مازمبي يدفن الهلال في مقبرته خمس مرات

بعد ان حظيت مباراة الهلال ومازمبي بكل وكالات الانباء العالمية والكل كان ينتظر هذه المعركة بفارق الصبر وكنا نحسب الدقائق لحين اطلاق الحكم المالي صافرته في مقبرة الابطال التي حظيت باهتمام غير مسبوق ؛ وقلنا ان مازمبي اليوم سيلقي حتفه لكن حصل العكس؛ بعد الخروج المزل للمريخ قلنا ان الهلال سيداوي لنا الحراج لكنه زاد لنا الام الماضي وهذه المرة في الادوار المتقدمة وفي دور الاربعة وتتقلب بهذه النتيجة المذلة التي لم تحصل من قبل لفريق في ارضه؛حقيقة بالامس انكشف المستورواتضح ان الهلال فريق ليس له اي امكانيات فنية ولا تكتيك ؛ وكان الفريق الزامبي فريق يعتمد علي وسطه وهجومه الضارب لكن دفاعه شوارع مفتوحه لو كان للهلال مهاجمين قناصين لاهذت شباك مازمبي 10اهداف اقلاها ؛ وانا منذ المباريات الماضية تحدثت عن عقم الهجوم الهلالي لان اهدافه كانت قليلة واغلبها او كلها جاءت من لعيبة الوسط ؛ حقيقة الهلال اوضح انه لم يلاقي فريق بقامة مازمبي ؛ واوضح انه فريق يلعب بدون اي تنظيم او تكتيك ؛وكل الاهداف التي ولجت شباكه كان اخطاء واضحه من خط دفاعه ؛ كيف يمكن لفريق بلغ الدور النصف النهائي ويتهذم في ارضه بخمسة اهداف هذا امر غير مقبول ؛ لكن في النهاية نقول هي كورتنا لم تاتينا الا بالمواجع والاخفاقات وخيب الامل ؛ لماذا ياهلال تخيب امال الجمهاير العريضة التي جاءت للمقبرة من الساعاعت الاولي من صبيحة الاحد للمقبرة وانت تلعب بهذه الطريقة وكلنا سبنا طبيعة عملنا وذهبنا ونهيئنا للنصر ؛ لو كان هذا الفريق يلعب مع بت عبود لصمدت قدامه ودافعت باسم الوطن الغالي ؛ انا افتكر ان فرقنا بعد هذا تقصر قصاري جهدها في المنافسة المحلية (دورينا الدافوري وكويس السودان) لماذا لاننا لم نستطيع مقارعة فرق القارة السمراء وانا اناشد اعلاممنا السوداني الضلالي ان يكون اميناً مع نفسه وهو السبب الرئيسي في هذه الاخفاقات المتتالية ؛ حقيقة اقولها للجميع وانا اكتب هذه الاسطر وازرف الدمع لما جري ان لا تحزنو وهي كورتنا اذا تابعناها امرضتنا ؛مبروك لمازبي التاهل للنهائي لماذا لانه يستحيل علي الهلال الفوزبخمسة اهداف نظيفة في الكنغو؛ والهزيمة في الكنغو ستكون تاريخية لهؤلا الاطفال
تحياتي

نعم إنقلب السحر على الساحر .. لابد من وفقة للكرة فى السودان .. هذا شئ مؤسي.

لكل لونه الرياضى .....حق مشروع لنا كصفوه ان نبتهج ونفرح كما يفرح الاهله ويتفننو فى الصخريه حين ينهزم الزعيم (ليس بخماسيه اصليه ).
يعنى بالواضح كدا حلال علينا ان نبتهج بهذه الفضيحه المجلجله
*هل تانى من عوده وهل تانى ليه امل
*تلاشى الامل
*تصريحات ناريه وخماسيه كنغوليه فى العرضه الشماليه
ما احلاها والله ادانا الفى مرادنا
*الحمد لله الذى كشف مستوى الهلال الحقيقى فى مقبرة الهلال وليس مقبرة الابطال كما يزعمون
*لم اكن اشك فى هزيمة الهلال بالامس لمتابعتى اللصيقه لكل مباريات القاهر مازيمبى ولكن لم اتوقع زيارة الود عزو خمسه مرات
مافى اى شماعات تحكيم زى الورد ..... لكن الحقيقه ان الهلال يفتقر تماما للمهاجم الذى يجيداحراز الاهداف (سادومبا اكبر ماسوره - وابيلى يفتقر لابسط مهارات المهاجم ) اما كاريكا واحمد عادل احسن يمشو النيل الصاحيصا
الدفاع اكتر من تعبان والدليل واضح وضوح الشمس فى رائعة النهار
الوسط افل فيه نجم هيثم مصطفى فمات ...اما سيف مساوى فحدث ولاحرج ..... ومعز محجوب حقو راح حقو يشوف ليهو حاجه غير الكوره
اما انت يا كامبوس يا كابوس ليه اسامه التعاون فى الطرف اليمين وعندك غيرو خيارات تانيه
كامبوس قال الامل موجود ..... اى امل يا ايها البرازيلى ...... ممكن يكون فى امل لو عندك مهاجمين غير فضائح الامس الذين لم يقودو سوى بعض الهجمات القليله الخجوله
هكذا حال الدنيا ولاول مره فى تاريخ البطوله الافريقيه وتاريخ السودان الجريح ... للفقيد خالص العزاء
ياما قلنا ان الفقيد ليس بمستوى الحدث ..... وان المعزين كانوا حائرون يفكرون ويفكرون ويتسائلون ... كان الفقيد من يكون
متوسط الحال ... يحلم كثيرا احلاما مستحيله
وبالامس كان يحلم بانه يلعب مع برشلونه بدولة الامارات العربيه المتحده بعد ان رفع الكاس الغاليه المستحيله عليه مع رفيقاتها الاخريات سواء الكونفدراليه او سيكافا او حتى كاس قد شربت ببعلبك
الفقيد كان وديعا تلاعب به الضيف الثقيل كيفما شاء
قال ماشى يلعب مع البرشا - فى داعى تاخدوها هنا وبدون خجل
واخيرا نحمده الذى شرفنا بقبرهم

والله يا أستاذ عوض الحال من بعضه .. حال الكرة فى السودان لا يسر وكنت قد طلقت الكرة بالتلاتة ما عدا عشقي الوحيد وهو منتخبات البرازيل ولكن وجودكم والأحبة فى المنتدى خلى الضرس يتاور ... ولعل حال المريخ ليس بأفضل من حال الهلال ، نحن بعدين تماما عن كرة القدم .... فقط تبقى هلال ومريخ لزوم المغسه ولكن أنسوا الكرة فى السودان فلقد قضى عليها نميري ولن تتعافى قبل قرن من الزمان ........... السليساو وبس ....

عمك سامبا

لك التحية عزيزنا عوض السيد.

نعم خسرنا هذه البطولة و لم نخسر كل شئ و لنا عودة قوية بعون الله يا عوض.

خسارة الهلال لن تكون مخرج للمريخ من معاناتة فى البطولات المحلية و القارية و خسارة الهلال باى شكل

من الاشكال حتى لو بخماسية مازيمبى لن تجير لصالح المريخ و لن تضيف للمريخ اى انجاز.

ان المعاناة التى تعرض لها الهلال فى ليلة الاحد /4/10/2009 لن يتحملها غير الهلال اى نادى اخر حتى

لو برشلونة الذى أشرت اليه فى منتدى اخر.عانى الهلال الامرين يوم امس و لكن عزيمة الرجال لا تقهر يا عوض

قلت ان الصبر و المثابرة و الوعى الذى تتمتع به جماهير الموج الازرق هو قوة دفع هذا العملاق.

كل الذى حصل عبارة عن دروس مستفادة فى المستقبل القريب بعون الله.

الحمد لله يا عوض السيد اننى لم أشاهد المباراة لأنقطاع الكهرباء.

لكم الحب و لأحسان الصبر و حسن العزاء ( فى الهلال طبعا ) نرضى عوض السيد شوية يا أحسان.

الحمد لله التيار انقطع وماشفة فضايح الهلال والتوهان ؛ حقيقة عند انقطاع التيار خفت من احتمال حصول عقوبة من قبل الكاف ليتها كان التيار انقطع تماماً من هذه الفضيحة ؟ والعقوبة بتكون اخفي ؛ لان في حالة انقطاع التيار نصف ساعة ستوقف المباراة وبعدها تحسب النتيجة لصالح الفريق الضيف؛ صراحة حنيت لحالك لم ارد لك اليوم في مثل هذه الظروف ولنا معك لقاء ؛عن انجاز المريخ

الاحبة ول نوية وول ابراهيم
يجب ان لا تغفلوا عن حقيقة ان الكاس في خاتمة المطاف هو نصيب فريق واحد وليس كل الفرق
وكونك تنتصر علي في معركة هذا لايعني انك اشجع مني وكل ندان عندما يتقابلان يتعادل عندهما التشاؤم والتفاؤل ولو كنت اعلم انك ستهزمني لما نازلتك البت وانت تتوقع مني الانتصار عليك كما اتوقع انا
فليس الشجاع هو من يكسب الحرب بل الشجاع هو من اتخذ قرار الحرب
والايام كفيلة
مع اكيد حبي

أخي فيصل
نعزيكم و الجميع في فقيدكم الغالي طيب الذكر الهلال ابو خمسات
مشكلة الهلال هي كتابه و جمهوره الذي يتوهم الفأر فيلا و القط أسدا. و الفاجعة ستكون علي الجمهور كبيرة لأنهم توهمو أنهم لا يقهرون و هم سادة الكرة. من منكم كان يضع في باله أن الهلال سيهزم او يتعادل غلي اسوأ الفروض. اعتقد لا أحد.أذن فكلكم جمهور و كتاب و أداريين و مدرب ساهمتم في هذه المهذلة التي سينال كل الفرق السودانية نصيب منها. فهزيمة بهذا الشكل تضر بنا قبلكم (لو كانت 1, 2 دي هينة ممكن تكون حقتكم براكم) بس الخمسة والله بتوجعنا ولازم نتكلم فيها.
أنا فرحان بس مش عشان الهلال. فرحان عشان الجمهور المتوهم المغرور الذي ينصب فريقه بطلا و هو بطل من ورق صورة هزيلة لبطل و أخر عهد لنا بهذا البطل كانت في كاس مانديلا. رضيتم ام ابيتم يظل المريخ هوالفريق السوداني الوحيد الذي وضع بصمة في تاريخ بطولات افريقيا. ولو أخذتم هذا الممتاز مائة مرة لن تشفع لكم في انكم فريق محلي لا يتطيع مقارعة الفرق العتية ولا يعرف دروب البطولات و أنما يلعب خارج الميادين و يحتمي بالأتحاد العام و حكام عثمان أحمد البشير الذين يشبهون هذا الدوري الغير ممتاز في السوء و الضعف و الفساد.
صلاح أدريس يوم الجمعة قال و أجزم بأن الهلال غالب لا محالة و علي الناس و أعتقد أنه يقصد جمهور المريخ أن يعذرو جمهور الهلال في فرحه بدفن مازيمبي. المشكلة أننا فرحنا و علي جمهور الهلال ان يعذرنا في فرحنا لأننا فرحين لأنكسار غرور من نصبو أنفسهم أبطال. و أنتم بدأتم فتحملو النتيجة.
الهلال و المريخ فرق ضعيفة ولكن جمهور المريخ لم يكن يوما مغرور أو يتوهم أكثر من مقدرات لاعبيه و لو كنا كذلك لكنا هجرنا الفريق بعد المصائب التي حلت به.

المريخ لم و لن يحتمي بمازمبي و غيره للفوز بالممتاز. و نحن كجمهور واقعي و متوازن و متصالح مع نفسه (ما زي القالو حيلعبو مع ميسي). ندرك صعوبة الحصول علي الممتاز بعد التعادلات المخزية التي حدثت. ولكننا متأكدين من مشاركتنا في ابطال أفريقيا الموسم المقبل. مبروك عليكم الممتاز طالما أنه يقودكم لمثل هذه الهزائم الخماسية.
يا طارق المشكلة مش في الهزيمة فهي واردة و لكن الجديد أنها أكبر هزيمة لفريق سوداني داخل مقبرته أقصد ملعبه تخيل أسوأ مراحل الكرة السودانية و أخرها هزيمة المريخ أمام الصفاقصي التي قامت فيها الدنيا و ذبحتم فيها المريخ لم تكن بهذا السوء. عار للكرة السودانية.
أتخيل الكهربا ما قطعت و كامبوس مالقا فرصة لتوجيه اللاعبين كانت حتكون كم

سادومبا كابوندي و هلم جرا. المواسير

وأنتم أخذتوا السبعات ويكفي أنكم لم تفوزوا في هذه المنافسة ولا حتى في مباراة واحدة ولم تتقدموا في مباراة على أي خصم في أي مباراة واحدة إلا الأخيرة والتي كانت لكانو بيلارز تحصيل حاصل وبعد هذا انتهت بالتعادل .... ويكفي أن الهلال شاتكم بالثلاثة مع الرأفة ... وقديماً قالوا أهلنا في السودان فلاحتي في ود مرتي يا بتاعين أتراكو والوحدات

لا يا دكتور المريخ احتمى بانتصارات الغير و دونك ليلة الاثنين 5/10/09 التى شهدتها مدن العاصمة.

ان الذى حصل بعد مباراة الهلال و مازيمبى لم يأتى بالصدفة ياعزيزى.اعلم تماما كيف تمت الحشود لهذه الليلة

و كيف ان ادارة نادى المريخ قدمت الدعم اللوجستى لهذا الكرنفال.

ان جماهير الهلال المفترى عليها يا دكتور لم تكن فى يوم من الايام شرسة و همجية لتعتدى على مقدرات الاندية

المنافسة ( تكسير كل ما هو داخل الاستاد ) و اتهام الخصم بالفساد عبر وسائل الاعلام ومعروف عن جمهور المريخ

هذا السلوك يا عزيزى منذ مباراة اهلى مدنى 3/1 فى 1989 ( عصام غانا و عمر ملكية ) يا دكتور.

لقد هشمت جماهيركم ( الصفوة ) استاد الهلال بعد اللقاء الاخير يا اخى.

جمهور الهلال الذى تشكك فى وعيه و صبره على المصائب هو ذاك الجمهور الذى شجع فريقه ليلة الاحد حتى

صافرة النهاية و ذهب الى المقصورة الرئيسية لمواساة رئيس النادى.

ارجو الرجوع الى اخر مباراة مع الهلال لتدحض ما سطرته عن جمهور المريخ بالادلة الدامغة.

تحياتى و هاك البطيخ دا

خمسين برة السودان ولا خمسة جوة ام درمان

خمسة جوه السودان أم تلاتة من الهلال ؟؟؟؟ شفيق يا راجل !!!!!

حسايف .. تذبل الضحكه وهى بين الشفايف ..
تذبل الفرحه وتضيع ...
ويصبح الكون الوسيع ...
مايكفي خطوتين ..
ياامة الهلال عليكم بالصبر والتحمل وناس دكتور مرتضي وعوض السيد ومن خلفهم محمد نويه كلامهم بيوجع جوه في القلب لكن ما اقول الا الله يعينا عليهم

نحن خسرنا المباراه ولكن لم نحصب الملعب بالحجارة يا حبيبنا مرتضى

حيدر يا ابو عبد الله والله يا صديقى اتمنى ان يصبركم الله على غزل المريخاب زى ما قال فيصل ..... لكن نحن البنسوى فيهو دا مجرد استخلاص لحنقنا عندما اقام الهلالاب الدنيا ولم يقعدونها بسبب خروجنا من دور الثمانيه الذى فرحو له وابتهجو كثيرا.
وعلى ذات الدرب سائرون لحين اشعار اخر
....................................................................................... عشت

أخي الغالي طارق
عندما حصب جمهور المريخ الملعب بالحجارة تأكدنا من أن هذا الجمهور العاشق الولهان بحب المريخ واعي للوضع الذي يمر به الفريق و مقدر لدرجة السوء التي وصل أليها. لكن حقيقة أن جمهور الهلال لم يفقعل هذا تدعو للقلق ( الزول البموت ليهو عزيز و ما بظهر عليه الحزن بكون كاتم الزعلة في قلبو و الناس بخافو عليهو اكتر من الزول الببكي) أني اخشى من أنفجار الحزن داخل هذا الجمهور المخدوع الذي هو في مرحلة الصدمة و ربنا يعينكم و حيدر قالا و أي هلالابي ممغوس من جوة و الكلام حارقو بس ما قادر يصرح( ما بقدر ابوح أنا ما بقدر أصرح).
أحنا فريقنا ضعيف و كحيان و بتغلب جوة و برة بس والله فتونا في الأرقام القياسية و مبروك عليكم رقم قياسي و نومو قفا مافي فريق سوداني بلحقكم. و أي طفل سوداني سيكبر و العار مسيطر عليه و الغصة تخنقه.
يما سيد اللبن قال الرطل بي خمسة جنيهات

طبعا هم مستوعبين حجم الفضيحه لكن بحاولو يفتشو على شماعات ....... المهم انها ما حصلت لا فى تاريخ البظوله الافريقيه لا فى تاريخ السودان ان فريق يخمسو جوه بلدو
وسوف لن تتوقف اقلامنا حتى ازدواجية الفضيحه فى الثامن عشر من الشهر الجارى جرى جد
.............................................................................................. عشت

اخي الحبيب الدكتور
المريخ هو الذي شفنا فيه ملاحقت الهذائم داخل البلد انحنا ما بنجزع لاننا عارفي الخطا وين وقادرين نصلحو لاكن انتم بتبكوا وما عارفين الميت ده منو والمكان الوصلو الهلال المريخ بدون لعب مايصلو