ابوجبيهه

&&سؤال محير رقم 7&&

استعرض الموضوع السابق استعرض الموضوع التالي اذهب الى الأسفل

&&سؤال محير رقم 7&&

مُساهمة من طرف Suhad Abduelgfaar في 4th يناير 2011, 11:12

الاغانى الهابطه(كما يسمونها)
اعزائ الافاضل
انتشرت الاغنيه الهابطه
فى الشارع السودانى واصبحت
مطلوبه فى كل الطبقات !!!
ما هو تأثيرهاعلى المجتمع؟؟؟؟؟؟؟؟
اراكم تهمنا
والاختلاف فى الراى لا.........

منتظرينكم

لو قايلة ريدتنا زي مهند ونور
تبقي عيانة وشوفي ليك دكتور
رغم انو هواك ليا فيهو دهور
انتي عادية لا ملاك لا حور
يعني هسه انتي عايشه الدور
هسة في الذمة انتي تشبهي نور
أعقلي شوية وبطلي الأوهام
ناس مهند ونور قصة في الأحلام
عيشي في الواقع عايني لي قدام
ناس مهند ونور قصة في الأفلام

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: &&سؤال محير رقم 7&&

مُساهمة من طرف محمد قادم نوية في 4th يناير 2011, 11:21

مرحب بناس لندن ..حمداً لله بالسلامة وكل عام وأنت بخير ..وين الغيبه الطويلة دي بس ماتقولو لي لسه التلوج مستمر ة ..علي حسب معلوماتنا المتواضعة إنوالأجواء هذه الأيام في أوربا خاصةً الغربية منها دافئة شويه
وتقبلي والجميع تحيات جنابو ..خش عليّ وقال لي خارج نطاق الشكبة العنكبوتية وقال خاش خلوه ؛ يعني حيجي فكي وكدا ؛بس مايكون زي فكي الإنقاذ
*سنعود في وقت لاحق للتعليق علي السؤال
تحياتي

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: &&سؤال محير رقم 7&&

مُساهمة من طرف عوض السيد ابراهيم في 4th يناير 2011, 11:34

سهاد إزيّك وحمدلله على سلامة العوده.
الأغانى الهابطه وأقترح أن يُسمى المتغنون بها بالهابطين.
هذا النوع من الأغانى التى يتغزز الفرد عندما يسمعها لا ترقى لأن تُسمع أو حتى تُقرأ إن كانت مكتوبه على ورق.
يقينى أن تأثيرها على المجتمع كبير لأن بها كلمات هابطه ذات معانى نابيه إن رددها الصغار لا شك أنهم سيتأثرون بها وهذا الشئ إجتماعيا وسلوكيا سيجر إلى ما لا يحمد عقباه.
أتمنى أن يُحارب مثل هذا النوع من الأغانى حتى لا تكثُر الآفات.

عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: &&سؤال محير رقم 7&&

مُساهمة من طرف Suhad Abduelgfaar في 4th يناير 2011, 11:40

تسلم يا ود نويه يا اخوى
وربنا يرجع لينا اخونا الحاج جنابو
بالسلامه وحقيقى فقدناه
اهم حاجه قول ليه بركات معانا
يا شيخنا وتحياتنا له
وشنو
مالك هربت من الرد وكده
منتظرينك

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: &&سؤال محير رقم 7&&

مُساهمة من طرف Suhad Abduelgfaar في 4th يناير 2011, 11:44

تسلم يا اخوى الاستاذ
ويديك العافيه يا رب
وحقيقى دى افات بشريه
يجب محاربتها
وللاسف الكل مستمتع
مما ادى الى انتشارها
[center]

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: &&سؤال محير رقم 7&&

مُساهمة من طرف دولة ابراهيم عوض السيد في 4th يناير 2011, 13:52


كل الاماني محققة وسنة سعيدة عليك.
امثلة:-
ادقك ياقلبي ولا في صدري اسجنك امسكك بايدي اعصر عليك واعجنك جايب لي مصائب اسال تقول حبايب جايب لي الاهة والالام ليا جايب طوالي في الريدة دايب ياقلبي دايب ماعارفة الريدة عالم مليان عجايب..
وغيرة كتيييييييير

اقول ليك بامانة عمليتك ماظريفة وحركتك جبانة..
والله يستر من اللجاي ياسهاد بالجد اغاني مخلة بالذوق العام..

دولة ابراهيم عوض السيد
نشط مميز
نشط مميز


الرجوع الى أعلى الصفحة اذهب الى الأسفل

رد: &&سؤال محير رقم 7&&

مُساهمة من طرف محمد قادم نوية في 4th يناير 2011, 16:32

شكراً يا أخت علي المواصلة في الأسئلة ِ العجيبة.... في المقام الأول هبوط ذوق و إنحدار أخلاق و تدني فكر ..
هبوط ذوق لأن الناس بدأت في تذوق الشعر الهابط الذي يلامس أحاسيسها الطافية على سطح حياتها المليئة بالإحباط و الإكتئاب و اليأس .. فصارت الكلمات الهابطة التي تعرفها في الفيديو كليب و ما شابهه هي الأقرب إلى العقول التي أصابها الصدأ من جراء كل عوامل التصحر الإجتماعي و زحف الحياة السريعة ..
و إنحدار في الأخلاق .. و للأسف أقولها و أنا في قمة التعاسة بأن الأخلاق تتحدرج في هاوية نحو منحدر سحيق لا يعرف إلا المصلحة و المصلحة فقط.
أما تدني الفكر .. فقد صار معظم الناس أسرى لثقافة برامج تلفزيونية معينة هي التي تعشعش في عقولهم .. و ترك الناس البحث في بطون الكتب و أمهاتها ..
هي ليس حاجة مجتمع أختي سهاد و لا ضرب من ثقافة.. هي وسيلة سريعة لتغذية العقول بما يدمرها و لا ينفعها ..
أين نحن من الطرب الأصيل ؟
أين نحن من الكلمات العميقة المعنى .؟
ليت ذلك الزمان يعود

شوفي سيد عبد العزيز قال شنو:
من حور الجنان أم أنت إنسان الكمال
هل أنت الملاك جيت تورى الناس الجمال
سبحان من أنشاك حسناً فى غاية الكمال
يهواك الجنوب واليك ينقاد الشمال
وما أظن يحصوا حسنك لو يحصوا عدد الرمال
وبايه يقدروك يا ملك ملوك عصر الجمال
.................................



محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: &&سؤال محير رقم 7&&

مُساهمة من طرف Suhad Abduelgfaar في 4th يناير 2011, 16:32



وحقيقى اختى دولة
الله يستر علينا من الجاى

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: &&سؤال محير رقم 7&&

مُساهمة من طرف nashi في 4th يناير 2011, 16:51

والله العظيم اول مرة اقرأها ..هيا سهاد يا اختي لقيتيها وين في "لندم" Very Happy
الله يعلم ويشهد هنا مافي طريقه تصلنا
الله يرفع حالنا والله كله واقع
والاقتصاد هو المتحكم في الاخلاق وربك يلطف
ألا قاتل الله الفقر

سؤالك سمح وبدور نكون متمكنين من النماذج واخيتك صفر
بس عندنا زول جنه حفلات بحاول اسأله
وبجيك صاده
------------------------------
شفت احتفالات لندن بالسنه الجديده قلت اكيد ده بكون سبب الغياب
كل عام وانت بالف خير

nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: &&سؤال محير رقم 7&&

مُساهمة من طرف Suhad Abduelgfaar في 4th يناير 2011, 16:57

شوفي سيد عبد العزيز قال شنو:
من حور الجنان أم أنت إنسان الكمال
هل أنت الملاك جيت تورى الناس الجمال

تسلم اخى ود نويه
ويا له من اختلاف ظاهر
اين نحن من هؤلاء كما قلت اخى العزيز
مشكور على الافاده
وربنا يكفينا شر الجاى

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: &&سؤال محير رقم 7&&

مُساهمة من طرف د.الجنيد احمد سليمان في 4th يناير 2011, 17:04

سلام يا سهاد...والله ليك وحشه......وحقيقة هبشت موضوع حساس...واخشى ان يعيد التاريخ نفسه حين شهد العصر العباسى انحطاط فى الادب والزوق العام ..حيث انتشر و>اع شعر القصابين والوراقين وما الى >لك من ركيك القول..انا شخصيا ضد كل أغانى الشباب بما فيهم المجيدين..لانه بهزه التسميه فتحوا الباب لكل من هب ودب ليصدم آزاننا وقبلها زوقنا بقبيح القول ومنحطه ودونك المثال الزى ضربته الاخت دولت...ياخى معقول..؟آسف للاخطاء الملائيه لأنه حرف الزال ابى يكنب معاى

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

رد: &&سؤال محير رقم 7&&

مُساهمة من طرف Suhad Abduelgfaar في 4th يناير 2011, 17:05

تسلمى اخيتى الدكتوره
وكل عام وانت بالف خير
وحاتك
اتفرجنا على العالم فى التلفزيون
يا ستى ما عايزين
العيال
يتعودو
من هسا وبعدين نقول ليهم لالا
يقولو ما وديتونا براكم
اصلنا مشينا مره والحال ما عجبنى

والله يا اخيتى بنسمع ليك فى كلام كده
زى الونسه
طه سليمان قال شنو
لا حول الله انت اصله شنو
و اسمه شنو وساكن وين
والغريبه يونس واخوته
دى الوحيده الحافظينها
وكمان قنبله حلاة الزول فى الطول والعلا
طبعا عاجباهم الموسيقى اكتر من الكلام
والله حيرونا
الفنانين
ديل
هى قصدى النهاقين ديل

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: &&سؤال محير رقم 7&&

مُساهمة من طرف Suhad Abduelgfaar في 4th يناير 2011, 17:14

نورت يا الدكتور يا اخوى
علا الشبكه دى ما بالغت معانا
وكل عام وانت بالف خير
وربنا يسعدكم
وتحياتى للعيال وامهم
وبينى وبينك كده
انتو عاجباكم واحده بس
ومطمناكم
(راجل المره ....)
ولا انا كضابه
مشكور على المرور الرائع

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: &&سؤال محير رقم 7&&

مُساهمة من طرف سومه العمدة في 4th يناير 2011, 19:38

كل عام وانتي بالف خير اختي سهاد..
في الحقيقة سؤال محتاج الي اجابة لكن من سمعك..هو عليك الله فنان واسمه الجزار ده يبقى نافع..
يقول الجزار( الله) يهديه:سلك شايك شبك فيني..شرط جيب القميص مني.
عليك الله ده اسمه كلام
اتنو عارفين مافي طريقة الى الدعاء، الله يهدي الشباب أجمعين (آمين)..

سومه العمدة
نشط مميز
نشط مميز


الرجوع الى أعلى الصفحة اذهب الى الأسفل

رد: &&سؤال محير رقم 7&&

مُساهمة من طرف صباح حسن عبد الرحيم في 5th يناير 2011, 00:06

مشكورة كتير يا رائعة علي السؤال الجميل
وحقيقة هدا اسمه انحطاط وهبوط ماليهو حد قال فن قال
كل واحد جاااااااي يهنق بكلمات اقبح من اللي قبلة
علي سبيل المثال غنية ....هي ترا كان للعريس دا حقنا
وغيره وغيره
بس ربك يستر ويكفينا شر الجاي
تسلمي يا غالية

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: &&سؤال محير رقم 7&&

مُساهمة من طرف Suhad Abduelgfaar في 5th يناير 2011, 10:33

[center]تسلمى اخيتى سومه
وانتى طيبه
ويحقق كل الحاجات الحلوه
وحقيقى علينا الدعاء
ربنا يصلح الحال

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: &&سؤال محير رقم 7&&

مُساهمة من طرف Suhad Abduelgfaar في 5th يناير 2011, 10:44

يديك العافيه
يا صبوحه الصبوحه
الله غالب
ولسا المسئاله مستمره
متشكره على المرور
يا غاليه

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: &&سؤال محير رقم 7&&

مُساهمة من طرف د.الجنيد احمد سليمان في 5th يناير 2011, 11:42

وبينى وبينك كده
انتو عاجباكم واحده بس
ومطمناكم
(راجل المره ....)
ولا انا كضابه
والله بينى وبينك كدا...وتحت تحت ياسهاد...آآآآآآآآآآآآآآآآآآآآآآآآآآآآآآآآآى عاجباااااااااااااااااااااانا...ولا شنو يا عصمان ود الشاويش...دى على وزن :أخوى الكاشف

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

رد: &&سؤال محير رقم 7&&

مُساهمة من طرف Suhad Abduelgfaar في 5th يناير 2011, 12:04

تسلم اخوى الدكتور علا اخوى الكاشف ده خلى ساكت ساى
لان المسعله
بجيب ليها تزكرة سفرعديل كده
وكميل كروت تلفونات
فى التبريرات
ربنا يسعدكم

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

سهاد غياب محير رقم "................."

مُساهمة من طرف الفاتح محمد التوم في 22nd أبريل 2013, 13:44

حرامي القلوب تلب ,,,, حرامي القلوب قبضوه ... وتاني شرد!!!
دي تلاته أغاني مختلفة...
عليكم ألله دي أغاني ولاّ يوميـــات تحري ؟؟؟؟؟؟؟؟
***...***
***سهاد غياب محير رقم "....."***

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: &&سؤال محير رقم 7&&

مُساهمة من طرف Suhad Abduelgfaar في 7th مايو 2013, 21:29

سلامات استاذي الفاتح
صدقني الغياب ما بيدي بس الجري كتر علينا
تحياتي للعيال وامهم[center]

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى