إن كان سلام .. لا بُد / و إن كان دواس فدواس
4 مشترك
صفحة 1 من اصل 1
إن كان سلام .. لا بُد / و إن كان دواس فدواس
طلال دفع الله
داك الطريق باين
يا ليس في الإمكان
أسوأ من الكاين
في الكاين الرَّبَّـاط
إنفجري كالبركان
يا بلدي يا كلك
يا شِعبة التـَّكَلان ..
أم در و يا الخرطوم
و البعمل الإحباط ؛
الكاين النطاط
من كوم ينط لى كوم ؛
و الكاين المطاط
ما عندو راياً يدوم ؛
و الكاين الغطاط
شلاّهو كُتر النوم.
يا أمنا الثوره
يا جايه ميعادك
الليله أو في الغد
صحِّي الجميع و الخيل
دقي النحاس أجراس
خلي الرهيف ينقد
إن كان سلام .. لابد
في الأول التسليم :
بعدين محاكم الشعب
حكمة عدالة الرب
الروح قصاد الروح
العين قصاد العين
و السن قصاد السن
و جروح قصاصها جروح
و حساب جنيه بجنيه
مليم ورا مليم
كل الحساب معلوم.
ما بننسى أرباحها
و بى حق رِباها نشيد
ليها الأبالسه سجون
سُحت و ربا و تدليس
دا حسابو عن(د) قيوم.
إن كان سلام .. لابد
في الأول التسليم ؛
و إن كان دواس فدواس
يا خيلنا و الفراس
يا هجوم يعقبو هجوم
شان تبقى حره جديد
(جبيرة الأعراس)
يجرن بحورها دموم.
يا أرضنا الحره
حا يبدو بالأسوأ
أسوأ من الحاصل
أشباح مشاه و طيران
بمنبان سموم إيران
بمنبان .. جحيم نيران
و ما ليس في الحسبان
إتزايدي في الغليان
أصليهم النيران
ما يهدا ليك بركان
شان يمه في الآخر
من البكاتلوا فيك
و بعضآ من الخانوك
و العاش زمن مغشوش
خدعوهو بإسم الدين
مشروع حضاري فشوش
عاداك شوف مطشوش
قَلَبْ المِجَنَّه عليك
حا يبتدوا الصَّحَيان
ليك المدد ببقوا
لى شعبك الأعوان
يكبر و يزيد الكوم.
يا بلادي يا حره
ما بتسلم الجَرَّه
لو ما جموعنا تقوم
من قاع سدى الهامش
لى عن(د) علية القوم
يبقى الكلام واحد
و يبقى الهدف معلوم.
تاريخنا يوت شاهد
قدر الشعوب مفهوم.
و إن ما قدرنا .. خلاص
نستاهل الذله
و تحت النعال ننداس
و الحق يظل مهضوم.
يا سيدي يا شعبي
يا : دنيا زي الناس
يا : ميته زي الناس
زايله ام بناياً قش
و العمر ما بيدوم.
قول للبهابوا الموت
اليوم قدَر محتوم.
يا شعبي يا باسل
قوماك كفانا النوم
شن نفلو متكاسل
راجنوا غيرنا يقوم
خدر السكات طوَّل
هدَّ الكلام الصوم .
يا وطني يا مقسوم
يا شعبي يا مضيوم
درب الخلاص أهو داك
إن قلت يمشيه سواك
إن شاالله ما عشنا
لا لينا قايمه تقوم.
لا صحه لا تعليم
الجوع أبو الكفار
منو الشراره أساس
و منو بتولع نار
و منو القيامه تقوم.
النار علي للأشرار
لعصابة التجار
اللعبوا بيهو الدين
أحصوهم الأنفاس
خلوا الكلام مزموم.
فيصل خليل حتيلة- مشرف إجتماعيات أبوجبيهة
رد: إن كان سلام .. لا بُد / و إن كان دواس فدواس
لا صحه لا تعليم
الجوع أبو الكفار
منو الشراره أساس
و منو بتولع نار
و منو القيامه تقوم.
النار علي للأشرار
لعصابة التجار
اللعبوا بيهو الدين
أحصوهم الأنفاس
خلوا الكلام مزموم.
شكرا يا استاذ فيصل
ودوام الحال محال... وحتما ستتغير الاحوال وتعود المياه الى مجاريها وياخذ كل ذي حق حقه وما طار طير وارتفع الا كما طار وقع00
تحياتي وجمعة مباركة وعملت ايه قي موضوع العروس الجديدة
الجوع أبو الكفار
منو الشراره أساس
و منو بتولع نار
و منو القيامه تقوم.
النار علي للأشرار
لعصابة التجار
اللعبوا بيهو الدين
أحصوهم الأنفاس
خلوا الكلام مزموم.
شكرا يا استاذ فيصل
ودوام الحال محال... وحتما ستتغير الاحوال وتعود المياه الى مجاريها وياخذ كل ذي حق حقه وما طار طير وارتفع الا كما طار وقع00
تحياتي وجمعة مباركة وعملت ايه قي موضوع العروس الجديدة
محمود منصور محمد علي- مشرف المنتدى العام و مصحح لغوي
رد: إن كان سلام .. لا بُد / و إن كان دواس فدواس
ورينا يا فيصل.....
شعباً كاتلو الجوع يداوس كيف؟
العيش الفاتو خريف.. بقوم في الصيف؟؟
السيل الجانا بنادق .. ما خلى نضيف..
السجن أدانا مشانق ..لكل شجاع ونضيف
والجوع حبلاً خانق أن كت كريم وعفيف
خلينا نعوم لدنيا أمان من جوف طوفان مابقيف
مركب مقدود غرقان.. مابنفع فيو تجديف
ورينا يافيصل
الثورة البحلمو بيها الناس حتحصل كيف؟؟
والشعب الجايع في كل دغيش.. كايسلو رغيف
الأب وجيبو الفاضية حيران - مسكين- تتدبر كيف
والولد الشاب من ستة سنين ساكي التوظيف
أفتينا يافيصل تتدبر كيف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شعباً كاتلو الجوع يداوس كيف؟
العيش الفاتو خريف.. بقوم في الصيف؟؟
السيل الجانا بنادق .. ما خلى نضيف..
السجن أدانا مشانق ..لكل شجاع ونضيف
والجوع حبلاً خانق أن كت كريم وعفيف
خلينا نعوم لدنيا أمان من جوف طوفان مابقيف
مركب مقدود غرقان.. مابنفع فيو تجديف
ورينا يافيصل
الثورة البحلمو بيها الناس حتحصل كيف؟؟
والشعب الجايع في كل دغيش.. كايسلو رغيف
الأب وجيبو الفاضية حيران - مسكين- تتدبر كيف
والولد الشاب من ستة سنين ساكي التوظيف
أفتينا يافيصل تتدبر كيف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الطيب الشيخ حسين كندة- مشرف التراث
رد: إن كان سلام .. لا بُد / و إن كان دواس فدواس
بإذن الله سوف يتغيّر هذا الحال بأحسن حال وهذا الشعب المكلوم سينعم بحياة رخية هنية ؛وسوف تزول كل الأنظمة الديكتاتورية
محمد قادم نوية- مشرف منتدى الصوتيات
رد: إن كان سلام .. لا بُد / و إن كان دواس فدواس
نيوتن عيد سعيد
كدى جرب المحاولة دى و ادينى رأيك
تعيش يا معنى كلمة لا
تدك حِصن الضلال
بي أشرف الأشعار
تعيش يا وطني
رغم جروح المليون
ورغم المافيا والأنصَار
تعيش يا شعبي
صف مضموم
بساعد العافية والإصرار.
أحبّك
لا بقع في الشين
ولا بَسكُن لوجَع الفجعَة
في جرح العذاب الخاص.
أقوم من كل جروحي
واقيف
في ساحتك
الممهورة بالرُصاص
واصيح في مسمع التاريخ
اقول عن أزمة الراجين
شباب واقف على السكين
بيسأل بي عَقُل ملهوف
تدُق سَاعة الحرابة متين؟
انحنا سَواعِد الجَبهَه
وسيوف الجبهه تصحا متين؟
أصيح في مسمع التاريخ
اقول عن معدن الراجين
شباب ثوري وديمقراطي
قلب واعي وعَقُل صاحي
شباب واقف (صفا)
ومشتاق
تقوم الجبهه
من تعسيلة الأوراق
تقم الجبهه
من تعسيلة الأوراق.
فيصل خليل حتيلة- مشرف إجتماعيات أبوجبيهة
مواضيع مماثلة
» ماذا نحن فاعلون لو اصبحت ابوجبيهه من نصيب جنوب السودان - مقتراحاتكم و افكاركم بعيدا عن السياسة
» سلام ابوجبيهة سلام
» سلام كتيييييييييييييييييييييييييييييير
» الما بتلحقو جدّعو
» خواطر في دفاتر يناير ... يا بت يانيل ..
» سلام ابوجبيهة سلام
» سلام كتيييييييييييييييييييييييييييييير
» الما بتلحقو جدّعو
» خواطر في دفاتر يناير ... يا بت يانيل ..
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى