ابوجبيهه

؟؟؟سؤال محير رقم 6 ؟؟؟؟

استعرض الموضوع السابق استعرض الموضوع التالي اذهب الى الأسفل

؟؟؟سؤال محير رقم 6 ؟؟؟؟

مُساهمة من طرف Suhad Abduelgfaar في 25th ديسمبر 2010, 20:29

نسبتا لطلبكم اعزائى الكرام
اواصل فى اسئلتى المحيره
لكى نستفيد من اراء بعض

واتاكدو ان الاختلاف فى الرأى لا
..........

السؤال هو
لماذا تخفى حواء عمرها ؟؟؟؟
هل ادم وراء هذا السر؟؟؟؟؟

تحياتى وحبى
لك حواء


عدل سابقا من قبل Suhad Abduelgfaar في 23rd أكتوبر 2012, 11:38 عدل 1 مرات

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف صباح حسن عبد الرحيم في 25th ديسمبر 2010, 20:41

الغالية سهاد مساء الخير
وبالجد بالجد نحنا كلنا انتظار لاسئلتك المحيرة
يااااااا مدهشة
الا سؤالك دا صعب

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف ود عشمان في 25th ديسمبر 2010, 20:50

سهاد تاني قمتي لاسئلتك الصعبه دي

و السؤال دا بخصكم انتم انا حتي الان ما لقيت واحده عمرها 30 سنه كل بنات حواء االبسألهن من اعمارهن بقولن ما بين 19 الي 28 سنة

كده نسالكن مالكن ما بتقولن العمر الحقيقي

لك التقدير

ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف Suhad Abduelgfaar في 25th ديسمبر 2010, 20:54

ضحكتينى يا الصبوحه
والله المشكله هنا اغلبيت ناس المنتدى عارفين اعمارنا
الما عارف ولدويكى متين عارف زميلتك مين
وبعد داك بتظهر الحقيقه الله غالب

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف Suhad Abduelgfaar في 25th ديسمبر 2010, 20:58

ود عشمان يا اخوى
مالك مكتره كدى 30 سنه
خليهن يقرضن على 19 سنه عمر الزهور والهناء

وا خوفى منك يا ادم تكون وراء
هذا السر
تسلم على المرور

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف الفاتح محمد التوم في 25th ديسمبر 2010, 21:30

حــواء تريد أن تشعر بأنها أنثى و تنضج ولكنها عندما تصل سن الــ ( 19 _ 24 ) يبدأ الشعور بالعمــر ..... فإن تزوجت فإنها لا تحبذ أن تبوح به ..... وإن لم تتزوج فالجواب الشباب شباب الروح .... وفي كلا الحالتين تختفي ظاهرة البوح بالعمر الحقيقي.. لذا قالوا " لا تسأل حواء كم عمــرها !!! و لا تسأل الرجل عن راتبــه".....
ولكني أقول هذا شعور طبيعي منتشر في معظم الأوساط ... نتيجة لثقافة مجتمعيه .... حــواء هذه لم تخلق قواماً وشكلاً جمــالاً وأنــاقه ...وأحاسيس ..... و العمر كثيرا ما يمثل دليــلا على النضج وعمق التجارب الحياتية ... فلا حرج يا حواء ....
************************************
ودعشمان.... سهاد أختي الفيها إتعرفت ... بس ألحق أختي الزاغت.... ألله يستر ما تدخل البوست قريب !!!...

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف محمد قادم نوية في 26th ديسمبر 2010, 10:11

شكراً أختنا سهاد علي معاودتك لأسألتك المحيرة !!!!!!!!!!
والليله جيتي في الكلام البخص حواء ذااااااااتا..وأشارطك مافي أي حواء تديك عمرها الحقيقي مهما كانت ؛وكان حاولت تخش في هذا الموضوع لو سحمتِ عمرك كم؟ أو إنتِ فلانه العرسوها ديك موش زميلتك؟ حتسمع مالم تود سماعه

