ابوجبيهه

تعالــــــــــوا نفـــكـــــــر بصـــــــــــــوت مسمـــــــــوع

استعرض الموضوع السابق استعرض الموضوع التالي اذهب الى الأسفل

تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف ناهد عبيد في 30th سبتمبر 2012, 12:22

الساده منتدى ابوجبيهه الاعزاء
تحيه خالصه صادقه لكم تحمل فى طياتها كل الود والتقدير والاحترام للجميع اتمنى من الله التوفيق للجميع حتى نتمكن من تحقيق ما هو جميل ورائع .

ما عارفه هل المكان مناسب ام لا ؟؟
هل انا صح ام خطأ ؟؟
المهم ده كلو من الدافع الجواى . وعلى حسب فهمى البسيط جدا طرحت البوست ده وفيه بعض النقاط او الافكار ح اطرحها بكل صراحه عشمى ان نفكر كلنا مع بعض وبصوت مسموع من اجل رفعة منتدانا ودايره من الناس الصراحــــــــه والوضوح وعدم المجامله وتجدونى راضيه وزعل مافى تب . اتفقنا


** نحن كمشرفين جدد نحتاج لتدريب كافئ حتى نتمكن من الاشراف بصوره جيده . يعنى اشراف اشراف

السيد المدير العام ونائبه
السيد المشرف العام ونائبه
مافى مشكله تدريب داخلى تدريب خارجى المهم نتدرب . ( داخله على طمع صاح )
نرجوا شاكرين افادتنا فى هدا الموضوع

*** موضوع استضافتنا كمنتدى ابوجبيهه انا اقترح نفكر وبسرعه انو نستقل بزاتنا ونمشى كنتش كنتش نأجر مالو نحنا شويه ولا شويه وكافيه ضيفه وبارك الله فى البزور وبخف (الاخيره مزحه ) ......


******* الاجتماعات الدوريه ضروريه لاداره المنتدى و العبء كبير يطلب دلك .


****** اقترح ان يكون لكل مشرف مساعد لو امكن من بعد ادنكم .

******* يا ناس بصراحه شديده الاشتراكات مهمه جدا جدا .


واقعدوا عافيه
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف فيصل خليل حتيلة في 30th سبتمبر 2012, 12:29


شوف ليك بمصيبة اخوى غريق

ناهد هوى التدريب للرجال فقط حسب كلام محمود منصور و ابوهوريرة و السفر كمان للرجال فقط

هههههههههههههههههههها

تحايا و مبروك عليكى هذا المنتدى الرائع



بــِقـِـيــنــا ضَـــهــَابــا مِـتــل الــزول ضَـريــر وبــِـلــيــِّــد
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف اقبال عبداللطيف في 5th أكتوبر 2012, 21:56

مظبوط كل المقترحات ...وان نلتقي بصوره راتبه شهريا مطلوب ..وصراحه المال مهم جدا ويمكننا من تبني برامج متعدده باسم المنتدى ويمكن ان يتطور المنتدى الي شي جميل واسع النفع ..ومن غيرو قد لا تستطيع المقترحات ان تبارح اروقة المنتدى وتكون للنقاش فقط والكاش يقلل النقاش ..ومقترحي ان نبدا بمساهمات مفتوحه ومن الشهر القادم تحدد المساهمه لكل عضو..
يلا نبدا من الان


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف الفاتح محمد التوم في 16th أكتوبر 2012, 13:42

تمام يا بتي ناهد وشكراً لفيصل واقبال ..........
دعونا نبدأ بمحور الخصوصية بمعنى الـAccess لتصفح المنتدى ....
نأجر وليه ما نأجر ...؟؟؟
الاشتراك .... وين نودع القروش .... الاتصال بالمشرف العام ... كم في الشهر " سبعة أولاد " ذيما قال عادل إمام ..... ده كوووووووولو ومتعلقات أخرى في نفس المحور عندي تصـــور ............
وانطلاقاً من الديمقراطية " ذيما قال كرميـــلا " الموضوع مفتوح ... والكل يدلي بدلوه ,,,جميع الأعضاء .... أما أنا الدلو بتــاعي و" حسب التسلسل الهرمي في المنتدى " بشيلو وبرمية " رو كده " أمام شيخي واستاذي ...أزهري
أها ياسعادة المدير العام رايك !!!!

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف فيصل خليل حتيلة في 22nd أكتوبر 2012, 09:44


واحد دلو نرميه رورورو على بوست ناهد يا شهاب

احم احم احم

الكاش يقلل النقاش

تعرف يا شهاب اقبال بت ابوك عبداللطيف دى كلاما كبار كبار و الآن انا الدول بتاعى ما طلع بحاجة غير

كلام اقبال دا ............. رأيك شنو؟

مقترح استراتيجى مع حالة استقطاب حادة تقوم بها ابنتنا ناهد داخل اروقة المنتدى و الديمقراطية تتيح لها ذلك

هههههههههههههههههها

عموما انا رفعت يدى كلها و بالتوفيق

تحايا



بــِقـِـيــنــا ضَـــهــَابــا مِـتــل الــزول ضَـريــر وبــِـلــيــِّــد
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف غريق كمبال في 22nd أكتوبر 2012, 10:05

ده كلام صاح

انا ادعم واثمن مقترحات ناهد

وعاوزين راى واضح من الاخ المدير المطلوب كم فى السنه عشان نحقق استقلالنا

وكمان موضوع اللقاءات الدوريه دى موافقين تمام وكمان التدريب الداخلى والخارجى مهم كمان للرجال والنسوان والفرص متساويه
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف ناهد عبيد في 20th نوفمبر 2012, 12:48



سلامــــــات

يا ناس افتونا فى المقترحات المطروحه ومقترحات اخرى لم تطرح بعد اها رائكم شنو ؟؟؟
نحن فى انتظاركم ولسه منتظرين وتب صبرنا ما بكمل .

كل سنه هجريه وانتم بالف الف خير
واقعدوا عافيه
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف غريق كمبال في 20th نوفمبر 2012, 16:16

كده ما تطنشونا انحنا جادين
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف عثمان محمد يعقوب شاويش في 22nd نوفمبر 2012, 10:19


ونحنا دائماً مع راي وكلمة الجماعة .... ودوماً إلى الأمام .....
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف فيصل خليل حتيلة في 22nd نوفمبر 2012, 10:26


تمام يا عالم

يا زعيم جهز لينا قاعة اتحاد المزارعين و خلى الباقى على ناهد و ابوهوريرة و ياسر السر

جاهزين جاهزين لرد الدين

تسلموا



بــِقـِـيــنــا ضَـــهــَابــا مِـتــل الــزول ضَـريــر وبــِـلــيــِّــد
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف محمود منصور محمد علي في 23rd نوفمبر 2012, 16:25

نبارك الفكرة ونشيد يصاحبة المبادرة وهذا يؤكد حتمية الاخذ براي حواء والاعتداد به دائما فهي قي ثقافة الذوق وفي فقه التعامل اثبتت بالدليل القاطع انها افضل من الرجل ولو كره المرجفون..

شكرا استاذه ناهد والى الامام و( والرجل كان بقى فاس بدون يد ما بكسر الراس) وهذا المثل هدية لعمو فيصل000


عدل سابقا من قبل محمود منصور محمد علي في 24th نوفمبر 2012, 16:57 عدل 2 مرات
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف فيصل خليل حتيلة في 24th نوفمبر 2012, 11:28


كان زعلتنى بعطل عليكم الشغل دا اسع يا عمو

هههههههههههههههههههههههههههههههههههههههههههههههههههههههههههههههههههههها

العييين كان ( احم احم احم ) من متين بقن صاحبات مبادرات بحسب رأى ودعشمان و المحامى ابوهوريرة

و ادارة المنتدى





بــِقـِـيــنــا ضَـــهــَابــا مِـتــل الــزول ضَـريــر وبــِـلــيــِّــد
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف ابوهريرة عثمان عبدالسلام في 24th نوفمبر 2012, 14:04

ده كلام تمام لكن العوين كتر خيرن فكرن فى الكلام
عشان كده ما حنخليهم طرف لكن نتقدم ليهم ويتبعونا ولا ما كي
الاشتراك واجب بجد
وموضوع الإشراف اهم انا غايتو ود عشمان جابي لى فيزا نمشي نأخذ كورس فى بريطانيا وبنزل فى بيت حبوبه المملكه بتاعت بريطانيا لكن أخرت لأنو محمود برضو قال ماشي بس عندك ترتيبات وكمان بساعدنى فى الانجليزي
avatar
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف يس محمد يس في 26th نوفمبر 2012, 11:39

الأخوة أعضاء المنتدى

سلامات بعد غيبة

أثمن اقتراحات ناهد وخلونا في أول لقاء نناقش كل ما يتعلق بالمنتدى من اشتراكات إلى لجان محددة تحدد مهامها وفق لسقف الطموح الذي يقر به أعضاء المنتدى .

الإجتماعات إذا كانت ربع سنوية تتيح للأعضاء مراجعة ما مضى والتخطيط للمستقبل برؤية واضحة

سبق وأن اتفقنا في أحد الإجتماعات على بعض النقاط ولكن تركناها في مكان الإجتماع لأن مافي تكليف واضح لشخص محدد

شكراً ناهد وشكراً إقبال وشدوا حيلكم

يس محمد يس
نشط مميز
نشط مميز


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف اقبال عبداللطيف في 26th نوفمبر 2012, 19:22

يس محمد يس حمدا لله على السلامة علك والعيال طيبين ؟...مقدرين المشغوليات وموفقين يارب ونأمل في الطلة من وقت لاخر .


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف ود عشمان في 27th نوفمبر 2012, 01:04


يا اخوانا هوي ما دام الشقلانيه جابت ليها اشتركات و دفع بالشهور و السنين ( منتداكم دا طرفي منو .. انا اصلا زمان عندنا حبوبنتا الله يرحمها من بنات عيال احميد و رحلت علي جيهة تلودي ,, شئ واحد بجمعنا معاكم يا عيال ابوجبيهه مافي ..

اقعدو عافية ..
avatar
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف فيصل خليل حتيلة في 28th نوفمبر 2012, 18:54


ودعشمان انت قايل الموضوع كلام ساى فى المنتدى هنا؟

تدفع لمستشفى ابوجبيهه و مدرسة ابوجبيهه و شرطة ابوجبيهه و غيرها عشان ناس القرى الحول ابوجبيهه

يستمتعوا بخدمات هذه المؤسسات يا عزيزى بدل يسافروا الخرطوم

بعدين انت قاعد تدفع ضرائب؟ دا سؤال مهم لانى شغال فى الأمن الاقتصادى نمن تجى السودان بقبض عليك من المطار

على طول لى بيوت الاشباح

هههههههههههههههههههههههههههههههههها

كلها 200 جنيه استرلينى فى الاسبوع يا وعشمان ياخى

تحايا



بــِقـِـيــنــا ضَـــهــَابــا مِـتــل الــزول ضَـريــر وبــِـلــيــِّــد
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف ناهد عبيد في 2nd ديسمبر 2012, 13:31


الشكر لكم جميعا دونما فرز يلا عشان نكون عمليين نحدد جلسه قريبه نتفاكر فيها ناس الداخل وننسق لاجتماع يضم ناس الخارج والداخل بارك الله فى التكنلوجيا .

وينك ياسر سر الختم يا مدير ايين لينا ان شاء بالاين البايزه .

واقعدوا عافيه
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف ود عشمان في 4th ديسمبر 2012, 11:46

انا لو كنت عارف المنتدي دا فيه اشتركات و رسوم و دمغة جريح و مش عارف دفع لمستشفيات و مدارس و شرطة ... الخ) ما كنت اشتركت معاكم خالص ..

فيصل انت كان تكون واضح معي من اول يوم و تورني استراتيجتكم القوميه الشاملة.. لكن انا برمي اللوم في سهاد الورطتني معاكم ..

اجمل المني ..
avatar
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف إيمان عبدالرازق الحاج في 4th ديسمبر 2012, 12:56

يا ود عشمان فيك الخير....
avatar
إيمان عبدالرازق الحاج
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف ود عشمان في 5th ديسمبر 2012, 01:28


ايمان ..

معليش قرار و اتخذتو منتداكم دا طرافي منو و تاني مافي رجعه و الرهيفه تنقد ..

اجمل المني ..
avatar
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف الفاتح محمد التوم في 5th ديسمبر 2012, 17:51


هويا ودعشمان ,,,,,,,
ماشي وين ؟؟؟
مافي طريقة قاعد تدفع ,,, طالع تدفع
هههههههههههههههههههههههه

حكاية رهيفه ولاّ جلد ورل أقنع بيها زول تاني .....

ههههههههههههههههه

بتعرف كلمات الهجروك عليـــّــا
نزلها لينا .... بنسامحك 6 شهور free

هههههههههه

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف ود عشمان في 8th ديسمبر 2012, 21:08

الفاتح ..

السنة باقي ليها 22 يوم ان شاء الله و هي نهاية العضويه معاكم .. لان صبرت كتير و للصبر حدود و حتي الصبر كاد ان يقول صبرت حتي كاد ينفد صبري ..

اجمل المني .. تحياتي للعيال
avatar
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف ود عشمان في 8th ديسمبر 2012, 23:45

الفاتح محمد التوم كتب:
هويا ودعشمان ,,,,,,,
ماشي وين ؟؟؟
مافي طريقة قاعد تدفع ,,, طالع تدفع


يا اخوانا دي ورطة حقيقية ..

طيب بالنسبة للخروج الواحد يدفع كم يعني ؟؟ و لو الواحد عايز يجدد معكم العقد لمدة تلاتة شهور يدفع كم ؟؟
avatar
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف MONZAL في 30th ديسمبر 2012, 23:10

الاستاذه ناهد سلامات تاكيدا لدعوتك مريت على البوست (تعالو نفكر) يعنى الدعوة للتفكير الجماعى شى محمود لاننا بشر مكملين لبعض ولكن الشى المؤسف جل للذين داخلوكى من اجل المزح والمرور والمجاملة ودةا بخلينى اكرر نفس كلامى الرد عليه السيد النائب والمشرف السياسى حقيقه هو مشرف سياسى لانه رد على كانه يرد فى ركن نقاش ما منتدى للحوار وكانى لم اكن عضوا تقدمت بطلب العضويه وقبلت من قبل وده كلام طا ر د ما علينا

احب ان اضيف شى بسيط فى تعالوا نفكر بصوت واحد ) ان تكون ادرة فىالمنتدى لاحتواء واحتضان والتفاعل مع الاعضاء اللذين يكتبون مساهمات جديده او مدخلات وهم جدد من اجل حثهم على كتابة المزيد وكده بنكون اسرة ذات بيت واحد مش اولاد (مرتين حسب حنك اى ضره منهم )
ثانيا من وجهة نظرى ان المؤسسية لم تكتمل فى هذا المنتدى نريد خطوات عملية مثال مقترحك بتاع الناس لازم تجتمع كل اسبوع ياتو ناس البتلاقوا انتم ام نحن ووين وكيف عندكم ام عندنا
ثالثا حتى الان لم اعرف اين تودع الاشتركات فى ظل غياب رغم الحساب
رابعا اقترح قيام تظاهرة اى كانت ثقافيه رياضيه اجتماعية بالبلد وباسم المنتدى عشان زيادة الحراك عشان ماتكتر الاجسام مثل الموجوده فى الفيس (الحباك واولاد ابو جبيهه واصدقاء وغيرها لانهم حسب اعتقدى لم يجدو نفسهم فى المنتدى
رابعا ملاحظة التداخل فى اى مساهمة بيكون محدود وللمساهمات بتاعة ناس محددين ده حسب اعتقادى قد يكون صح او غلط عشان ما يقوم السيد النائب يكتب لى مجلد

من اجلك نعمل بكل تجرد يا حباك
معليش تحملوا نقدى وصوبونى
avatar
MONZAL
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف فيصل خليل حتيلة في 31st ديسمبر 2012, 10:46


نقول العود احمد يا سيد منزول

هناك انشطة على الارض كثيرة و تتحدث عن نفسها يا عزيزى و لمعرفة المزيد يمكنك ان تتصل على صاحبة البوست الاستاذة ناهد

اما فيما يخص مداخلتك التى تتناول ( قصة الشله ) التى سبقك عليها الكثير من الاعضاء فهى مجرد كلام لا اساس له من الصحة

لان هذه الشله التى تتحدثون عنها هى الاكثر تواجدا و نشاطا بالمنتدى و هى التى تمكنت من المحافظة على هذا العمل

تمنيت كما زكر الاخوة الاعضاء ان تطلع على البوستات و من ثم الحكم و لكن الاستعجال دائما تكون نتائجه بائسة

لك التحية و نرجو ان تداوم على التواصل و مرحب بيك



بــِقـِـيــنــا ضَـــهــَابــا مِـتــل الــزول ضَـريــر وبــِـلــيــِّــد
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف ناهد عبيد في 3rd يناير 2013, 09:35


صباح الخير عليكم جميعا وشكرا لمروركم

اخى منزل شكرا لتلبية الدعوه وحضورك بوست تعال نفكر بصوت مسموع .

الاشتراكات تودع ل م الماليه ( اقبال + ابوهريره ) سوف ارسل تلفوناتهم فى الخاص للتفاكر معهم .

