وبدأ الصراع الفني الإداري

رفض البرازيلي كاربوني الاتجاه الذي برز في اوساط لجنة الكرة بالمريخ بالاستعانة بمساعد مدرب وطني واشترط كاربوني بان يكون مساعده برازيلي سيقوم بترشيحه بنفسه .
جاء ذلك خلال الاجتماع المشترك الذي عقدته لجنة الكرة بالمدرب لمساءلته حول العروض المتدنية للفريق بالممتاز .
وسوف تقوم لجنة الكرة برفع توصية كاربوني لمجلس الادارة لاتخاذ قرار حول الامر.

بعد التحية والاحترام عمي ؛؛ح شايف تعليق وكلامك كلو بقي عن المريخ خلاص نسيتو الهلال زي ما الملحناتي هرب منو و نساهو يااهلنا اقيفو مع فريقكم ما اصلو الدنيا كدة يوم ليك ويوم عليك
وخوفي تسفرو ناس التعاون لساحل العاج بي شنو؟ مع انو سعد العمدة قالها عديييييييل ماعندنا قروش لوكان ساحل العاج قريبة ممكن تاجرو ليكم لواري تمشو بيها لكن المشكلة بعيدة ربنا يستر ماتقومو تعتزرو عن المشاركة ويقوم عمنا حياتو يوقفكم من المشاركة زي ماعملها لتوغو

قبل كده صلاح اداكم قروش لمن كمنوا مفلسين فيها شنو لو ادينونا بدل الشماته في الفقر!!
ايمانا بان الاهداف لا تاتي عن طريق الفلوس مصبرنا نشوف نتايج المقندلين!!!!

فلنكن منطقيين وعقلانيين فيما يصلح حال الانديه السودانيه التى يقود أجهزتها الفنيه الساده(الخواجات) اذ أن من مقومات نجاح الخواجه أن يكون بجانبه مساعد وطنى لاعتبارات كثيره من أهمها التعريف بالخصوم سواء كانوا محليين أو أفارقه لذلك لابد أن يرضخ كاربونى لهذا القرار والا عليه أن يذهب غير مأسوف عليه ونحن ما ناقصين سقوط فى الهاويات

مافي مشكلة ياعوض السيد محمد عبد الله مازدا موجود لك التحية

والله يا عباسي لو جيت للحق مازدا في المريخ وفوزي المرضي أو النقر الكبير أو الديبة في الهلال مهمين لأن يكونوا مساعدي مدربين حتى يعرفوا الخصوم وكذلك إسداء النصح عند اختيار الفرقة التي سوف تمثل المريخ أو الهلال خصوصاً لو المدرب جديد.

شوف الخواجة بتاع المنتخب ودانا في أسفل سافلين

هذه كلها حقائق لا نستطيع انكارها وذكريات مره لا يمكن نسيانها.
افترى ستيفن قسطنطين فلم يجلب لنا سوى الفضائح.... فعلى دائرة الكره بالمريخ الأخذ بالعبر.

تتنبيه هام:-----------
اليوم الزعيم+ الأمل العطبراوى بالرد كاسل
ابو الهل+سيد الأتيام بمدنى.
نتلاقى باكر الصباح

حليمه رجعت لعادته القديمة الموسم الماضي ما ضييعكم الا كثرة تغيير المدربين
كاربوني ماشي كويس وكسب كل المباريات الودية وفي الممتاز والتمهيدي ماذا تريدون منه اكثر من ذلك؟
لكم التحية والود شيخ الطلاب وعوض السيد وحاج فلس قالوا لي اسمك سقط سهوا من قائمة اغنياء الوطن العربي معليش تعيش وتدخل هذه القائمة

حيّاك ابو عبد الله..... لكن الخواجه كان حاول يفترى تب مانا دايرنو

لك التحية والود اخوي ابوابراهيم واشكرك ولكن لو تسمعوا كلامي امسكوا قوي في الخواجة والله يديكم الفي مراكم

هوي ياحيدر إنت مريخابي (بالقراءة الصامتة) الله لا يديهم الفي مرادهم يعني لو الفي مرادهم يدوا الهلال عشرة!!!

هو انتو قايلين العشرة مابتاخدوها السنة دي ؟

شيخ الطلاب والله ضحكتني طبعا واكيد (الله يديهم الفي مرادهم) قوصناها حتي لا يسرحوا بعيد بخيالهم
ول نويه لك التحية والود لا يااخوي عشرة كتيرة ناسنا اليومين ديل فلسانين وسعرانين والله لو لمو فيكم يا ويلكم

والله ضحكتيني بسعرانين دي والله الفلس دا تاري صحي راجل كلس ونحنا زاتنا دايرين السعرانين دييل لانو لو ماسعران ما بتقدر تواجهنا
نعم منتخبنا غطسو الخواجي لكن الهلال غطسو منو؟ اكيد حق الناس

والله ضحكتنى يا خدوره ام بشق..... ياخى ابوعبدالله قال الله يدينا الفى مرادنا..... والفى مرادنا كاس افريقيا وليس 5+5 لحبيبنا ابو الهل.
تعرف يا حيدر الليله زى الساعه 9:30صباحا اتصلت على فضل الحاج..... لما قال ألو..... قلت معاك النفطى....... ضحك ضحكه قويه.... لكن بينى وبينك بكون قلبو طار.
التحيه والحب لأخينا الأكبر فاكهة الرياضى وتحلية الأدبى خدوره ام بشق

يا عوض السيد اخر المستجدات عن الملحناتي شنو؟ شوف عليك الله يااخوي عشان تعرف حق الناس دا مامنو خلاص تعرف الزول دا بكون ضرب ليهو حق يتيم عشان كدة حصلو سريييييييييع ؛وسعد العمدة دا قول ليهو البخيت بشوف في اخو

ول نويه اخوى زولك غاب زى ما قالو اهلك ناس الخليج.
الزول صرح قال مديونيتو على الهليّل 8مليون دولار وحالف براس أبو ما يخلى فيه مليم أحمر.
الكلام دا بيجوز يا محمد اخوى

ول نويه اخوى زولك غاب زى ما قالو اهلك ناس الخليج.
الزول صرح قال مديونيتو على الهليّل 8مليون دولار وحالف براس أبو ما يخلى فيه مليم أحمر.
الكلام دا بيجوز يا محمد اخوى

واحد يمول والتاني يطبل والله أنا خايف عليكم من الردة العكسية لأنني أتذكر لمن الهلال لعب ضد مازيمبي في الكنغو وأحرز الهدف الأول دخلت أن المنتدى الرياضي وكتبت النتيجة وعوض السيد حايم في المنتدى وفي القيقة 37 دخل أشرف وكتب الهلال متقدم 2 صفر وبعد برهة دخل عوض السيدوكتب يا جماعة خلونا نتأكد الجماعة ديل عايزين يرفعوا ضغطنا ... عشان كدا أنا خايف عليكم وعلى أوهامكم غير المنطقية والواعي ما بفرط للسانه بعدين البلعة بتخنق سيدها

والله كلامك صاح انا كتبت نفس الكلام.
قدرنا انك ما شاء الله تبارك الله ذاكرتك حديد وتخزينك 100%.
لكن بينى وبينك خلينا نصوت ونخرمج وبعدين كان قلبت بنلقى ليها مخرج

دا زمان لمن الملحناتي وجماعتو اكلو حق الغلابة وهسي الردة العكسية بقت فيهم ؛وتاني ابو عنجة ما يقلبو هو ابوعنجة تراه ما هين عندو ادارة وكمان مدرب ومافي زول مطالبو وما لهف حق زول

شكرا للفضل وحيدر خليل للتعليقات الجميلة الظاهر عم فضل ما بجامل ابدا صحيح الفي مرادنا نهزم الهلال عشرين ربنا يقبل دعاء حيدر ياعمي الفضل

ياول نوية حيدر اخلاقة رياضية يدعو للمريخ