وهسي كان سألنا أي واحده مستحيل توريك عمرها الحقيقي.. مالو قال كان قلتنّ الحقيقة؟
في رأي لا ضرر ان تتجمل المراة ...وتعتنى بمظهرها ..وتغير لون وتسريحة شعرها ...كلما شعرت بالملل ...وأرادت التغيير ..والتغيير هو الحياة ...
لكن أن تشعر المرأة بالحرج ...أن سألت من عمرها ...وأن يشعر الرجل بالحرج ايضا ان يسالها ...او يتخذ من ذلك وسيله للتندر والسخريه منها ....
وارى انه من العيب .التهرب من الجواب ...
ولا يتعلق الامر بالنسوه اللواتى تجاوزن سن الاربعين .وحسب .. بل حتى شابات دون سن الثلاثين ..يأبين زكر هذه الحقيقه المرعبه ..ويصبن بهلع .او يكون رد فعلهن عدوانى ...مبالغ فيه ..لا ارى ابدا ضررا فى زكر العمر الحقيقى ...بل بالعكس سوف تفرحين اكثر كلما قال لكى احدا انكى تبدئين أكثر شبابا من عمرك الحقيقى ....أوليس هذا افضل من الكذب ؟...واثارة الشفقه لدى الناس ؟ ...بدل الاعجاب فيقولون ..(مسكينه تبدو أكبر من عمرها )...
العمر لا يمكن أخفائه ...حتى ولو بشد الوجه ..تبقى هناك تفاصيل تشىء به ..وما الضرر فى ذلك ؟؟...أليس رائعا ان نكبر ونعيش الحياة بكل فصولها ؟؟..ربيعا وصيفا ...خريفا وشتاء ؟...الشباب ليس مرهون بالعمر ...بل هو شباب القلب ..والقلب لا يشيب ..ان ارادت المراة له ذلك ..وشبابه سينعكس بالتاكيد على محياها ..والحب ليس مرهونا بالربيع ..بل هو يزهر فيه ..ويثمر فى الصيف ..ويجنى فى الخريف ..ويؤكل حتى فى الشتاء...
اختى اجعلى قلبك شابا ..ينبض لكل ما فى الحياة من جمال ...ومن اشياء حلوه صغيره ..كتفتح زهر ...او تغريد بلبل ..رغم متاعب الحياة ..
واتمنى ان تكونى صريحه عند السؤال ...ولا تجعلى مسألة العمر تثير قلقك

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف ناهد عبيد في 26th ديسمبر 2010, 10:21

ناس كن ما ولعت النار تجيب العويش

بصراحه كده التحشر ما كويس تب نحنا نتفق ما نسأل عن المرتب كم ومافى داعى تسألونا اههههها اتفقنا

لكم تحياتى والله انتو رائعين

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف Suhad Abduelgfaar في 26th ديسمبر 2010, 23:10

تسلم اخونا الاستاذ الفاتح
على التحليل
الكامل
اها يا اخواتى اخونا الاستاذ عايزنا نعترف
ونقول الحقيقه الكلام ده كيفنه
انا طبعا عندى اربعه اعمار واول مره ابوح بهذا السر لكم احبائى
اولا عمرى 60
لما اكن مع من هن فى الستينات اتونس معهن ولى صديقات حلوات جدا فى سن الستين
ثانيا عمرى ما بين الاربعين والعشرين
عندما اكن مع
صديقات شباب وما عايزات يذيدن من الاربعين لمدة خمسه سنين مضت
وبحب ناس العشرين جدا
وعندى صديقات كثيرات منهن
ثالثا مع عمر 18 و19
ما احلاهم
وهم ينظرون للحياة بكل بساطه
وتفاؤل
والعمر لرابع مع الاطفال
وده احلى عمر بتمنى ما اكبر نهائى وانا معهم
يا لها من برأة وحب ولهو ولعب وخفة الدم
.....
اها قدرتو تعرفو عمرى كم ؟؟؟
تحياتى

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف Suhad Abduelgfaar في 26th ديسمبر 2010, 23:13

تسلم يا اخوى الحاج ود نويه
والله انت ما قصرت تب مع حواء
واديتها الضوء الاخضر
لكى تعترف
اها يا حواء
خليكى صريحه

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف Suhad Abduelgfaar في 26th ديسمبر 2010, 23:16

تسلمى يا بنت عمتى على الروعه
بينى وبينك
فى امراة فى الكون ما بتعرف راتب زوجها كم
والله كان نبحت فى الجزلان كل راس شهر بنعرف الحاصل شنو
تحياتى

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

My sister Suhad

مُساهمة من طرف محمد قادم نوية في 27th ديسمبر 2010, 14:25

حكي لي واحد صحبي ..قال لي يومي بودي خالتو المستوصف للفحص ؛اها قال لي يومياً بتنقص من عمرها 5 سنوات قال لي قلت ليها بعد شوية حتبقي أصغر مني ياخاله ..قالت ليهو يازول لوتاني قلت كلمتك دي أنا بجي براي

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف Suhad Abduelgfaar في 27th ديسمبر 2010, 14:37

ضحكتنى اخوى الحاج ود نويه
وخالتك
شكلها عايزه تقرض على عمر الزهور
19 سنه
كان يخليها تنقص
لسا ا....
تسلم يا رب ويديك كل العمر

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف ندي هاشم في 27th ديسمبر 2010, 19:48

لك التحية اختي سهاد ودايما اسالتك جميلة بتعجبني كيف!
وحقيقة نقولا كلنا بنقول زي ماقلتي (يعني بننقص طوالي )رغم إنو كلام ود قادم حقيقي لكن صعب نقولو
لكن رايك شنو ياود قادم سنة سنتين كدا ننقصها مش معقوله؟
تسملي سهاد وشكرا ود قادم علي التبصيرة الجميلة

ندي هاشم
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف Suhad Abduelgfaar في 28th ديسمبر 2010, 10:00


تسلمى اخيتى الحلوه ندى
وينك يا ستى ما ظاهره
والله فقدناك
وما تتقطعي مننا كتير
ومشكوره على المرور
تحياتى



عدل سابقا من قبل Suhad Abduelgfaar في 16th أبريل 2012, 10:57 عدل 1 مرات

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف فيصل خليل حتيلة في 16th أبريل 2012, 08:15


هههههههههههههههههههههههههههههههههههههههههههههههههههها

ههههههههههههههههههههههههههههههههها

ههههههههههههههههههههها

بنات حواء سلام عليكم

بوست رائع جدا يا سهاد علا مالكم غطستوا حجرو

المحصلة النهائية ان الاعمار بيد الله

غايتو جنس غايتو

تحايا و شكر بالحاويات والله ضحكتونى من الصباح

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف غريق كمبال في 16th أبريل 2012, 09:43

هذا السوال بالجد محتاج لى نقاش عميق

لاحظت فى الفيس كل بنات حواء فى خانت العمر تكتب من مواليد شهر كده وبس والقاعده تكتب عمر تكتب من سنة 90 الى جا92 او93 العجايز فيهن وما لقيت لى واحده كاتبه عمر اكثر من كده لقيت واحده كاتبه 1924ده ما معقول طبعا

على العموم ده سوال داير ليهو اجابه من بنات حواء

غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف محمد قادم نوية في 16th أبريل 2012, 10:55

نبشت سؤال محير لكن!!لينا زمن منو وشايف الناس "رافعة منو القزاز"
فعلاً ياحاج غريق ملاحظتك دقيقة جداً وانا ملاحظها كذلك
في رأي السبب في ذلك يرجعنا الي عصور سحيقة؛ لأن قديماً قالوا إن السر الوحيد الذي تستطيع المرأة الاحتفاظ به هو عمرها! والغريب أن إخفاء حواء لسنّها الحقيقية ظاهرة قديمة، وربما لهذا السبب الوجيه لجأت السيدات إلى ما يحفظ شبابهن ولهذا السبب أيضاً اخترعت المساحيق، التي تطورت فيما بعد إلى (ماكياج) تخفي به المرأة آثار الزمن، ثم كان من حسن حظ حواء أن تطور الماكياج نفسه مع الزمن فأصبحت هناك مراكز تجميل وعمليات لشد الوجه وإزالة التجاعيد، وفي (غضون) ساعات تزيل المرأة (غضون) الزمن ! ومن المعروف أن حواء تضيف سنة إلى عمرها كل عام حتى تبلغ الخامسة والعشرين،ومن ثم تبدأ كل عام بإنقاص سنة من عمرها، وربما (تتكرم) على الزمن فيتوقف نموها عند الثلاثين على أقصى تقدير.
والسؤال الذي يطرح نفسه هنا: لماذا تريد حواء أن تظل صغيرة وجميلة إلى الأبد، ألم تصبح المرأة كما تزعم على قدم (المساواة) مع الرجل؟ أليس في رغبتها الاحتفاظ بشبابها الدائم اعتراف منها بأنها ستظل (الأنثى) رغم كل شيء؟أعتقد أن هناك أسباباً وراء اخفاء المرأة لسنها أهمها الصورة التي رسمتها الثقافات عن المرأة وهي صورة المرأة الشابة وما يسمونه (حواء الخالدة) التي تستطيع أن تبقى دائماً جميلة سواء في عيون زوجها أو عيون المجتمع ككل، ولكن صورة المرأة كإنسان وكائن طبيعي له طفولته وصباه وشبابه وكهولته هي صورة غير متداولة وغير معترف بها! كما أن هناك ضغوطاً نفسية واجتماعية تمارس ضد المرأة وخاصة تسمية سنها المتقدمة (بسن اليأس) والرجال هم جزء من المنظومة الاجتماعية التي تدفع المرأة لذلك .

