الزعيم يتلألأ وينذر المتوهمين بأقوى العروض(كفر ووتر)

الى ذلك انتهت قبل قليل مباراة المريخ وهلال كادوقلي التي استضافها هلال كادوقلي بفوز المريخ باربعة اهداف مقابل هدفين ، المباراة شهدت احداثا مثيرة ابرزها طرد لاعبي المريخ ايداهور واستيفن وورغو على مدار الشوطين ، قدم المريخ اداء جيدا توجه بهذا الفوز الكبير رغم النقص العددي ، احرز اهداف المريخ ايداهور والنفطي ( هدف عالمي ) ولاسانا من ضربة جزاء وسعيد السعودي نجم المباراة الاول ، فيما احرز لهلال كادوقلي طارق مختار هدف في مرماه وراشد حمدون

أول حاجه العنوان من عندى أنا..... والنص جزء من مقال مشترك من مباريات الأمس فى افتتاح الدورى الممتاز.
*أولا طمأن المريخ قاعدة الصفوه العريضه بأقوى العروض واكتسح هلال الجبال برباعيه ولا أروع.
*ثانيا لعب هلال الجبال بالنار عندما اقتلع نقطه ثمينه من الزعيم فى دورى العام المنصرم وهاهو يقبر فى عقر داره كما أقبر من سمى عليه بالخماسيه المازيمبيه الأصليه.
*ثالثا ولدنا النفطى أجبر الصحافه السودانيه المحايده ان تسمى هدفه (هدف عالمى)..... سجمكم.
*رابعا أولادنا سمعو الكلام ونفّذو المطلوب وكان لهم ما أرادو.
*الجمهور استمتع أيما استمتاع ولعمرى سمعت صيحات الجماهير بأذنىّ عبر الأثير عندما كنت حضورا بالتلفون مع الأخ زهير حسن السيد وهو داخل الستاد.
*التحكيم (بدأ الاستهداف علنا).

لا تعليق يا عوض السيد والله لا الهلال ولا المريخ حتى هذا اليوم لم يقدموا أي شيء ولو هذا حالهم وحال دفاعهم كل فريق يدخل فيه أنسى حاجة اسمها البطولة الأفريقية والتعلل بأن الفريقين في بداية الموسم هو تخدير وسوف أذكرك هذا الكلام الهلال والمريخ بيلعبوا من غير مدافعين يحملون كلمة مدافع عادي بما فيهم الحراس.

أستاذى العزيز الفضل.
مع اخترامى الشديد جدا لوجهة نظرك ولكننى لا أتفق معك لأننى أرى غير ذلك وهو الاتى.
* أولا عامل الاستقرار يعد من أهم العوامل التى تساعد الأنديه الكبيره عموما فى تحقيق نجاحات على المستويين المحلى والخارجى.... وأظنك تتفق معى بأن اخفاق المريخ فى منافسات العام المصرم محلية كانت ام خارجيه سببها الأساسى كان عدم الاستقرار(وأعنى بعدم الاستقرار كل ما معناه مقومات للنجاح فى مسيرة النادى)
*عليه أنا وعلى حسب متابعتى لمجريات الأحداث أرى أن المريخ تعافى تماما من وعكة عدم الاستقرار الذى لازمه العام الماضى لذلك فى نظرى هو مؤهل بكل المقاييس بالذهاب بعيدا فى المنافس الافريقيه الحاليه.
* أما الهلال وهذه وجهة نظر شخصيه بالطبع لا ادافع عنها لا جديد يذكر فيه خاصة بعد اخفاق مجلس ادارته فى التسجيلات الأخيره.... يعنى الهلال هو الهلال الذى تابعه أنصاره العام الماضى ..... وأنا لا أجزم على ما سيحدث ولكن صاحب العقل يميّز.
لك كل احترامى وتقديرى استاذى الأزرقانى الملتهب (ابو مصطفى)

شفت يا عوض السيد عمنا ياداب اعترف بانهم ماعندهم دفاعات هو بالله ياتو يوم عندهم دفاعات بالله من دفنت مازمبي مايعترفو انهم عندهم شوارع ظلط ماشافو ناس موبوتو الواحد بجي ماشي في ناس التعاون بنمرة خمسة

كامبوس اضرب من التدريب ونزل من البص في الشارع عايز اعرف السبب شنو يانوية وعوض السيد

ود النو هسه انا مستعجل طالع بوريك السبب بكره.
ول نويه مازيمبى شال كاس السوبر ورسلو للهلال يقشر بيهو لمدة اسبوع

حتى المريخ يا ود نوية ما عندو دفاع بدليل أنه ولجت شباكه ثلاث أهداف في لعبتين تنافسيتين وفي دور التمهيدي (الدور ال 64 ) كيف يكون الحال في دور ال16 ودور ال8 مازلت أقول المريخ ليس به حاس مرمى ولا باكات ولو شفت هدف سانت جورج سوف تقتنع .. صدقني لا يمكن أن أدافع عن الهلال وهو سيئ الفريقان لا يملكان أي مدافع وحتى المعز أصبح اللاعب الأضعف في دفاع الهلال ( حركته تقيلة) أنا حارس مرمى أعرف ذلك لقد زاد وزنه بشكل كبير وواضح أم حارس المريخ والذي دخلت الكرة بين أرجله ودون أن يخرج لمقابلتها في ماتش سانت جورج كفيلة بأن تبعده عن مرمى المريخ كحارس .. وستطلعك الأيام على صحة ما أقول

كامبوس مشكلتو الملحناتي ما قدر ياجر ليهم عربية كركوبة توديهم استادهم يعني بالواضح كدة كلامو ليهم: الداير يدقها كُدر الله معاهو بالله دي حالة يامحمد اخوي؟الله يستر المحليين السنة دي!!!

وبرضو ما تنسى بدون المدرب وهذه الحادثة المربكة والتي لا نبرئ منها مسئول الكرة بنادي الهلال .. وبرغم ذلك منهم من أتى على موتر ومنهم من أتى على أمجاد وانتصروا ولكن الذين أخدوا الملايين من الدولارات وانطردوا وبالمناسبة وين الود طمبج حضن الكنبة وقعد!!!

عمنا فضل لك التحية...
والله شوف عين عديل ...الاخدوا الدولارات ..لعبوا بس نعمل شنو مع النجومي ...الذي وصل به الحال يهاتر اللعيبة ...ويقول ليهم الراجل يلاقيني بعد الكوره...برضوا بتقولوا عملنا التحكيم شماعه...

من قال ذلك ربما النفطي لأنه في السعودية قال الحكم قال ليه يا أجنبي ...ومسألة المهاترة دي وردت من المريخاب ومنكم يقولوا أي حاجة وإذا كان هذا ظلم ياابني زهير فماذا يكون الهروب ب 50 مليون دولار من نائب رئيس المريخ أليس هذا بظلم ؟؟ أليس لهذا الحكم حق في هذا المال المنهوب؟؟ المريخ لو ما رفع يده من المال العام لن ينصلح حاله ووارغو عايز يقرف المريخ حتى يغادر وصرح بها من قبل.

اسمكونا بيها لحدي اخر الموسم ...بس خلاص نهب المال العام وقف علي نائب رئيس النادي ....

المال السايب بعلم السرقة

ارجو الافادة عايز ارف خدورة ام بشق ده منو عشان الواحد يكون على علم

المسألة يا ابني يا زهير أن من ظلم لا يسقط أن يزوره الظلم مرات ومرات ..خمسين مليون لو قسمت على الشعب السوداني حتى ولو جنين في بطن أمه يكون نصيبه اكثر من دولار فكم يكون نصيب ملايين من الهلالاب ؟؟ ومسألة أنه ليس أول أو آخر من سرق ذلك لا يبرر أكل مال المساكين.

يا جماعه المال مالنا جبناهو من استثماراتنا وادارتنا الرشيده.
محمد النو الحافله ما اتعطلت بس ما كان فيها بنزين والارباب قال لكامبوس كب ليها بترول بعدين بحاسبك(ليه هو قال ليك عوير هو الأرباب لو قادر يسدد لكامبوس حق البترول كان أدّى امولادى حقو وسجّل يوسف محمد(هاك الهوت دا)

عوض الجماعة مادفعوا حق الانطون كمان

طيب لو ماعندو حق البانزين طالعين ليه كان ينسحب ياعوض بنزين وله بترول حاسب في المطلحات ماتلخبطنا

محمد أخوى الجماعه فقدو القروش وفقدوا المنطق ما شايف الهضربه دى كيف

خمسين مليون دولار طيب لونهبت من الدولة طيب ناس الهلال ما قادرين ينهبوا بظوفم القال ليهم يضيعوا مستقبلهم منو

خلي بن زرقان يفتحوا باب التبرعات في المفخرة ونعمل الاعلان في الصدى ومزمل يعلن ليهم في كبد الحقيقة

يا محمد النو أرسى ليك على بر كلامك هذا يناقض ماكتبته أنت في المنتدى السياسي ولاَّ الصلاة خلف عليٍّ أقوم وطعام معاوية أدسم ... سيطرش المريخ هذه ال 50 مليون دم أحمر من بطنه ودونكم الأيام

انتو الخمسين دي دايرين بيها شنو دى خاصة ونسجل منها علاء الدين يوسف وكمان فسخ عقد عينك عينك وكمان المعز اخاف يكون ماسورة