تعميق الجراح

اليوم الثامن عشر من اكتوبر الذى افرحنا كثيرا فى مطلعه.... تتوجه الانظار عصرا الى استاد لوممباشى لمتابعة تعميق جراح الفقيدسيد البلد وهلال الملايين كما يحلو لمحبيه.
معركة الكارثه التى منطقيا محسومه لصالح العملاق مازيمبى الذى اراح نفسه بدفن الفقيد فى مقبرته بسيل الخماسيه الشهيره التى لم يستطع اى هلالابى هضمها حتى الان
الصحافه الكنغوليه تعليقا منها على سهولة اصطياد الفقيد فى مقبرته وصفت فقيد البلد بأنه نمر من ورق ...... فعادت الصحافه نفسسها وعدلت وصفها بأن الفقيد سيكون نمرا جائعا فى مباراة اليوم ...... ولكن على حسب قرائتنا ومتابعتنا للاحداث نقول (أين هى انياب هذا النمر الجائع الذى يستطيع ان يلتهم بها فريسته؟(
اعيب على الصحافه الكنغوليه تعديل الوصف من نمر ورق الى نمر جائع حيث انه خطأ صحفى لا يغفر.
على العموم نحن لا ننتظر شئ سوى ان تجبر الخماسيه رياضيا وتتعمق الجراح ونحن بدورنا سنوثق الفضيحه رايح جاى.
والله يدينا الفى مرادنا

ان كنتم معنا ما زتونا الا خبالا
نحن من افريقيا السمراء من مهد الاسود
وانا امدرمان مضى امسي بنحسي
وفتاي غدا يحطم قيد حبسي
واطلع للملا في ثوب عرسي
انا الطابيا المقابلة النيل

عوض السيد العزيز ... دعنى أسألك عن المريخ أو الوصيف أين أنتم من هذا المولد ، بحسبة بسيطة سيد البلد الذي أسخنكم بثلاثة أخرستكم غلب بخمسة أهداف يعنى لو كان الوصيف وبذلك الحال الذى رأيناه لأتخموكم بعشرين هدفا ... أنتم تتحدثون كما يحلو لكم دون أن تستبينوا مكانكم فى الخريطة.

حياك الله يا ابو الزهور

انا شخصيا اكتفي بالصمت ولا أستبق الاحداث ؛ لكن بكرة لو عندي كلام بقولو!!!!!

أمش أخد ليك نومة إنت مساهر .. أنا قلت عوض السيد ما قلت ول نوية

أبوإبراهيم دا جزء من عمود خالد عزالدين بيرد فيهو على عمود للكاتب المريخي (سلك):

يعني لو انتو راسكم دايش ومتخيلين انكم (حييتو) وغيرتو اسم المريخ كالعادة من فكتوريا والاهلي والمسالمة والمريخ وسميتو المرة دي مازيمبي.. احسن تصحو !!
شايفكم بي قوة عين كده.. عاملين فيها ولا مازيمبي ذاتو !!
بتتكلمو عن (موبوتو) زي التقول وارغو !!! وبترقصوا مع حارس مازيمبي زي التقول اكرم الهادي سليم .. يا سلك انتو عقلكم ما سليم !!
خلي بالكم الدوشة دي نستكم إنكم مغلوبين من الهلال بتلاتة وإن أقصى ما توصلتم اليه من الدرونات تلاتة ومن النقاط تلاتة ومن الهزائم تلاتة وبالتلاتة !!
البشوفكم ترقصوا وتغنو كده يقول انتو الغالبين تلاتة ..عليك الله الدايش منو هسة يا سلك !!
في زول في بيت بكاء برقص جنس رقيصكم دا ؟ إلا يكون راسو دايش فعلا ..
يعني فريق طيش المجموعتين وبدون انتصار وبهزيمة علي أرضه وهزيمة خارج أرضه ودفن في المقبرة بثلاثية ومجلس ادارتو لا فيهو نائب رئيس ولا مساعد رئيس والمعارضة بتطالب باقالة الرئيس والرئيس بطالب بعدم التعاون مع الاعلام السالب وبجتهد أيما اجتهاد وبـ( الكربوني ) عشان يبقي زي الهلال.. والرئيس معترف بالطيش وانتو بترقصوا جنس رقيص وبتقولو خالد فكرو طايش !! يا طيش ..
هلالابي هلالابي .. مازيمبي كيف .. دي ما بتحلكم مننا..
أول وآخر انتصار في دوري الأبطال لصالح الهلال..
أول وآخر هزيمة للمريخ في دوري الأبطال من الهلال ..
ثلاثية المقبرة حدث تاريخي بعمل أكتر من الدوشة الحاصلا ليكم هسة دي ومخلياكم تتخليو مازيمبي المريخ !!
في واحد مريخابي كترت ما اتخيل مازيمبي المريخ .. بتكلم معاهو قال لي جمال الوالي قال ما بخلي (موبوتو) يحترف في الرائد السعودي !!
أصحوا يا سلك وشوفوا الحاصل للمريخ دا قبل مباراة الدوري الممتاز.. عشان نحن لو جينا زعلانين.. بندفنكم المرة دي دفن الليل..
بتعرف دفن الليل كيف ؟!!!!

أرسل يا أشرف هذا المقال لكل من عوض السيد ود. مرتضى فى رسالة خاصة.

أرسل يا أشرف هذا المقال لكل من عوض السيد ود. مرتضى فى رسالة خاصة.

يا جماعه رايكم شنو نتلاقى باكر الصباح.
الكلام كدا ما بنفع.
بس بكره خليكم ظاهرين الزوغان ما مقبول

والله بعد ده إلا نزوركم فى دار الرياضة أم درمان .. ما لاقيناكم وأديناكم تلاتة ... 3x3x3x3x3x3

يا جماعه تلاته اهداف تبدو عاديه لكن الخمسه النصيحه لى الله ما بتمبلع جوه البلد يا ابو الزهور ويا ابو الشوش ويا ود عمى طارق.
انتو كدا بتخلونى افتش الخمسات الاخدتوها كلها وارصها ليكم فى المنتدى...... بس خلونى اقفل ملف الليله القدامى دا