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف Suhad Abduelgfaar في 16th أبريل 2012, 11:05

[center]البركه فى ضحكتك دى يا (ابو احمد) من الصباح .
ونعم بالله الاعمار بيده
لكن يا عزيزى ما وريتنا رايك شنو فى حواء العايزه توقف الزمن عشان عمرها
مايزيد
ومن وراااء ذلك ؟؟؟؟؟؟؟؟؟
؟
تحياتى


عدل سابقا من قبل Suhad Abduelgfaar في 16th أبريل 2012, 11:21 عدل 1 مرات

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف Suhad Abduelgfaar في 16th أبريل 2012, 11:10

نعم اخوى الزعيم غريق كلامك حقيقى وده الحاصل.
على ما اعتقد حواء تخفى عمرها خوفا منك يا ادم ولا ما كده يا حواء ؟؟؟؟؟؟؟؟؟؟
انا ما قلت حاجه غايتو !!!!!!!!!
!
تحياتى

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف Suhad Abduelgfaar في 16th أبريل 2012, 11:19

ودنويه قال:
والرجال هم جزء من المنظومة الاجتماعية التي تدفع المرأة لذلك .
ليه كده يا ادم دى حواء مسكينه وبتحاول بترضيك
حتى عمرها عايزاه يصغر عشانك .
نصيحه لحواء العمر بالعقل ليست بالشكل عليكى ان تكونى فخوره بكل مراحل عمرك واستمتعى وعيشى حياتك كما ترينها انتى ولا يراها الاخرون وتجملى واهتمى بمظهرك وكونى مرحه
و لا تمرضى نفسك بظهور التجاعيد لان لا بد منها .
اها اخونا ود نويه ما قصر مع حواء .
وينك يا حواء المنتدى ؟؟؟؟؟؟؟؟
؟
تحياتى

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف سومه العمدة في 16th أبريل 2012, 11:58

سهاد سلامات ياست البنات
بعدين يازولة انت ماعارفة انو الاعمار بيد لله
هذا سر لحواء زي ادم كمان ماعندو سر اياكي تسأليه من المرتب كم
انت عارفة احنا قربنا نخش في السن الخطر عشان كدة الواحد فكر انو يغير سيرتو الشخصيةهههههه

***
هترشة
عندى اختى الكبير كانت حاسة شويه مشت الدكتور
قال ليها:العمر؟ قالت 25 بعد سنة مشت تاني
نفس السؤال والمحير كان نفس الرد
اخوي قال ليها سبحان الله نهائي مازاد عمرك ولا يوم واحد

سومه العمدة
نشط مميز
نشط مميز


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف محمد هاشم في 16th أبريل 2012, 12:28


الغالية سهاد
مرة سألت واحدة من عمرها فردت علي بكل غيظ الدنيا
إنت ماعندك شغلة والا شنو ؟؟ وبعدين بتسألني إنت قايلني بت متين؟؟ والا تكون داير تطلع لي جنسية؟؟
وطبعا المراة دي كانت ست شاي وكنت ومعاي إتنين من أصحابي بنشرب عندها شاي )
وبالمناسبة عمرها إحتمال يكون فوق الخمسين
ومنيومها وأنا قررت إني ماأسأل السؤال دا
ولك تحياتي

