العيد في البعد واجهزة الاتصال

اقبل العيد ونحن في المهجر نحضر في بطاقات تعبية الرصيد اي الاستعدات لمشاركة الاهل فرحة العيد من على البعد لكن السؤال هل العيد بالهاتف له معني ؟؟؟ عموما الكثير من الناس يوم العيد تفوتهم الصلاة وذلك لعدم احساسهم بطعم العيد
طعم العيد في ابوجبيهة له اكثر من معنى
عيدكم مبارك واتمنى الصحة للجميع

نحن طبعا تعودنا رغم مرارة العيد بدون الاهل لكن طول الغربه خلّ الصدمه أخف بس المشكله الناس الجديدين ديل بكترو الجعير والله يعين الجميع

خمسة وثلاثون عاما أفتقدت فيها طعم العيد الحقيقي .. أتُرى هل من أمل بعد كل هذه السنين

هل نفحة لبعيد الدار مبتعد * يحيا بها وبها الآماق تكتحل
وهل نعود لذاك الحّي ندرعه * وهل تعود به أيامنا الأُول

المشاركة أعلاه مني ووردت عن طريق الخطأ بإسم صلاح فمعذرة

يا ابو الزهور انت وصلاح روحان حللنا بدنا
رد الله غربتكم جميعا ايهو الاحبة

يا ابن عمي قول لينا ارسل لينا اسماء البرالمة عشان نتخيلهم بجعروافي العيد

هو تاري العيد ده مشغولياته كتيرة للدرجة دي لمن الناس بتخش عن طرق الخطاء

البرالمه ناس سنه اولى وسنه تانيه غربه كتار وديل هم البجعّرو يا ابن عمى

اخوي ول نوية انت في سنة كم؟

انا غايتو عارفو فى سنه كم لانو يوم سجلو انا شفتو لكن خلى يقول ليك براهو

نعم طارق صلاح صنو نفسي وشق روحي وأنت كذلك ..

حقيقة قمة الالم ان ياتيك العيد و انت بعيد عن اهلك و عشيرتك , العيد هنا لا طعم له لان هؤلاء البشر يتمتعون ببرود قاتل , و حيث لا عيد لهم غير النوم و الاكل.

الغربة بكاية دموع تمشي ودموع جاية

هوى محمد(عيثى) ابراهيم عيد الضحيه فى السودان لحم وشربوت ونوم بس اكل ونوم نومك يا اخوى

يا ابن عمي زمان ونحن في الفريق وكت البهيمة تموت بيجوا اهلنا الشلك بياكلوهة وبعد داك بيغنو: مريسةب لحم نضوق ليهو طعم

بكرة في ابو جبيهة شربوت ب لحم نضوق ليه طعم

بالهناء يا ابن عمى بالله اتذكر اخوك لمن تمسك الخابور الكبير القاعد فى الصحن على يدك اليمين