ثلاثيه مريخيه تشيّع جثمان الفرقه الأثيوبيهه

تأهل مريخ السعد والكاش بالأمس على خشبة مسرح قصره المفخره على حساب نادى سانت جورج الأثيوبى بعد أن تأخر بهدف فى الدقيقه 35 من الشوط الأول ليعود وينتفض ثم يعادل فيرجح.
لعب الزعيم واحده من أروع مبارياته لما قدمه من فنيّات عاليه فى خطى الوسط والهجوم الا اننا نعيب على خط الدفاع بعض الهنّات التى لا شك ان سببها يعود الى عدم الانسجام بين اللاعبين الجدد الذين تم اشراكهم واللاعبين القدامى.
قدّم ولدنا عبد الكريم النفطى درسا بليغا فى الكره الحديثه من تمريرات سهله واختراقات خطيره وعكسيات بالمقاس.... هذا الدرس يعنى كل من استعجل وحكم على ولدنا النفطى الخطير.
طمنتنا يا النفطى الله يطمنك
ولدنا وورغو أدى مباراة ممتازه ولكن كما قال الرشيد المهديه فى الأستديو التحليلى (وورغو لاعب فنان الا انه غير موفق (ام كوم ليها يوم)..... ما زال المشوار طويل ونحن نراهن على ولدنا.
ايداهور الضبّاح أحرز هدف عالمى لا يحرزه الا مهاجم مرتاح فنيا وماديا..... هدف ايداهور يؤكد أنه فى قمة اصراره.
ولدنا القناص ميدو ....ثلاثه أهداف فى مباراتين ماشاء الله تبارك الله.
نحنا عبرنا بجداره واقتدار..... فى انتظار حبايبنا الذين نخشى عليهم من عواقب الدهر لعدم الاستقرار الادارى والفنى والتسجيلات الأىّ كلام.
*شن قولكم فى ولدنا النفطى.
*ثلاثه أهدف ملعوبه قمة الطمأنينه.
*الأقوان البتجى بالقدره والجرى والعضلات السنه دى مقدور عليها جوه وبره(هاك سادومبا دا).
*يا ربى حنكون برانا ولا حبايبن بتقدموا معانا خطوه واحده على الاقل.
هيبه وجبره
بحقنا.... دفعنا وجبنا لاعبين متّعونا (هاك الكشكوش دا).
الله يدينا الفى مرادنا

صباحات ابو السيد وحمد الله علي السلامة؛؛؛؛؛؛؛؛؛؛
مبروك للاحمر الوهاج التاهل مادايرين نتكلم كتير المهم تأهل وفي المباريات القادمة سيظهر بهيبته المرعبة

الاخوان
عوض , محمد
مبرووووك
المامول كان اكبر بس القادم احلي
مبروك لكل الصفوه
كامبوس وين

مبروك محمد نويه/منير/زهير/ود النو/الجنيد.
مبروك لكل الصفوه.
كامبوس فى القاهر من يوم الجمعه يا منير......
شايف الحكايه ما ماشه لقدام قال أخير يتخارج

الله يبارك فيكم يا صفوة والقادم احلي
وكامبوس يا ابو السيد البقعدو شنو؟حق الركشة ماعندو تقولي لي مايعرّد يمشي يشيف اكل عيشو وين يا عم

اتضح امس ضعف دفاع المريخ بالرقم من الفوز هجوم ضارب ياول نوية وعوض السيد والدفاع مكشوف ربنا يستر الايام الجاية
خدورة ام بشق قال الدفاع موية طلع كلامة حقيقي

انا لا اتفق معك يا ود النو.... دفاع المريخ فقط عليه ان يتدرب على التخلص من ازدواجية اللمسه داخل ال18 يارده وال6 ياردات.... واعتقد هذه مشكله تعانى منها كل دفاعات الأنديه السودانيه..... لو فطن كاربونى لهذه العله وعمل على تدريب المدافعين على التعامل مع الكره بلمسه واحده داخل الصندوق أعتقد يمكن أن تتلاشى هذه المشكله..... هذا فضلا على الوجوه الجديده التى دخلت تشكيلة دفاع المريخ

اولا ياعوض مبروك التاْهل لمرحلة سيد البلد قلت المريخ لعب من اجمل مبارياته وينو اللعب البتتحدث عنه ماتغشوا نفسكم اولا حارس مربوك دفاع بطي محاور مافعالة وهذا يزيد الضغط علي المدافعين وهذا سان جورج الغريق قدام وربنا يستر,سلام

صباحكم صفوة ...
التحية لك استاذي عوض السيد...والله الاولاد جاهزين ..وماخليت لينا حاجه نقولها..
وماك هوين سهل قيادك ..سيد نفسك ..مين اسيادك..ديل اولادك..!
وارفع صوتك هيبة وجبره ....
والقادم اجمل ...واحلي ...
دمتم..

شكرا يا زهير يا وهّاج..... أبارك لك ونفسى هذا الفن والطرب.
فلس أرجو ان تقرأ ما كتبته أنا بتركيز.
كما أرجو ان تسمح لى بأن أعزيكم فى الموت البطئ الذى ضرب فقيدكم فى مقتل.... وهاهو كامبوسكم يهرب بجلده من مقبرتكم المدمره.
مهما فعل الزعيم سوف لن تقتنعوا لكنها الحقيقه.

وين حنهرب منو وين
قروش وراحه نفسيه
لعب وطرب
اداره فى السلك
وتدريب ابولستك
هيبه وجبره
الله يدينا الفى مرادنا

والله انا كان ما زهير براغب فيني ساقول في الحبش ما لم يقله مالك في الخمر
في زول بيقول غلب الاحابيش والله ديل اكان لعبنا معاهم نحن ولن نلعب معاهم لأننا لم نراهم لنا كفاء
في عقر داركم طيروا من الفرح بغلب الحبش

تقليعتك رهيبه يا ابن عمى.
ماشين ابيدجان متين عشان نجى نقدمكم لأنو ما حيكون فى استقبال فى الرجعه

والله ياعوض السيد المريخ حبس أنفاس جماهيره لشوط كامل الهدف مادخل من لمسة ولكن مجمل المباراة حدثت أخطاء مثل هذه والرشيد المهدية حلل كذلك. المسألة مسألة ضعف إمكانات واضح لعيبة تعبانة والهدف أتى من محاورة أولا ثم قلشة من الباك الشمال والدفاع مامنظم ولا متفاهم في أكثر من كرة لولا لطف الله وكما قلت من زمن التسجيلات المريخ محتاج لدفاع كامل فقط سفاري هو اللاعب الواعي ولاتوجد حراسة ولا باكات ومتوسط دفاع آخر وكما قلت لك هذا دور ال 64 ما بالك بدور ال16 وال8 والمربع الذهبي!!؟؟
أقول الله يستر من القادم وهذا هو مستوى لعيبتنا في السودان المريخ والهلال حيسوا أيه

مبروك فوز المريخ بعيدا عن هلال مريخ خلوا هذا الشعب المسكين يستمتع بساعات فرح ولو كان من الاحمر الوهاج
مبروك اخواني عوض السيد المنير ول نويه ول النو الزهير د.الجنيد وكل الاخوة المرخاب
بس المشكلة مابخلونا في حالنا ولازم يجيبوا سيرة البحر

تحية حلوة من حيدر خليل للمريخاب هلالبي اصيل يفهم الرياضة مازي ناس ............ ؟

علي اليمين زروكم زرة واحدة شوط كامل زرة كلب في طاحونة والقادم أحلى ... أو أقول ليك يا ود النو والله الحبش زروكم زرة حرامي (هارب) في جقلو

يا محمد النو ما زى ناس الدقير

أشكرك حيدر على هذه الروح الصافيه.
أبو مصطفى.... كلامك فيه منطق فيما يختص بخط الدفاع..... ونحن نقول المريخ تسجيلاته كانت حسب الحوجه.... بمعنى انه سجّل مدافعين.... لكن كما ذكرت انت فى مجمل ما كتبت (فى عدم تنظيم وعدم انسجام)وهذا يعنى أن المشكله تكمن فى صقل اللاعبين القدامى مع الجدد.... وهذا فقط يحتاج لمزيد من التدريبات.... وصدقنى نحن مطمأنين جدا

تسلم عوض السيد المسأله انسجام ...وزمن فقط بيكون المطلوب ....بس الجماعة نخاف عليهم من الشتات ....والله يستر....