محمد هاشم
نشط مميز
نشط مميز


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف عثمان محمد يعقوب شاويش في 16th أبريل 2012, 13:20


الغالية سهااااد

(الإمرأة ) سلاحها وقوتها في عمرها وشبابها ...ولذا هي تؤمن نفسها حينما تكون حبيسة ما دون العقد الثالث ...
وتخاف أن ينفلت العيار وتدخل في العقد الرابع وأوهام سن اليأس والعنوسة ...
وقد تفقد سعادة وبهجت سن الشباب إذا تجاوزت العقد الثالث ...
ولكن مهما يكن فأنتن في حدقات العيون ..لأنكن الحياة بكاملها ولو لا المرأة لما ذقنا للحياة طعم ...وحياة الرجل دون إمرأة أشبه بنفيه في صحراء جدباء قاحلة ...
أنتم كالماء لنا بجميع أعماركن من سن 11 وحتي 120 ... إحترامي ،،،


عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف Suhad Abduelgfaar في 17th أبريل 2012, 10:45

هلا بيك يا ستنا
غيابك طال
بركه فى شوفتك
ما تشيلى هم لسا صغيره وجاهلة شنو يعنى عمرك( 16) سنه قوليها عادى
ما تخجلى .والسنه الجايه بنلقى ليها حل عشان نثبتها انشاءالله
.
تحياتى

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف Suhad Abduelgfaar في 17th أبريل 2012, 10:49

ضحكتنى عزيزى محمد هاشم
انت الشلاقه العليك شنو يا ولدى المراة دى تكون شايفه نفسها اصغر منك
وخجلت تقول ليك عمرها 19 سنة عشان كده هاجمتك .
المهم انك حفظت الدرس كويس وما تكررها تانى .
خال
ص ودى لك


Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف Suhad Abduelgfaar في 17th أبريل 2012, 10:51

اها يا حواء اخونا عثمان طمئنك
قولى عمرك ساى من غير خجل
التحيه لكى يا حواء
والتحيه لك اخون
ا عثمان

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف yasir ali aburfas في 7th سبتمبر 2012, 04:34

اول حاجه ان تأتى متاخرا خيرا من ..
بعدين يا سهاد قالو ليك المرأه فى عمرها زى القارات
الواحده من سن الـ19 غايه الـ30 زى قاره افريقيا حيويه ونشاط ودم حار وكنوز مخبأه
ومن سن الـ31 غايه الـ40 زى قاره اسيا رزينه وهاديه ومرطبه ومستقره
ومن الـ41 غايه الـ50 عامله زى قاره امريكا متصلطه وبتدخل فى اى حاجه ما بتخصاها
ومن الـ51 غايه الـ60 تبقى زى قاره أوربا كبيره وعجوزه ومكرمشه وبتحكى عن امجادا القديمه (انا كنت موقفه الحله على رجل واحده وكده)
ومن ال61 غايه الـ 70 زي قاره استراليا بعيده وبارده ومنسيه ومافى زول شغال بيها خالص
وبعدين يل لذيذه العمر ما مهم كم للراجل ولا المرا بقدر ما عملنا فيهو شنو
حاجه تانى قاليك اكثر علما الوطن ارسل لمؤتمر علمى فى بلدكم البارده ديك من ضمن بارامج المؤتمر جوله على معالم المدين التاوريبه دى فلقى فى جولتهم على مقابر علمائم حاجه غريب لمن حسب اعمارهم من الشوتاهد المنصوبه على القبور اكبر واحد فيهم مات وعمرو لم يتجاوز الخمسه سنوات قام افتكرا مقابر اطفال فقالو ليه ديل اكبر علمؤنا بس الاعمار المكتوبه هنا دى المده العاشو فيها محققين انجاز ما
رجع صاحبنا ووصى الجميع انو لمن يموت يكتبو ا على قبرة التالى (جابر احمد جابر ) من بطن امو للمقابر
اهة انت طافيه كم شمعه ولا تابعه اى قاره

yasir ali aburfas
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف Suhad Abduelgfaar في 7th أكتوبر 2012, 14:23

حباب بجيتك ود خالتى حتى ولو متاخره
انا يا اخوى افريقيا سوداء فى كل الاحوال
واحيانا امريكيا سوداء ..........
قدرتة تعرف كم شمعة ؟؟؟؟؟؟؟؟؟
خالص
ودى لك

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف اقبال عبداللطيف في 7th أكتوبر 2012, 20:00

سهاد سلاماااات
المسأله انو حواء مقتنعه انو الشباب بالروح وليس بالعمر ...وتحب دايما ان تحتفظ لروحها بشباب 19 وتزوغ من عمرها الحقيقي لانو ادم كن عرف مااااا بريحا وكلام ساااكت بعجز بيها .


لا اعرف شيئا تواطأ الناس على هضمه وزهدوا في انصافه مثل الحقيقة

اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف Suhad Abduelgfaar في 8th أكتوبر 2012, 20:15

الاستاذه اقبال حمدالله على سلامتك
ضحكتينى والله الخوف من النقة دى زاتها
(عليك الله يا ادم ما تقسو على حواء وبطل نقة فى العمر
)
تحياتى

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف فيصل خليل حتيلة في 22nd أكتوبر 2012, 08:52


سؤال محير رقم 7 لصاحبة البوست الرائع ابنتنا سهاد

هل للغياب المتكرر و الطويل علاقة بعمر سهاد؟ أم ان للغياب اسباب اخرى غير قابلة للنشر ليصبح شأنه

فى ذلك شأن خربشات الغربة؟

لك التحية و نتمنى ان اسمع اخبارك من خلال هذا البوست لو فى العمر بقية

تحايا



بــِقـِـيــنــا ضَـــهــَابــا مِـتــل الــزول ضَـريــر وبــِـلــيــِّــد

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف الطيب الشيخ حسين كندة في 23rd أكتوبر 2012, 03:04

بما إن (للذكر مثل حظ الأنثيين) فيمكننا أن نقسم عمر الرجل ل2 يدينا عمر (المره)مع إضافة 5سنوات (هامش خطأ يدينا عمر (المره) نضيف خمس سنوات لكل عشرة سنة
توضيح

من عمر1- 10 سنة لا تحتاج لإضافة.
من عمر 11-20 نقسم ÷2 ونضيف 5سنوات
من عمر21 - 30 نقسم ÷2 ونضيف 10
من عمر 31- 40 نسم÷2 ونضيف 15
وهكذا
مثال :
(مره)عمرها 18سنة نقسمها على 2 تدينا 9نضيف 5يكون عمرها 14
حساب كدة

مثال تاني عشان تقع ليكم
(مره عمرها 40 سنة نقسمها على 2 تدينا 20نضيف ال15يكون عمرها
35
وما غير ذلك فهو خداع
برضوا في طريقة تاني وهي طريقة الأسنان ودي بتديك العمر الحقيقي



كل الجروح بتروح  **** إلا التي في الروح

خلي الــقلب شــــــباك **** نحو الأمل مفتوح


الطيب الشيخ حسين كندة
مشرف التراث
مشرف التراث


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف Suhad Abduelgfaar في 23rd أكتوبر 2012, 11:52

ابو (احمد) سلامات
وكل عام وانت بالف خير وكل الجمال والامنيات الحلوه محققة
ويديك لما يرضيك بقدر ما بتسال وتفقد الغائبين .
ضحكتنى يا اخوى اكيد الغياب شكله بسبب العمر ونحن طبعا فى الغربة السنة عندنا
سنتين يعنى لما اجى السودان حاكون اكبر منك( بكم شهر) كده .(نرفع ليك معنوياتك شوية كده ) بعد رأى اخونا محمود في عمرك
.
تحياتى

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: ؟؟؟سؤال محير رقم 6 ؟؟؟؟

مُساهمة من طرف Suhad Abduelgfaar في 23rd أكتوبر 2012, 11:57

اها يا حواء دى نظرية علمية ثابتة ما فيها اى كلام (افرحى)
والله ما قصرت اخونا الاستاذ الطيب مع حواء وده حساب مظبوط وكمان مريح نفسيا .
الف حمدلله على سلامتك المنتدى نور بطلتك
وكل عام وانتم بالف خير

تحياتى

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى