اجمل واشهر الطبخات..في الحباك!!!

يا دكتوره شكلك كده دايره الرجوع للسودان ساكت 00فى مثل بقارى بقول (شراب اللبن بدبو ليه بالبليله)

ول نوية المبدع ...ياسلام علي الكلام الجميل ...
السوسيو وقع في الزير
والخماره ليها هدير

شكراً كتيييير بس تاني مع الكسره الجاهزه في السوق مابنسمع هدير خماره ...

تحياتي ...

والله يا غريق اخوي هي دورة نصاح
محمد اخوي شفت البليلة البتستف دي دي النفسي فيها بس قصيدتك ارووووع

زهير اخوي وين بكانه تاني مع التكنولوجيا دي؟!!!
تسلموا كلكم

عزيزتي والله ماعايزة امط الموضوع طويل لكن اتفاجاة بيك ويدابي اليلة قرت الحاجات الحلوة دي وهسا ما قادرة اركز اعمل شنو لي الغداء الله يستر الاولاد وابوهم يجو وما بلقو حاجة جاهزة غايتو الا كان اطلب النجدة منك ....يديك العافية والله ...انا كنت قايلة نفسي ست بيت ممتازة لكن واللة طلعت مضروبة قدامك..

اللة يستر الاولاد وابوهم يجو وما بلقو حاجة جاهزة غايتو الا كان اطلب النجدة منك

والله انتي الاروع يا حبيبة وان شاء الله كان اكون قريبة ويكون لي شرف المساعدة واحتمال نجي قرريب جمبكم مشوار بالقطر السريع بس الموضوع عليه شوية.واكيد الخبرة عندك اكبر
تسلمي يا الغالية

نولع النار في الكانون الكبير وبعدين ننضف العشريف من ال"توب" حقه بلغة حناكيش الزمن ده وبعدين نرصه بمزااااااااااااااااج في النار وبعدين ندي راكوبتنا رشه بالموية الباردة ونرش الشرقانيات رشه رشتين وننادي الناس تعالوا يا جماعة العيش الريف ما يبرد وبالهناء والشفاء

سهاد حبيبتي ابقي في العنقريب الفيهو ال مخده داااك

اللة يا دكتورة والله دة جو احلا منة مافى والله يجمعنا بيكو وناكل اكلا امطويرات وبعد داك نتكى فى عنقريبك دة وديك يا ونسة ...بتمنى تجينا قريب ونتلاقى ونعمل لى بشرى اخوى دة الفطور الما خمج ...علا لقمتك وملاحة البيج دة تمسخ الاكلنا كل يديكم العافية يلا ابقى ماريق يا اخوى ولم اخيانك واخياتك واعمامك وانا والدكتورة جاهزين تب مافى كلام

تسلموا اشرف وسهاد
والله انا ما برايّ مشتهية اكلات الحباك ولمة الناس "ناس المحلج "
اللهم امين يا سهاد يا ختي تعبنا من الغربة الله يتم لينا ساي نرجع ياختي
اشرف ملاح الروب او النعيمية كل الحاجات متوفرة لي الدكوة في, بس العصيدة ما في دقيق عيش الناس ديل ناس رِز ساااي
ربنا يرد غربتنا جميعاً

والله شهّيتونا العصيده والملاح البيج.
ابو الشوش يا اخوى بت خالك دى كان ما مسحت البوست دا بترفع ضغطها.
سهاد سامعه (طقطقة) عيشريف الدكتوره فى الكانون....خلى (الشلاقه) ما تقلبى لسه ما (نجض).
دى شكلها واحده من اتكاءات الحبيب ابو علياء

بصدقنى يا عوض السيد يا اخوى لو قلت ليك سامعة الطقطيق وشامة الريحة كمان عشان كدة جوعت وعايزة اقلبة سريع سريع ...واللة يا الدكتورة كان عارفاك كان رسلت ليك من الدامورقة العندى دى واللة عاملها سهام عبد الغفار بيديها وطبعا انا بشيل بس شوية وبلخبتة مع دقيق البلد دى عشان ما تكمل منى ..رايك شنو اخلى منها عشان نعمل بيها فطور اخوى اشرف بشرى دة ؟

الله يعينك انتى واخيتك قاعدين ليكم فى بلاد طيرها عجمى(انتو الودّاكم هناك شنو؟)

والله يا ول نويه اخوى السفر بالبر حساباتو بقت معقده عشان كدا امكن بالجو وامكن pass لكن العيال لازم يمشو البلد وأنا ألحقهم بعدين.....بس حتى الان لم تتضح الرؤيه(دعواتكم يا أهلنا)

انتو الودّاكم هناك شنو؟)

الله يعين الجميع على نيل الأهداف لكن يا دكتوره كان تستفيدى من فترة العباسيه الثانويه والداخليه وتشيلى (مقرونك) مليان خيرات وكدا يكون أىّ حاجه فى غرفتك made in Sudan الا الغرفه نفسها

امييييييييين يا ول نويه.
بس كلم لى ابوعبدالله يمشى الحرم مخصوص يدينا دعوه كاربه.

صحن العصيده ده يا اشرف بجمم الريق 00ملاح روب كارب

غريق أخوي معزوم معانا.. ترانا منتظرين لي هسة ما جانا ...حرك الجماعة ديل ..شايفهم لابدين؟؟؟ ..

جاياكم العصيدة ومعاها الشئيرية المدنكلة كبينا فوقه الزبيب وجوز الهند
تنفعكم ان شاء الله يا اشرف وغريق

يا جماعة هوى كان دايرين ترجعوا السودان ورونا ساى

كلامكم كتر عن الاكل السمح و بعدين ما فطرنا لحدى اسع ياخ.

ارجعو للسياسى لانو الاكل دا هنا الناس بقت الا تتزكروا

تحياتى

يا فيصل اخوي ده كلام شنو "إلا تتذكروه؟" شيلتني هم علي العلي يا اخوي
عليك الله الحاصل في البلد شنو والناس قادرة تأكل وجبتين ولا بقت واحده بس مع قبايل رمضان؟
إنا لله وإنا اليه راجعون.............
--------------------------------------------------------------------------
ول ابّا نوية اخيتك قربت الحمدلله السنه الدراسية في نهايتها خلاااااص وبفضي ليكم وللرياضي إن شا ء الله الكريم

مشكورييين قبلتوا الدعوة بتاعت العصيدة والشئيريي

د.احسان انا بتكلم جد بالمناسبة و الله زى ما قال فرعون بعد سنة الا

تشوفونى بالمايكروسكوب Deminishing بشكل خرافى خالدة بتى بقت اطول و اعرض

منى يعنى الى زوال.

فى جماعة كدة بقيت الا اسمع اصواتم حتى اعرفم.

حليل ايام زمان زى ما قال اطرش كرن ايام البصلة بقطعوها بالقدوم

و المنشار.

تحياتى

مووووبااااااااااااااااااااااااااااااااالغة يا محمد اخوي
الله يديك العافية

طريقة سهلة وبسيطة لعمل الايسكريم

المقادير

1كوب من اللبن

1كوب من السكر

1كوب من فاكهة الموسم

2صفار بيض

2ملعقة من النشا

2عصير ليمونة
طريقة التحضير
يغلىءالفاكهة على النار مع نصف كمية السكر ويضاف عصير الليمون

تغلىءاللبن مع باقى كمية السكر ويضاف النشا بعد ان يذاب قليل من الماء ويضاف الفانيليا

وبعد ان يبرد الخليطان يضاف البيض يصفى ويترك بالثلاجة لليوم الثانى وبعد يوضع بالماكينة المخصصة للصناعة

الايس كريم حتى ينعم ويتماسك وبعد يحفظ بالفريزر داخل وعاء بلاستيك

اما فى عدم وجود ماكينة ايس كريم يوضع الخليط داخل الفريزر ويقلب كل ساعة حتى ينعم ويتماسك

[align=right]ملحوظة هامة[/CENTER]---------------
فى حالة الحصول على ايس كريم فانيليا يحذف عصير الفاكهة وعصير الليمون ويتم عمل باقى الخليط وفى حالة الرغبة

فى الحصول على ايس كريم شيكولاته يمكن اضافة نصف كوب كاكاو للبن اثناء الغليان









أها يا ود ابّا نوية وانت رأيك شنو مع القايلة كدي ؟

ول نويه اللقيمات مبالغه والكوفتى ده داير ليه زول جاء من الزرع00وشكرا يا دكتوره علمتينا صناعة الحاجات البتلقلق دى حسب قول اخونا الشيخ ابوشلش

تسلمى يا الدكتوره والله الايام دى عندنا سخانه شديده خلاص وايسكريم بتاعك ده مريح خلاص ...فيصل يا اخوى ما تقطع قلبنا يعنى نجى نجيب معانا ايسكريمنا وبسكوتنا زى ما قالت تاتشر ولا شنو ...علا يا الدكتوره اخيك ودالبشرى ده ما منتظر الفطور ابقى مارقه ...اخوى ود نويه والله شاهيك وليقيماتك ده يخلى الواحد ينوم مفتح عين ومغمض عين بتين الصباح يصبح عشان اشرب الشاى واكل اللقيمات ... يديكم العافيه

فيصل خليل حتيلة كتب:كتب:

د.احسان انا بتكلم جد بالمناسبة و الله زى ما قال فرعون بعد سنة الا

تشوفونى بالمايكروسكوب Deminishing بشكل خرافى خالدة بتى بقت اطول و اعرض

منى يعنى الى زوال.

فى جماعة كدة بقيت الا اسمع اصواتم حتى اعرفم.

حليل ايام زمان زى ما قال اطرش كرن ايام البصلة بقطعوها بالقدوم

و المنشار.

تحياتى

عفواً طولت من البوست وربنا يحفظها ويديهم ليك الصحة والعافية
وان شاء الله تسلم يا زول من كل شر
وغايتو اطرش كرن موباااالغة دي بصلة ولا شجرة
مشكوووور

Suhad Abduelgfaar كتب:قالت:تسلمى يا الدكتوره والله الايام دى عندنا سخانه شديده خلاص وايسكريم بتاعك ده مريح خلاص ...فيصل يا اخوى ما تقطع قلبنا يعنى نجى نجيب معانا ايسكريمنا وبسكوتنا زى ما قالت تاتشر ولا شنو ...علا يا الدكتوره اخيك ودالبشرى ده ما منتظر الفطور ابقى مارقه ...اخوى ود نويه والله شاهيك وليقيماتك ده يخلى الواحد ينوم مفتح عين ومغمض عين بتين الصباح يصبح عشان اشرب الشاى واكل اللقيمات ... يديكم العافيه

أها يا اختي البسي التوب وابقي مارقه
هههههههه
تسلمي يا غالية

شكرا د. احسان

طولنا منك و من اكلاتك الحلوة و بعدين البوست دا لو ما حركتوه شوية

الايام دى رمضان حيركوا و فى رمضان ( كيكى تكلم كاكا )

يديك العافية و سلمى لى على الصينية الجنبك دى بالرطانه بتاعتم.

تحياتى

كيفك يااخ بارتيز اخبارك شنومع الشغل والغربة قاطع اخبارك
تقبل سلام كل الاسرة

طبعا الايام الجايه التقليه والنعيميه وسلطت الروب وامعجينى دى بتكون سيدات المائده الرمضانيه 000ونرحب بtagwaفى المنتدى

حاضر يا فيصل اخوي ما عندك مشكلة نسلم عليها طوالي وبنترجم ليك


سلامات ياأخت اخبارك شنو وكيف استعدادك لرمضان ؛عاملة مقطوعية شديد
وشفتي مع رمضان ده البوست بتاعك ده يومي حيكون مسخن و نربطك مع السودان يومي نجيب ليك صينية حلو مر ؛ابري ابيض وكركدي ولو دايرة بليلة لوبيا ذاتا نجيبا ليك
والله الحمدلله يا محمد اخوي بخير دعواتك بس مع الايام المباركات ديل عسي ولعل
وشكراً لحاجات رمضان ما قصرت معاي

والله انت متقريفة قريفتي معاك ناس المنتدى ... انشاءالله ربنا يرد غربتكم

والله انت متقريفة قريفتي معاك ناس المنتدى ... انشاءالله ربنا يرد غربتكم

قريفت نصاح هي لكن!

غايتو يا ود ابوي مبالغة فكة الريق
ملاح الخدرة المفروكة يا سلام تقدر تقول سنتين بالتمام والكمال ما اكلته

معليش جيت متأخر وفاتتني اكلات اشكال وانواع وكمان الوان بس يا دكتورة في اكلات اوووووووووول مرة اسمع بيها وطلعنا ما جابين خبر
واول ما تجي البلد دي بتلقي الحاجات جاهزه وطواااالي على المطبخ

علي العين والراس والما جاهز "نعصر"ليك القريشات تجهزوا وطوالي المطبخ بس قول يا رب نجي

ما ظهرت يا محمد اخوي الصورة الا تنزلها تاني