هذا هو حالكم يا فقيداب

اثار البرازيلي باولو كامبوس المدير الفني لفريق الهلال لكرة القدم طالبت جماهير النادي امس عندما رفض مرافقة الفريق للاستاد بعد تعطل البص الذي كان يقل اللاعبين امام جامعة النيلين وفضل المدرب البقاء بفندق روزا بارك متعللا بتاخر الوقت بعد ان قامت دائرة الكرة بالاستعانة بحافلتين لتوصيل اللاعبين الي الاستاد ،وكان كامبوس قد ابدى اعتراضه على عدم جاهزية ادوات الفريق باعتبار ان اللاعبين يجب ان يتوفر لهم باصا مريحا ليقلهم الى الملعب سوالء للمباريات او التمارين ، ورغم ان كثير من جماهير النادي التي حضرت للملعب استنكرت التصرف الا انها طالبت مجلس الادارة وادارة الكرة بوضع حد لهذه الهنات الادارية البسيطة التي كان من الممكن ان يفقد الفريق بسببها نتيجة مباراة الامس .


يا جماعه الملحناتى حتى حافله جاهزه ما مكعكعه ما قادر يوفرها للاعبين.
الزول دا كان ما داير يتخارج ما تخارجو بالبوليس.
قال يوسف محمد..... لمن تدفعو حق المعز وامولادى وتشتروا ركشات توصلو بيها اللعيبه بعدين فكرو فى ابويعقوب.
قال ايه.... قال (الهوت).... هاك الدافى دا.

اخوي عوض السيد لك التحية والله انت وول نوية كلامكم بيوجع جوه القلب ياخي ما تكبرو الموضوع وتخلقو من الحبة قبة شنو يعني لو بص اتعطل يعني مافي قدر اصلو ومن مباراة واحدة رفعتو فريقكم السماء ونزلتو سيد البلد لاسفل سافلين يعني مامعقول الدوري في بداياتو ادوها صنه شويه وخلو الحكام في حالوم
بس بيني وبينك رايك شنو في اطراف الهلال؟

طبعا يااخوان البدايات دائما بتكون متعسرة لان الدوري واقف اكثر من شهرين المهم التلاتة نقاط,وبعدين الاقدار مع الناس يعني شنو طعطل بص بكرة نجيب بدله حتي لو حافلة كوستر,سلملي علي وارغو

طبعا ياعوض السيد الملحناتي ورط كيف؟ هو بالله لمن ماقادر يوفر حق البص المطالعة شنو؟ طيب مالو لو كان كلمك ياعوض السيد تجيب ليه عربية عمنا عقرب تجي تودي ليه جماعتو؛ودي هينة وبعيدن بمشي ساحل العاج بي شنو؟

ياول نوية الايام دول ماذا انتم فاعلون بعد الانتخابات(وداع الوالي)

أحييكم يا شباب........... حيدر والله ضحكتنى لمن قلت كلامكم بيوجع جوه فى القلب....... لكن ياخوى انتو قاعدين توجعو قلبنا زاتكم عشان كدا لما نلقى فرصه ما قاعدين نضيعها.
ول نويه ساحل العاج دى بدبروها لكن تانى مدنى- كادوقلى-عطبره-بورتسودان وبالعكس..... الطيارات دى يخلوها لأهلها بس.
فلس امبارح متهرب منى قافل تلفونك مالك خلعك قون النفطى ولا شنو

والله يا ود نوية خليتنى اقهقه،،، خير سلف انتو سلفكم منو عليك الله قريش ولا ابوكريشة. قال سلف قال.والله بعد الوالى يمشى الكرتونة بتظهر تانى فى المدرجات ..

سلامات للجميع الاخوة الاعزاء محمد قادم عوض السيد مشتاقين ؛شنو الغيابات دي نجي مانلقاكم
مع السلامة المساء كان حيين بنتلاقي
دمتم

كلنا والى.... والوالى كان بقى رئيس جمهوريه بيشتغل من خلف الكواليس..... ما خايفين من حاجه أمورنا مؤمّنه

بثمانيه لاعبين فقط كسبنا النتيجه بأربعه أهداف.
وعندنا البديل الجاهز الما خمج لايداهور ووارغو.
والمرتشين فال الله ولا فالهم

اولا ياعوض هم ماثمانية لاعبين بل هم تسعة لاعبين طردو ايداهور وطردو وارغو ولاالحارس مامحسوب واذا رجعنا الي الورا قبل كدة هلال الساحل بثمانية لاعبين هزمكم, تسلم

ثمانيه يا فلس لأننى أعنى لاعبى الملعب ولا أعنى حارس المرمى......... انت ناسى الود كان حكم ولا شنو.
ما قلت لى ليه اتهربت وقفلت تلفونك (عالم جبانات بشاااااااكل)
حبى يا ابو (عشّه)