لو كنت ناكر للهوي زيك/ عوض احمد خليفة

الشاعر عوض احمد خليفة شاعر رقيق وقد اثري الساحة الغنائية بروائع لاتنتهي ابداً من قلوب المحبيين فهذه واحدة من احد ورائعه الخالدة :
لو كنتا ناكر للهوى زيك كنتا غفرتا ليك
كل العذاب العشته فى حبك وكل حقى عليك
لكنى عايش للهوى وكل يوم اترجا فيك
ورينى كيف أغفر وانت شقاى سببته بيديك
حاولت اخدع نفسي يا ظالم واهجر حبى ليك
حاولت امنع نفسى منك وتانى ما امشى واجيك
ورحلت عنك وعن ديارى وهدمت كل امل لديك
وبرضى ما قادر لما اسيبك لما انساك بشتهيك
مع كل دفقاتى الحنينة وكل دمعة شوق سجينة
تهاتى بيك روحى الحزينة واشقى لما تهاتى بيك
ورينى كيف اغفر وانت هدمت كل آمالى فيك
ما كنتا قايل أنا يوم بلاقى الحب ولا بكشف دروبو
ولا قلبى من شدة إباهو تقدر بتقدر الأشواق تذيبو
لكن غرامك حبه حبه صالاهو بنارو ولهيبو
وسرقت قلبى يا حبيبى تانى كيف منك اجيبو
انت يا ناكر غرامو قلبى ما بتسمع كلامو
وبدون سبب يرضيك خصامو لوعة العشاق تصيبو
تنسانى يا ظالم وقلبى معاك مفتكرك حبيبو
تحياتي

وسرقت قلبى يا حبيبى تانى كيف منك اجيبو

نحيى الابداع يا ول نويه يا فنان

من طرف **حيدر خليل** 8th مايو 2010, 11:50

شاعر كبير تغني له ابراهيم عوض وعثمان حسين وكابلي
شكرا ول نويه دائما تاتي بالجميل

أحد الشعراء الذين يتمتعون بالحس العالي وصدق المشاعر عند الكتابة ..... وهناك صورة شعرية دائماً ترافق قصائدة مثلاً في "ربيع الدنيا" التي تغنى بها الراحل عثمان حسين
من قلبي من أجل المحبة
وهبت ليك شعر الغزل
مع إنو قدامي الطريق
أنا عارفو يا السمحة انقفل
وما في يانور قلبي حتى
بصيص أمل
ما قدرت أقرب من ضراك
وما قدرت لي فراقك أصل
تشابه قصيدته التي غناها أبوعركي " لوكنت ناكر للهوى زيك !"
لكن غرامك حبه حبه صالاهو بنارو ولهيبو
وسرقت قلبى يا حبيبى تانى كيف منك اجيبو
انت يا ناكر غرامو قلبى ما بتسمع كلامو
وبدون سبب يرضيك خصامو لوعة العشاق تصيبو
تنسانى يا ظالم وقلبى معاك مفتكرك حبيبو
التسليم والإعتراف بالهجران والصد من المحبوب جلي في النظمين , بينما لايزال قلب الشاعر معلقاً بالمحبوب , بين الذكرى والإلتياع ,...عوض أحمد خليفة له مجموعة مميزة وعلى نسق ما أوردته آنفــاً .... لك الود أكمله أخي محمد نوية " إختيار موفق ".

نفحاتك الشعرية تمسح الاعماق الحزينة وتخلل المنتدى كالندى ينعش الورد شكرا ول نوية على ((العرضة))المريحة..والفاتح الحاضر دوما لكم الشكر جميعا والتحايا

لكم التحية جميعاً علي مروركم الرائع مروركم دايماً نكهته خاصة ؛ وشكراً ليك يافاتح المرهف علي اضافاتك المشحونة بالجمال دوماً ؛؛؛؛؛؛؛؛؛؛؛؛
فالشاعر الكبير عوض احمد خليفة انا مغرم جداً بكتاباته؛ فكتير من اغنياته تناولت ارق العتاب بين المحبين فهو شاعر ناسج بُردة تلك الأغنيات العبقريات المبهجات؟ يكفيه انه تغني له ابراهيم عوض ب "غاية الامال " وعثمان حسين ب " "خاطرك الغالي" و "صدقيني" و "خلي قلبك معاي شوية" و "ربيع الدنيا" وكما غنى له"عشرة الأيام":-
ليه فجأة دون أسباب
من غير عتاب أو لوم
اخترت غيري صحاب
وأصبحت قاسي ظلوم
هان ليك فراقي خلاص
وأنا برضي حولك أحوم
كان عهدي بيك ترعاها
وأجمل صلاتنا تدوم
عمر السنين أيام

لو كنت ناكر للهوي زيك/ عوض احمد خليفة

لو كنت ناكر للهوي زيك/ عوض احمد خليفة

رد: لو كنت ناكر للهوي زيك/ عوض احمد خليفة

رد: لو كنت ناكر للهوي زيك/ عوض احمد خليفة

رد: لو كنت ناكر للهوي زيك/ عوض احمد خليفة

رد: لو كنت ناكر للهوي زيك/ عوض احمد خليفة

رد: لو كنت ناكر للهوي زيك/ عوض احمد خليفة