الحباك جاكي زول

سوف اغادر بإذن الله يوم الجمعة القادم للخرطوم ومنها مباشرة للحباك في اجازة قصيرة لمدة ثلاثة اسابيع وذلك لزيارة الاهل وحضور مناسبة زواج بنت اخي الامين

مرحب والف مرحب بأبوسارة والحباك تشرفت بمقدمك الميمون

وعودا حميدا منتظر بين الاهل والاحباب ومبروك لابواللمين

والاسرة جميعا ربنا يجعله زواجا مباركا .

مرحب بيك يا شاب وباذنه تعالى سنلتقى هناك

مبروك يا فاتح مقدما واتمنى ان اراك قبل سفرك

الله يحفظك ويرعاك في حلك وترحالك

اجازة سعيدة ..والف مبروك للعروسين ..وتحياتي للاسرة في ابوجبيهة


تحياتي

أبو سارة أتمني لك سفراً سعيداً ممتعاً ... وألف مبروك لبنت زميلي مقدماً ...
وصية : لا تنسي خذ معاك كاميرة لأخذ صور من الطريق وخاصة أبوجبيهة والجنائن ... وعوداً حميداً إنشاء الله .... معزتي .

الغاليين ابونوسة ،ابوهريرة ،ابو الزهور محمود وود الشاويش مشكورين على الدعوات الطيبة والواحد بجد خرمان لكباية شاى كاربة تحت نيم الدونكي او موقف اولاد حميد وان شاء الله يا عثمان سوف اصور حتات كتيرة بس مرات الحكاية تكون تقيلة الناس هناك حساسين شوية وبشوفوا الحكاية غريبة ويمكن يفسروها غلط وهم طبعا ما عارفين نحن بنشتاق لكل شخصية و ركن يذكرنا ببلادنا الحبيبة ولكم جميعا خالص الود والتقدير

حلاتك ماحلاه ياالزعيم

بوصيك
بمسدار

انزلي فوق فرع قبل الفريق يا نايحة
وكتري في الطنين مثل الحواره الرايحة
مربوعة بنات لينه ورطيبة ومايحة
قوليها السلام ليك يام مسيرتاً سايحة

***
قوليها العشوق تعبان ازاهُو مطول
ويات الشافو اصبح في العلى متهول
شان عينيك مباري البي الغفار متجول
لكن لي الممات من عهدو ما متحول

الحبيب ابو يوسف وصيتك في العين والراس وسلامك تب وصل شوفك كده قرمان للبلد حار والبسمعك بقول الزول ده طول من البلد شديد وما زول ليه منها شهيرات بس طبعا ياريت لو الايام ترجع تاني ونكرر نفس سفرتنا بالعربية انا وانت ونصر الدين فقد كانت رحلة لاتنسى خاصة بورسودان وكسلا واقول ان شاء الله بقوم بالواجب تب وناسك كلهم بوصل ليهم سلامك مع تحياتي

ابن الخال العزيز ابا الساره مشكور علىالدعوات الطيبة وتحياتك ان شاء الله تصل للاخوان والاولاد مع تحياتي القلبية للاولاد وامهم

مشكورة العزيزة ناهد وتحياتي للوالد والوالدة والخالة الحاجة غنية وخيلانك وكل الاسرة

التحية لأهل الحباك وخلي الأستاذ أبوهريرة معاك ... مع بواكير فاكهة المنقة

جابر العثرة يقول:
الزعيم بوصيك
بمسدار

انزلي فوق فرع قبل الفريق يا نايحة
وكتري في الطنين مثل الحواره الرايحة
مربوعة بنات لينه ورطيبة ومايحة
قوليها السلام ليك يام مسيرتاً سايحة

***
قوليها العشوق تعبان ازاهُو مطول
ويات الشافو اصبح في العلى متهول
شان عينيك مباري البي الغفار متجول
لكن لي الممات من عهدو ما متحول [/quote]

إجازة سعيدة نتمناها لك