امسكو العجب

نقلا عن صحيفة المريخ اليوم

بعد ان اخل الهلال بالتزامه لسيون
الأربعاء, 20 يناير 2010 08:08
المريخ يتدخل بقوة ويحول وجهة يوسف محمد

في تطورات جديده لقضية يوسف محمد تدخل الزعيم بقوة مساء امس في صفقه اللاعب واقترب من شراء كرته وتحويل وجهته الى القلعة الحمراء..
وتحصلت الصحيفة في وقت متأخر من مساء امس على التفاصيل الكاملة للتدخل المريخي في الصفقة حيث علمت ان نادي سيون كان قد امهل الهلال حتى مساء امس لارسال المبلغ المتفق عليه مع النادي السويسري ولكن الهلال طلب فرصة اسبوع لارسال مبلغ الصفقة الشئ الذي لم يوافق عليه النادي السويسري ووكيل اللاعب وفتحوا ابواب التفاوض مشرعة مع المريخ ليتحرك المريخ على جناح السرعة ويرسل مندوبه الى المغرب للتفاوض مع وكيل اللاعب الذي اعطي النادي الضوء الاخضر بموافقة من نادي سيون .. ومن المتوقع ان يكون العقيد صديق علي صالح موفد المريخ قد طار مساء امس الى العاصمة السويسرية لوضع اللمسات الاخيرة من الصفقة وفي حال اكتمالها سيشتري المريخ كرت اللاعب ويقوم بتقييده رسميا في فترة التسجيلات التكميلية.انتهى قول الصحيفة
ارجو الرد بحكة وعدم التهور حتى لا نسمع ضجيجا بلا طحين


(الله يكضب الشينة يامعشر الصفراب...)

قاعد تلقط فى الشمارات يمين و شمال زى المرة الطلقوها.

يوسف محمد تشموا قدحة يا صهاينة.

ما قلتوا ماسورة و الفيه اتعرفت!

الله يديكم الفى مرادكم

يبدو أن المريخ حمى يوسف طلعت ليه في راسو وكما قال فيصل خليل خلو بالكم من فريقكم والهلال بينو وبينكم الملعب مشكلتكم بتسجلوا لفريقكم مش برؤية فنية ولكن برؤية الهلال لفريقه دون النظر لحاجتكم واللاعب أبدى الرغبة للهلال وعن طريق وكيل أعماله من الفيفا وليس أبوضياف الذي طرده الهلال وكما قلت أنا يا الجنيد أيام وتنتهي الدورة الأفريقية ونشوف هل يوسف سجل للهلال أم سجل للمريخ وأجمل ما في تعليقك يا د. الجنيد أنك ضمنياً معترف بقيمة يوسف محمد بس عايزك تقول الكلام دا لود نوية أو عوض السيد لأنهم قالوا إنه ماسورة.

سلامات اهلنا الطيبين

وين صحبي ول قادم زاغ مالو الليلة بدري والله كلي شوق ليكم -اخوك كان في رحلة عمل ياقادم -وطبعا اول مادخلت لقيت كضبة لمن ختيت يدي في راسي معقولة يااهلنا ول قادم يقولو خردة ويجو اخوهو التاني يقول دايرنو بالله ارسو علي راي واحد يااهلنا بالمواسبر بتاعتكم دي ياقادم 0قال النفطي قال النفط الاصلي بقي مافيه فايدة لمن نفطيكي فضلة السعودية ده بالله ولي معك كلام كتير ياود قادم في هذا الكلام الله يجيبك الاسبوع الجاي
التحية والتقدير لكم

يا حبيبنا ود النوبة الماس ديل الدرب راح ليهم في الموية ونفطيهم ده صلاحيته منتهية يمين الا كان يتبخروا بيه
عليك الله ولد ابوي طقع ولا ماطقع

سؤال لود قادم وكل المريخاب ؟وين جدنا العجب سيدو والماسورة طمبل وبتاع الاربعين جلدة القلبم يسوو ليه شنو دا ماعارفين وقال نفطي قال وده ياود قادم فضلة سعودين يعني ما فضلة خواجات القلتوانت- واقول كلمة ياود قادم فضلة الخواجات ولا فضلة الجماعة القاعد معاهم انت ديلك
الله يجيب الموسم ونشوف الكِرتْ بتاعنكم دييل
التحية لكم -

انتو لو عايزين يوسف محمد أدو الناس قروشهم..... لاعب بالدين مافى.... وكان ما عندكم نحن جاهزين

ضحكة طبعاً ياود النوبة -الرد سيكون معلق الي حين وصولك
التحية لك