هلالي العاصمة والساحل

هلال أم در يا راحل
حرام من بعدك الساحل

نعم عم ازهري هلال الساحل كان فريسة سهلة لسيد البلد وهو فريسة سهلة يمكن اصطيادها لكل فرق الممتاز , والمحك الرئيسي لسيد البلد معركة الاحد الافريقية التي كترت فيها التصريحات من محبي سيد البلد فيهم من قال لو بي حرارة القلب بنشيل الكاس واخرون قالو بنلعب الكاس في ارضنا وهو مضمون في كفتنا واخرون ما فضل ليهم الا يقولو ياخي متين نحتفل الكاس بتاعنا ده عدا انت لم تبوح بهذه الامنيات خشية المفاجات؛ فمباراة الاحد هي التي وجه البطولة لمن؟

نسأل الله التوفيق ، فهى معركة كبرى ونتمنى أن يكون الهلال قدر طموحاتنا .. وكما عوّدنا دائما.

تعرف يا محمد أنا هلالابي متعصب بتعجبني هزيمة المريخ أكتر من أي إنتصار للهلال ولو خيرت في أن يحرز الهلال كأس الأندية الأفريقية أبطال الدوري أو هزيمة المريخ في مباراة الدوري للدورة الثانية فسوف أختار صقعة المريخ في الدوري ..

ليته فعل
شد الضراع يا ول نويه ........ عمك الفضل ولا داسيها
يا رب مصطفى يكون احمر
الله يدينا الفى مرادنا

عمنا الان في ضيافتنا ياعوض السيد ؛ خليهو ساي يرتاح شوية كدة وبعداك بننزل معاهو تمام

الأخوة الأعزاء
قلوبنا مع موبوتو و رفاقه الأشاوس في معركة المقبرة و نتمنناها مثل معركة وفاق سطيف التي جعلت الجماعة ينسحبون من البطولة.و خلتهم قفلو الأستاد سنة كاملة و نبشو الحمار القديم و غيروهو بي واحد جديد. شكلهم حيشوفو ليهم واحد تاني. و برجاس ما حيرتاح.

خلاص خليت المريخ بقيت كنغولي... وين السبعة التي ساوت الاثنين ...دي مشكلة المريخ وناسو بيهتموا بالهلال وينسوا إيفوسا العمل المغووصة عايز لي بلدونا لسفاري وسبازموسيبالجين للباشا الفاتح برجلو زي الماشة البلقطوا بيها نار التشاشة عمر بخيت وباري ديمبا يا ناس نادوا دكتور زمبه الجماعة بالتلاته رقصوا سُمبا ... إنتو لا في العير ولا النفير ... بالمناسبة عائلة فكي الحاج بالأحفاد فيها فقط 2 مريخاب بس عشان يكفوا العين ... وين طمبج يا ناس مسكين ركب الكنب وقعد كنب واحدين قالوا عيان عندو H3 N3 SWINE FLU ألحقوه يادكتور مرتضى 33333333333 to infinty

الناس في مثل هذه الظروف ياعم الفضل تستلطف الناس عشان تقيف معها فيما راجيها ؛ وحقو تكسب ود الناس لان كلامك ده بعدين الجماعة بذكروك ليه والشغلانة بكون فيها غبن دفين ؛ وناس الكبار دارو الفزع شايفهم مشو لي سودانير وكسّرو ليها التلج تكفلت بنقل الهلال الي الكنغو وبرضو عملو فتح حساب لكل متبرع وبرضوفذعو الحكومة جابو سياسين (مستشاريين) اهلنا قالو الكتيري قلبت الفيل حقو تكسب ودنا عشان نقيف معاكم؛ لان الخواجي بتاعكم استنجد بالجمهور وقال من دونهم المهمة صعبة علينا

عايزك تقرأ كلام مرتضى .. كلامو طقعني في قلبي .. بلهجة أهلي الكنانة

الأخ فضل
معليش لو كلامي ما نفع معاك. لكن أعمل شنو الهلال دا ما بنزل لي من زوري و لو شفتهم بيلعبو في التلفزيون بقفلو.
ما نغش علي نفسنا مافي هلالابي بشجع المريخ و لا مريخابي بشجع الهلال.
ربنا يعينكم علي الراجيكم