المخطط المضبوط لتحقيق احلام ظلوط !!!!

صلاح التوم من الله

عدد رقم 6538
• ناقش مجلس المريخ اسباب فقدان كاس الدوري الممتاز واتخذ القرارات والاجراءات التالية لعودة الكاس في الموسم الجديد
- توسيع ادارة كروت الهلال بالمريخ ومدها بخبراء اجانب وانشاء قسم يختص بحصر الكروت الصفراء للاعبي الهلال عندما كانوا اشبالا في الليق



- اعطاء كورسات لاندية الممتاز في كيفية التقدم بالشكاوي ضد الهلال حتي لاترفض شكلا ويفقد المريخ الثلاث نقاط تلو الاخري
- اقترح بتعديل القانون بحيث لا تحتسب الاهداف الناتجة من ركلات جزاء او ركلات ثابتة اخري بالنسبة للهلال فقط تحتسب بالنسبة لبقية الاندية خاصة المريخ
- شراء صحف الاعلام السالب وتحويل كمبيوتراتها الي معاهد التعليم وتوزيع الكتاب علي روابط المشجعين
- الحرص علي عدم هبوط الروح المعنوية للاعبين جراء شتائم او اعتداءات الجماهير باجراء التمارين في سطوح عمارة بنك البركة او الفيحاء

- تسفير مازدا تلاتات الي اوربا في بعثة طويلة الامد حتي تصعب الاستعانة به عند الزنقة

- تجهيز مدرب خواجة بديل كاحتياطي لتعيينه مباشرة بعد الهزيمة الاولي التي سيتلقاها كاربوني

- واخيرا شطب (كشف الحال) عن بكرة ابيه لا دافي لا بارد والتفاوض سرا مع كل لاعبي الهلال بالاضافة الي (حلويات سعد) و(بسكويت بركة)


قوون

أزرقانى كاسك داخلى ومن الخارجى خالى وصيف منسحب وماخد خمسه طوالى

خطيره يا دكتوره يا ازرقانيه والجايات اكتر من الرايحات

ههههههههههههههه طبعاً ضحكة في القال صحفي ده يا اختي ما الموسم انتهي خلاص وتاني مافي حاجة بتأكل عيش وتجذب القراء للصحف الا يجيبو الكلام زي ده هو منو بالله البقت احلامو احلام ظلوط مازمان قلتو بنلعب مع برشلونة وقروش الكاس بنصين بيها استادنا الراكوبة ده ونعمل للناس حفلة بي ا لفنانة المشهورة التي (أكلت نيم وحلة بي قرض) مع الجماعة