القنوعة!!!

(القنوعة) ظاهرة في عيونهم.

• اهلنا بقولوا الزول (المفارق) واضح....و(المفارق عينو قوية).

• عندنا واحد خبير في الحاجات دي.

• زولنا دا وقت يمشي يزور ليه زول في المستشفي ويجي راجع منو؟.

• بنقول ليه : اها لقيتو كيف؟.

• زولنا كان ما بجامل بقول لينا : (الزول دا زول موت...الواطة ما بصبحها).

• من يلقي الزول العيان مقبل علي الحيطة ...بكتلو ليكم.

• خمسة دقائق ويجبوا لينا الخبر من المستشفي والنسوان يطقن الكواريك.

• زول الموت ظاهر.

• مرة صاحبنا دا مشي زار ليه زول في المستشفي ...وقت قابلنا في الجامع قلنا ليه : اها لقيت المريض كيف؟.

• زولكم قبل ما يجاوب لينا في واحد مننا ثبتوا قال ليه : (هسع جينا من المقابر ..عليك الله خلينا نأخذ نفسنا شوية ...ما ترجعنا المقابر في البرد دا).

• في ناس بعرفوا (الموت).

• وجمال الوالي دا الظاهر عليه عرفها.

• قال نحن قنعنا من بطولة الممتاز من الدورة الاولي.

• اول مرة اشوف لي رئيس نادي (قنوع) كدا.

• والقناعة (كأس) لا يفني!!!
بتصرف...
#نقلاً من مقال للصحفي محمد عبدالماجد /قوون

طبعا البطقن الكواريك ديل ناس الفنانه البعرفها محمد نوية وكتب عنها في زاوية اخري!!!

القناعة كنز لا يفنى ورحم الله إمرؤ عرف قدر نفسه.

الليلة يا ول نوية محل ما تقبل نحنا وراك.

د. احسان فى الرياضى و انا لابد ليك من الصباح فى منتدى التراث.

شيل شيلتك.

تحياتى

هههههههههههههه لقيتك خطيرة يا بت ابوي ؛ بقيتي كمان تتابعي اي صغيرة وكبيرة عن حالنا0 نعم جمال الوالي انسان منطقي جداً وزول عاقل بحل الامور بحكمة وهو الان بعد في فريق من جلد جديد وذلك بابرامه مع اكبر الصفقات ذات الكعب العالي التي سيكون لها شأن كبير في الموسم القادم ولو قراتي اليوم الصحف السودانية تلقي كل صفحاتها الرئيسية تناولت هذا الخبر الاكيد ؛والفنانة دي كمان قالو بقت واعظة للناس لقيت عنها اغنية قالت فيها:
لوكي القرضة وامسكي فيهو
بيت حلالك ماتخربيه
تحياتي

والله ضحكتني يا ول نوية الله يجازي محنك...

هههههههههههههههههه
بس خلاص عرفناه

الليلة يا حسن ولد اختك ابانى تماما.

ادخل ليه بجاى يزوق بهناك و امشى ليه هناك يتلب بقادى المصيبة دى شنو الزول دا

مالو يجفل جاى و جاى تقول مطلوب القبض عليه فى لا................!

تحياتى

يمكن راكب( ام جليلي) كده اتاكد منه كويس

ول حتيلة ناس ول نوية كان جمال الوالي دا قبل منهم جاي ولا جاي ما إلا يلوكوا القرض دا !!!

هاي ول بشري,هي دي هسع مرحلة القرض (تصور) مرحلة مابعد القرض حتكون كيف,
وين دكتور مرتضي ياجماعه

والله اليوم ده يوم مشهود في ناس دييييييييييل من قبل دفنة المقبرة ماشفناهم وانا بحتفل بهذا اليوم بالزيارة العظيمة دي ؛انا ياابووعد قاعد لاكين مشغوول بصرف ليك في العمال سااااااااااي ؛ ودقيقة والله افضي ليكموتشوفو اعمل فيكم شنو ابداها من بت ابوي دي الا تزغرد وبتاع العربية ده يقوم معرد لمن عربيتو توحل في شارع سوبا الحلة الجنب المستشفي دااك وصحبك ابو الشوش ده لمن ينسي نفسو يقول انا ماشي خور البطحة وهو تاري فيي النيل الابيض