تخبط الارباب يشتت الشمل.... استقالات بالكوم

تفجرت الاوضاع داخل اعضاء مجلس ادارة نادي الهلال امس بصورة واسعة حيث تقدم الفريق شرطة محمد عبد الملك الطاش نائب رئيس



مجلس ادارة النادي والاستاذ المحامي عماد الطيب محمد صالح باستقالتيهما واصدرا بيانا بذلك واكدا بانهما سيقومان بستليمها للمجلس ونسخة لمفوض الهيئات الشبابية نهار اليوم .

هذا نص البيان

الي جماهير الهلال الوفية

بعد ان تربع النادي علي عرش بطولتي الدوري الممتاز وكاس السودان وبعد الانجازات التي تحققت علي المستويين العربي والافريقي وبعد انقضاء فترة التسجيلات بحمد الله وتوفيقه وبعد الاطمئنان علي كل ماتحقق وبعد التاكد من انها الفرصة المثالية لوداع جماهير الهلال نتقدم اليوم باستقالتينا من مجلس ادارة نادي الهلال شاكرين الجميع علي تعاونهم ومؤكدين علي ان نادي الهلال في ايد امينة قادرة على المضي به نحو الغايات المنشودة متمنين للجميع التوفيق والسداد والله من وراء القصد وهو المستعان.

الفريق شرطة محمد عبدالملك الطاش

الاستاذ عماد الطيب محمد صالح المحامي


من جانبه قال الشاذلي عبد المجيد عضو مجلس ادارة نادي الهلال بان وضع الضوابط في الهلال لم يعجبه واجبره علي التقدم باستقالته من مجلس




ادارة النادي مؤكدا بانه سيتقدم باستقالته في الساعة الحادية عشرة من صباح اليوم في مؤتمر صحفي يكشف فيه الحقائق وكل الاسباب التي دعته لذلك .

وقال الشاذلي ان مجلس الهلال لم يجتمع منذ دخولي مجلس الادارة مشيرا ا ن اعضاء المجلس في الهلال اصبح دورهم لا فرق بينهم والمشجعين وهذا ما لا ارضاه لنفسي كشخص احب الهلال والذي دخلت المجلس لخدمته

الود عامل فيها ابو عرام لمن الجماعه كرهو ليك
يا ول نويه عليك الله اتصل فى دكتور كوبانى خلى يعتمد صلاح ادريس ملحن لكل قصايدو بتاعت ندى القلعه
قال هلال.... قال ارباب.... قال هوت....يله بلا مقابر أحمد شرفى
...هيييييييييييبه يا ولدنا .........
ناس جارين ليهم وناس جارين منهم
فرق يا ابو مصطفى.

هاهاهاهاي بدينا من هسي الله يكضب الشينة ياعوض

بعد دة كل ياعوض السيد رئيسنا الارباب دايرنو واي زول يمشي من الهلال في غيرو الهلال مابتاسر بفلان اوعلان ومنو القاعد يدفع غير الارباب والهلال مشي منو البابا احسن رئيس مرة علي الاندية في السودان تاسر بشيء ياهو ماشي شوف ليكم حاجة غير دي وين الدافي.دمتم

فلس يا عسل هو الأرباب عندو شنو عشان يدفعو... ال10% الأداها ليهو بن محفوظ كملت زمان وباقى شويه بس من قريشات تعويض مصنع الشفاء
يقعد يتنطط براهو لمن طفش الناس منو.
أنا بقترح تجيبو الكاردينال عشا يجيب ليكم قودوين يا(قشطه)

ياعوض هو قودوين فضل فوقو شقل مالحق طمبل من زمان لنك الهلال اثر فيه.وبعدين الارباب قروش مستشفي المستقبل براها تكفيهو واسال ول نوية من ذلك.دمتم

أخير ممن يسرقون أقوات الشعوب والهلال رجاله بالملايين ... والحمد لله فيهو ناس بيقدروا بيقولوا لا لكن الوالي بيقول الماعاجبو يشرب من البحر الأحمر ومافيكم راجل بيقول ليه لا والهلال فيه من يقول لا وعماد والطاش الهلال عنده كتير زيهم وبعدين لو الأرباب صاحب وتر أحسن من البتاجروا بالدين من أجل الكورة.

لو صحي في ملايين كان سوو شئ وماشفانا غير الميدان العامل زي الزرع الفيه العلف وماكبرو منه وغير الشيكات المرتدة غايتو جنس فلس يااهلنا ناس بستقيلو بالجملة بكونو مرتباتم بتاعت السنتين ماادوهم ليها حرام ياناس حاولو ياناس لمو البيت قبل المطارق الفضلت دي يجي هواء يشيلها

أووووووك
والله البيان دا خطير
وحقو نعملو ليهم نفير
عشان الهلال ما يطير
لانهم سجلو المواسير
ونلحق نغلبهم كتير
ما كتير كتير
عشان الارباب مايصير فطير

حفرة الدخان إنتو فزيتو منها وتشاءمتوا بيها أما التخبط فيكفي شطب الشغيل وإعادة تسجيله بعد48 ساعة والله دي في أبوجبيهة ماحصلت أم المواسير الوالي قده ليه قرعة بيشحد بيهم في الإعارة وبكرة لمن الحكم يقول تيت كروووومي والشغيل بجروا جري العفاريت .. وبيرقصهم الوسيقار عمر بخيت أما سادومبا يكون الوقت داك دق الزمبة وخلى كروومي يرقص السٌّمبا

هذا شئ اكثر من طبيعى يا اخوة و البيئة الديقراطية تحتمل كل هذه الممارسات

أين حسن عبدالسلام و كم عدد المرات التى تمرد فيها ابوجريشة و ذهب الى اديس؟

المسألة عادية و الهلال لا يتاثر بغياب ادارى او لاعب لان المخزون الاستراتيجى

بخير و لا تقلقوا ايها الاحباب عفوا ( ايها الشمات )

أكرر ايضا عليكم الانتباه الى فريقكم يا اخوان حتى لا يتكرر سيناريو العام

المنصرم و تحصدوا الندم!

لكم التحية.

نحن بل واى كيان رياضى أو سياسى أو اجتماعى لابد أن يكون به ما يقصّر الظل الادارى.... لكن زى (الهبتلّى )دا ما سمعنا بيهو.
تدير الفريق براك.... ما تعمل اجتماعات..... ما ترضى تكون مجالس مساعده.... انت قايل نفسك مدير(مركز شباب السجانه).
بعدين النكسه هذه السنه انتو أولى بها لأن عدم الاستقرار الادارى المصحوب بمعارضه شرسه بودّيكم فى داهيه ونحن ما بنسكت عشان كدا أحسن تتخلّصو من الملحّن دا

صباح الخير اهلنا الطيبين
بالله ياعوض السيد الناس دييل تاني فضل فيهم زول بعد شوية كلهم بقدموا استقالاتم كلم بالله اهلنا ناس قطر يشوفو ليهم فريق يشجعوهو مثلاً قول ليهم امشو شجعو هلال كادوقلي او هلال الابيض