ونحن معك ومع مقترحك تظاهرة ثقافيه اجتماعيه رياضيه بالحباك علينا ان نسعى جميعا لتحقيق المقترح عليه انا باسم منتدى رعايه المبدعين انشادك واطلب منك ان ترعى هده الفكره ونحن معك . لو سمحت رقم تلفونك للتواصل صدقنى محتاجين افكار وهمه ونعمل مع بعض بازن الله العمل ح يرى النور بس المسأله عاوزه صبر تخطيط وتنسيق واجتماعات ومتابعه وقريشات .

منزل اخوى العافيه درجات خطوه خطوه وح نحقق المراد بس طول بالك ولك شكرى بس خليك قريب ومحتاجنك اتفقنا .

واقعدوا عافيه
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف MONZAL في 3rd يناير 2013, 22:27

التحيه لكل امراة تحمل هموم الغير ما كتبته وجه نظرى شخصيه من اجل البناء لا التدمير كلنا هم من اجلك يا حباك
بالنسبة لعنوان هو بنك التنمية فرع ابو جبيهه يعنى انا مقيم بالبلد كما يقولنها فى الخرطوم عشان كده طلب وجود نشاط على الارض مش فى الخرطوم
avatar
MONZAL
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف الشاذلي محمد عبدالله ادم في 6th يناير 2013, 14:21

اها دا الكلام الديرنو

الي الامام

تسلم ادارة المنتدى كل خشم بنقط عسل

تحياتي لك اخي منزل وهكذا عهدناك
avatar
الشاذلي محمد عبدالله ادم
نشط مميز
نشط مميز


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف سلوى في 7th يناير 2013, 16:19

معليش انا جديدة وخشيت طوالي كده توووووش


كلام ناهد صح ومية في المية


المنتدى مجاني...وده بخليكم ويخلينا معاكم خايفين خايفين


تقولوا لي خايفيين ليه


بقول ليكم لانه ليس هناك امان للمنتديات من النوع ده وممكن الهكر في ثواني يطيروا ليكم ونبقى في الباي باي واسالوني انا مرت بينا حادثة زي دي وبكينا بدموعنا لانه ما لقينا ولا حرف من اربعة سنين شقى وعذاب
يلا لازم تحول الاستضافة ونشعر انه كل شنطنا وهدومنا محفوظة وفي امان الامان


كلنا معاكم بقلب قوي...وشوفوا دايرين شنو ووحددوا ونزلوا بوست رسمي والبحب المكان ده ما ببخل عليه اكيد باي شيء

ده رايي ...ويارب بالتوفيق والسداد
avatar
سلوى
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف فيصل خليل حتيلة في 16th يناير 2013, 10:39


قلنا نرفع البوست او على اقل تقدير ننشطو شويه

اها وقفنا وين؟



بــِقـِـيــنــا ضَـــهــَابــا مِـتــل الــزول ضَـريــر وبــِـلــيــِّــد
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف غريق كمبال في 16th يناير 2013, 12:38

كده يا جماعه بصراحه انا عاوز الناس رايها شنو فى الموضوع المطروح من صاحبة البوست

يلا عاوزين راى المدير شنو يا ياسر رايك شنو فى امكانية اننا نعمل لهذا المنتدى حساب خاص وبعدين ننال استقلالنا

عاوزين رايك يا مدير

وبعدين التدريب ده يمكن ان يكون برنامج ترسلو للمشرفين فى ايميلاتهم لرفع كفاءت المدرب

تحياتى
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف الفاتح محمد التوم في 22nd مارس 2015, 14:53

لاصوت مســــــــــــــــــــــــــموع لا حس لا خبر ...
شنو الغيــــــــــــــــــااااب ده يا ناهد   ؟؟؟؟؟؟
الشرك قبضك .. 
وين البنيات الباقيات ؟؟؟؟؟؟؟؟؟

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف اقبال عبداللطيف في 5th أبريل 2016, 15:07

تعالوا نفكر بصوت مسموع
طرفي 150 جنيه اشتراكات المنتدي


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: تعالــــــــــوا نفـــكـــــــر بصـــــــــــــوت مسمـــــــــوع

مُساهمة من طرف عثمان محمد يعقوب شاويش في 5th أبريل 2016, 15:22

إنتي كل الذوووق والأمانة ..... 

 تسلمي 

 والله يحفظك والتحايا لصاحبة البوست
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى