترامي ،،،

عثمان محمد يعقوب شاويش كتب:بالجد بوست رائع يستحق الإشاده ...

وهذه الدنيا ما ( فوكة حاجة ) ....

والمعافاة والمسامحة من أروع الأشياء ... والصفحات النظيفة ...تريح النفس ... ويحس الإنسان كمن ولد من جديد ، ويظل هانئ مرتاح البال والخاطر ... ولماذا لا نتسامح دائماً مع أنفسنا ومع الآخرين .... وما أحلي الحياة دون مشاكل ولا أشياء تعكر صفو الإنسان .... والمولى عزً وجل يحثنا على العفو والمسامحة :: يقول الله تعالى في سورة ( آل عمران الآية : 34) : والكاظمين الغيظ والعافين عن الناس ... [ صدق الله العظيم ].
ونسأل الله أن تكون أيامنا كلها معاملة طيبة كريمة راقية ... مليئة بالتسامح ... وإلتماس العذر لكل الناس ....

إحترامي ،،،

بارك الله فيك عم عثمان
ويا ريت تعفو عني يا ريت وتقول صافية لبن كمان
وربنا يديك الصحة والعافية ويكتر من امثالك

إبنتي الغالية : Nashi صــــــــافية لبــــــــن .... هو إنتي بتزعلى على زول .... وكلك ذوووق ...وما هذه المبادرة إلا أنها تدل على معدنك الأصيل ... وأنتي سليلة الأسرة العريقة الغالية جداً .... وربنا يحفظك لنا بنيتي ويرد غربتك ...وترجعي لينا بالسلامة ....
(( ولما ترجع بالسلامة ......))

وتحياتي لك ..... عصمـــــــان ،،،،

عثمان محمد يعقوب شاويش كتب:
إبنتي الغالية : Nashi صــــــــافية لبــــــــن .... هو إنتي بتزعلى على زول .... وكلك ذوووق ...وما هذه المبادرة إلا أنها تدل على معدنك الأصيل ... وأنتي سليلة الأسرة العريقة الغالية جداً .... وربنا يحفظك لنا بنيتي ويرد غربتك ...وترجعي لينا بالسلامة ....
(( ولما ترجع بالسلامة ......))

وتحياتي لك ..... عصمـــــــان ،،،،

الله يفتح عليك اخوي
وياها المحرية فيك
وكترالف خيرك

اقبال عبداللطيف كتب:كل سنه وانتي طيبه ويديك الصحه والعافيه ويطول في عمرك ...العفو والعافيه وفاتتنا معاك مديدة رمضان الدافية

وربي يديم المحبة والمودة بين الجميع

وانت واسرتيك بالف الف خير ان شاء الله
لله والرسول
اللهم آمين
تحياتي للجميع طرفك