ابوجبيهه

بشري سارة للمتزوجين

استعرض الموضوع السابق استعرض الموضوع التالي اذهب الى الأسفل

بشري سارة للمتزوجين

مُساهمة من طرف ود عشمان في 21st يناير 2011, 02:26


في مكالمة هاتفية دارت بين و بين عمي حامد البوليس و هو رجل حبوب و لطيف و دائما بقول لي البوليس دا القبلة الخامسة .. و قال في مره من المرات راكب في المواصلات بجوارو اثنين من الرجال و كانو بتونسو في واحد قال له ولدك كيف ؟؟ الرجل التاني قال له الولد طلع سفيه و ما نافع و ترك الدراسة .. قال له سمح ما ترمي في البوليس .. عمي ضحك شديد حتي لفت انتباههم قال لهم البوليس دا القبلة الخامسة الولد جيبو ارمي معانا .. دا ما موضوعنا

الموضوع هو عمي البوليس قال لي اليومين دا اسعار السلع مرتفعة جدا لكن قال لي العرس رخيص جدا و قلت له بكلف كم يعني ؟؟ قال لي الزواج بكلف خمسمائة الف يعني خمسمائة جنية بالحساب الحالي لكن قال لي المتزوجين ممكن يلقي له حاجة بحوالي باربعمائةالف .. و قلت له السبب شنو قال لي هو انفصال الجنوب ..
انا في تقديري دي فرصة ذهبية للسادة المتزوجين الراغبين في الزواج مرة تانية او ( التدبل ) و لا تدعو الفرصة تفوتكم انها فرصة ذهبية ..

و اقعدوا عافية نشوفكم بعد يومين انشاء الله ..

لكم التقدير
avatar
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف فيصل خليل حتيلة في 14th فبراير 2011, 16:07

ول عشمان اخوى جيت من بلد الزهور ولا يا توا

والله العرض مغرى جدا بس كدى شوف لى عمك دا الجماعة ديل ما بنزلو السعر دا شويه باقى اخوك اليومين

دى بفرفر شويه ( فينى باقى روح بى الله ) ولا اقول ليك حاجة رسل لى عنونك عمك البوليس دا يمكن العروض

فى وزارة الداخلية تكون افضل شويه.

أوبس سورى يا جماعه كلامى هظار ساى ( شايف الجماعة فى المنتدى اى واحد بعاين للتانى ) الله يجيب العواقب

سليمه والله دى كان مرقت منها بعمل كرامه تب الا ناس الشمارات كتروا الزمن الفينا دا.

تحياتى


عدل سابقا من قبل فيصل خليل حتيلة في 14th فبراير 2011, 16:45 عدل 1 مرات
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف محمد قادم نوية في 14th فبراير 2011, 16:42

معني كده نفهم يا ول عشمان إنو الكلام ده مابخصنا ..خاص بصحبك ده والمعاهو
وكيفك يااخوي مع بلدكم المليانه برد دي خلينا نسمع صوتك تاني ونشوف إشراقاتك الجميله دي
شكراً لقد قمت بخدمه جليلة للسادة المتزوجين.. لو ماوزراء الداخلية بتاعنهم عملو معاك حرب "البسوس"لأنو وريتم طريق ماكانو عارفنو
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف ابوهريرة عثمان عبدالسلام في 14th فبراير 2011, 21:55

اولا ياودعشمان اخوى عمك حامد دا دايرك تجى تعرس ساى عشان كدة حبب ليك الحكاية عشان تجى تخش وتوكر لكن اسمع كلامى انا لوجاى تعرس خت ليك عشرين مليون طرف ده غير التذاكر لبريطانيا وكان ما مصدق انا بمشى بقابله فى الاوسط عمنا الصول حامد التلب خلى يشوف لى من ابو 400

ودنوية الكلام دا ما يخوفك تقوم تجفل من العرس وتانى تديها سنة فى بلادبره
avatar
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف amin_manga في 16th فبراير 2011, 22:48

هووووي يا عيال انقرعوا.....وارعو بي قيدكو
توة دا الكلام البجيب ليكو الهوى من الصين والكتاحة من بلد الترك والعصار من فرنسا والكدو من داخل
ونصيحتي ليكو الكلام دا ادفنوهو في بكانة دا !!
ارقدوا عافية

avatar
amin_manga
نشط مميز
نشط مميز


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف ابوهريرة عثمان عبدالسلام في 16th فبراير 2011, 23:04

جنابو دا الكدو ماخوفو عديل
avatar
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف ود عشمان في 17th فبراير 2011, 01:02


العزيز ول ابا حتيله

انشاء الله البقيرات ملعشيات .. اخي العوين رخصن اليومين ديل انت بس شد حيلك و خليك قاعد ربيطه ما تكلم زول اعقد و قول لي وزيرة الداخليه ما كنت داير اعمل العملية دي لكن عم ود عشمان جاب لينا عرض مغري ما بتفوت و اتحمل ام دلاديم لمدة اسبوع .. خربانة ام بناية ام قش ..

العزيز ول نوية

اخي انت خليك معي في الصف كده نشوف الجماعة اللبسين بدل و كرفتات نشوف حد رجالتهم وين ..

العزيز ابوهريره

انت قالوا محامي كبير و بتشكشك النيران في محلها كده دق سدرك و امشي لعمي حامد التلب يشوف ليك حاجه من ابو اربعمائة عشان نشوف حد رجالتك دا وين ..

العزيز سعادة الظابط جنابو

يا اخوي ما قالوا لي كتفك مليانه نجوم و دبابير و مغلغل القسم كلو .. جنابو امين جا .. جنابو امين طلع .. كده شد حيلك و كمل رجالتك و خلي عمي حامد وكيل عريف يشوف ليك اي حاجه من ابو خمسمائة و ما في داعي للخوف و لا تدعي الفرصة تفوتك ..

والله مشتاقين ليكم و برجع ليكم قريب انشاءالله بعد رجوعي من السفر و سلمو لي علي بقية الجماعة في المنتدي

لكم التقدير

avatar
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف ابوهريرة عثمان عبدالسلام في 17th فبراير 2011, 10:06

انت ياابراهيم لاقى الهواء تضرى ساااى كدة انت خلينا نحن ديل لانو دربنا اتعرف لكن كدى انت وول نوية تعالو احجزوا اول لانو ابوخمسمائة دا دايرنو ليكم وعشان مايكمل تعالوا احجزو لانو انحنا كان جينا مع ناس جنابو ديل المية ما فارقة وبنقع ابو 500 وبعدين ماتلموا فى ابو400 يلة ابو مارقين
avatar
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف اقبال عبداللطيف في 17th فبراير 2011, 11:20

ثابت ارفع يدك انكد الفي جيبك معاكم بوليس امن الزوجات..كويس والله مطرفين بالموضوع.كلام جنابو دا اسمعو..وودعثمان تأبط شرا..وين البشرى هسي ..اعملو حسابكم حنقفل المنتدى دا..صحي البلقى الهوا بضري الحصا..والونسة ما حرام..اتونسو تحياتي واحترامي للجميع


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف فيصل خليل حتيلة في 17th فبراير 2011, 11:31


جنابو طبعا بتاع بوليس و عرف انو فى كمين بس يا اقبال نحنا قاعدين نتونس يعنى الموضوع

دا خليه بيناتنا و اوعى تمشى تعملى لينا هوى فى وزارة الداخليه.

الله يجازى محنك يا ود عشمان عملهتا فينا ياخ

اقبال لكين ما عملتيها فينا الجابك هنا شنو تنكتى فى المصايب دى يلا قومى ارجعى البيت.

تحياتى
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف محمد قادم نوية في 17th فبراير 2011, 12:12

سلامات ياوريف أباهريرة ..كده شوف لينا حاجه كده بأقساط مريحه مع صحبي ده وإنتو أعملو الدايرنو!وخلينا نشوفك تاني ياخي في الفيس بمركوبك بتاع النمرالعجيب داك
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف اقبال عبداللطيف في 17th فبراير 2011, 12:32

قلتو الروب ودقيتوا جرس يافيصل ؟خلاص لازم تكفرو كل واحد يدفع 500جنيه لمرتو..وخلو ود عثمان يدفعها عشان مانثور ضده..ول نوية اخير ليك انقرع..التحية لجنابو زينة الرجال الله يكملك بعقلك سير سير يا امين نحنا وراك للتأمين..


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف فيصل خليل حتيلة في 17th فبراير 2011, 12:46


اقبال الله يجازى محنك يا بت خالتى

قلتى لى فيها ابتزاز كمان اوكى مافى مانع بندفع ال 500 بس مشروعنا قايم.

انتى اقعدى سيرى وراء جنابو امين نمن تلقيه عريس فى عوس الرمال

تحياتى
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف صباح حسن عبد الرحيم في 17th فبراير 2011, 13:04

سير سير يا امين نحن وراك للتامين
يا ابو هريرة وفيصل خليل
انقرعووووووووووووووووا
هسع نضرب تلفوناااااااات
ود عشمان و ود نويه ابقوا مارقين ساي
تسلموا

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف فيصل خليل حتيلة في 17th فبراير 2011, 13:55


شوف المصيبه يا ابوهوريرة الوقعنا فيها ( طابور خامس بقيادة جنابو امين منقه )

بس يا صباح والله قوات التأمين بتاعتكم دى مافى ليها طريقة مع ثورة ( ميدان تحرير ) الشباب من الزيجة الواحده.

يسقط يسقط جنابو امين

ود عشمان فى الميدان

الله اكبر
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف اقبال عبداللطيف في 17th فبراير 2011, 15:03

شفت يافيصل الكوم بدا يكبر كدي نخطب:ياجماهير ثورة مرة تانيةمافي الشرفاء جانا ود عثمان يبشر الرجال يحرضهم ضد افكار واهداف ثورتنا السمحة ..صباح كلمي النسوان يطلعن الميدان ..نشوف ود عثمان بيمشي ولا بيقعد..وكل واحدة فيهن تجدد الحواطة.دمتم لنصرة ثورتكم يا ولية ثوري...ثوري ضد الراجل وما تخلي لي تعريفة.


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف فيصل خليل حتيلة في 17th فبراير 2011, 15:50


شايف الكوم كبر يا بت خالتى لكين شغالين عشان نسقط كل ( حكوماتكم ) حكومات الفرد الواحد.

نعم للديموقراطية ولا لحكومة الفرد الواحد.

الديموقراطية تعنى لنا ( التعدد ) فى كل شئ.

انتى تاريكى ما قاعدة فى الواطة.

لك و لصاحب البوست التحيه.
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف ابوهريرة عثمان عبدالسلام في 18th فبراير 2011, 00:35

اختنا اقبال دايره تشتغل معاكم باستراتيجية الافلاس اولا البوليس بتاعها قال ارفع يدك وطلع الفى جيبك وتانى طالبت بتحويل المبلغ لوزارة الداخلية كتعويض والثورة حتقوم وماتخلى تعريفة للراجل يعنى حصار اقتصادى عديل ,عشان كده ياعشمان كده شوف لينا بالفاتحة مافى .
بعدين ياخى البوست قالو فيه بشرى للمتزوجين وليس المتزوجات النا ديل الدخلهم شنو .

الرائع ود نوية انت بس ادينا الاشارة وتعال اخوك يلف عمتو ويلبس مركب النمر ويتقدم ليك وتلقى الموضوع تمام التمام .

اخت صباح انت الايام دى براكى سهاد مشغولة مع الرحول ياخى ما تجاملى اخوكم ودعشمان ده شوية ولا الكلام دا ما فيهو هظار.

فيصل خليل الثورة دى مستهدفة الاقتصاد فعليك بعمل استراتيجية اقتصادية ومخزون وستفشل الثورة.

انت ياابراهيم تحمش النيران وتمشى تقعد هناك تشوف.

تحياتى

avatar
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف amin_manga في 20th فبراير 2011, 15:09

يا اخ فيصل الله يخليك اولا :-
* نحن ضد خراب البيوت
* نكافح الجريمة قبال وقوعها عشان نكفي المؤمنين شر بنات حواء (اقصد شر القتال)
* ياخي ابعد من الشر و..........
*حاولوا تقبلوا بالتسوية دي وتتخارجوا قبل ما الرماد يكيل حماد
وما دايرين نشوف شيل التمساح فيكم ؟ والابى الصلح ندمااااان
avatar
amin_manga
نشط مميز
نشط مميز


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف محمد قادم نوية في 20th فبراير 2011, 15:22

amin_manga كتب:يا اخ فيصل الله يخليك اولا :-
* نحن ضد خراب البيوت
* نكافح الجريمة قبال وقوعها عشان نكفي المؤمنين شر بنات حواء (اقصد شر القتال)
* ياخي ابعد من الشر و..........
*حاولوا تقبلوا بالتسوية دي وتتخارجوا قبل ما الرماد يكيل حماد
وما دايرين نشوف شيل التمساح فيكم ؟ والابى الصلح ندمااااان
دي الوصيه ولا بلاش ..لاتقول لي وصية وردي لاحمد الريح ؛زي ماعارف ياصحبي جنابو ده زول خبره في الحاجات دي والكلام البقولو ليكم أسمعوهو تمام وختوهو محل الجد 0
وفيك الخيريا أبا هريرة مابتقصر وجاينك جاينك
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف فيصل خليل حتيلة في 20th فبراير 2011, 15:37


ممكن نرفع تمام و ممكن لا سعادتك.

بصفتنا الاجتماعية نحن فقط نبحث عن العدالة يا سعادتك و لا نقبل بتسوية الاخت اقبال لانها مجحفة.

نحن لا نتنازل من حقوقنا القانونية و الشرعية يا سعادتك و يجب ان نطالب بها فقط بالشكل اللائق.

الجمعه الجايه سنسير مسيرة الى وزارة الشئون الاجتماعية و نرفع تظلمنا للسيد الوزير.

فى امان الله
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف محمد النو في 20th فبراير 2011, 17:34

ياود عشمان انت حاليا متورط جدا لان السيدات بضعوك في القائمة السوداء عاد شوف ليك حل مع عمك ويعتبر دا تحريض في راي العوين المتزوجات لكن ربما يكون خبر مفرح للمنتظرات.
ربنا يرخص السلع ويحفظ اهلنا من كل مكروه
avatar
محمد النو
نشط مميز
نشط مميز


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف اقبال عبداللطيف في 21st فبراير 2011, 17:37

آخر اغنية للبنات:مابدورو راجل المرة..يطلع من الساحةبرة..دا مشاعرو كرفانة(بيت متنقل) مابينفع معانا ..عاجبني يايمة الراجل السنقل ..داحساس وشاعر زي دنقل..اها يافيصل رايك ماكمل.؟شكرا لود عثمان وللجميع على الروح المرحة


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف صباح حسن عبد الرحيم في 21st فبراير 2011, 20:46

عاجبني يا يمه الراجل السنقل ,,,,,,,,,,,,,
ههههههههههههههههههههههه
دي حلوة يا اقبال
الاخ فيصل خليل بالواضح كده قالولك بدورن السنقلللللللللللللللللللللللللل
يعني مافي طريقة
تسلموا يا اعزاء

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف فيصل خليل حتيلة في 22nd فبراير 2011, 09:35


شكرا لكم جميعا

بالفعل هذا البوست اصبح استراحه صباحيه يفعل مفعول فنجان قهوه مدنكل تحت نيماية وريفه فى الحباك.

اقبال و صباح انتم فاكهة هذا المنتدى و تعجبنى جدا مداخلاتكم خفيفة الظل كبيرة المعنى و المبنى.

بس يا اقبال صاحب المشاعر الكرفانه دا بينفع معانا.

يديكم العافيه و اشكركم كتير
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف أزهرى الحاج البشير في 22nd فبراير 2011, 09:42

والله يا ود عشمان حظي تعيس وجيت متأخر على البوست .. المهم زي ما قلت دا ما موضوعنا .. المهم تشوف لي عمك حامد وانا داير لي تلاتة كده حتة واحدة قبل الجنوبيين ما يتطوا من إنفصالهم.
avatar
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف صباح حسن عبد الرحيم في 22nd فبراير 2011, 11:34

العم الغالي ازهري
صباح الخير
تلاتة مره واحدة
انت ما سمعت الغنية ولا شنو؟
قااااااااااااااااااااالن
السنقل السنقل السنقل
واخينا فيصل خليل قطع شك بيكون حفظها ...
ود عشمان ود نوية
عوووووووووووووووووووووووووك

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف ود عشمان في 23rd فبراير 2011, 03:14


الاعزاء المتداخلين

حبابكم عشره بدون كشره .. معليش انا كنت علي سفر وصلت لتوي ..
و شايف الاخوات اقبال عبداللطيف و صباح حسن ما قبلانات الاخوان يتحررو من غسيل العدة و شايف المسيرات كترت من قبل الاخوان الراغبين في التحرر امثال الاخ فيصل خليل و ابوهريره و الاستاذ ازهري لكن انا اناشد الاخوه يطلعو في مسيرات سلميه تنادي بتعدد الزوجات و افضل الاخوه فيصل و ازهري يقود المسيره الي ميدان التحرير لانو الشعب يريد اسقاط قانون الزوجة الواحده و اعملو حسابكم من البلطجية امثال جنابو امين منقا .. و انت يا عزيزي محمد نوية خليك في لجنة اعداد الدستور الجديد .. و انا احيّ اي واحد دق سدرو امثال الاستاذ ازهري لانو قال داير تلاته حتة واحده و اي واحد داير تلاته انا اقول لعمي يعمل له تخفيض كويس يعني ممكن يشتري اثنين من ابوخمسمائة و التالته مجاااااان رايكم شنو

لكم التقدير
avatar
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف محمد قادم نوية في 23rd فبراير 2011, 09:56

ياول عشمان كيفك مشتاقين ؛لكن يااخوي قومتا لينا نار عجيبه خلاص في محلك ده ؛شايف الكلام كتر والمعركة حتطول ؛هو فيها حاجه لو الواحد حصل السقف المحدد(أربعه)وكدا ؛كي يااخوي أدعو ربنا يلمك في عبد الواحد محمد نور دا والباقي بنتم بإذن الله
نشوفك ياحبيب
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف فيصل خليل حتيلة في 23rd فبراير 2011, 14:09


تعيش يا ول ابا عشمان ( الخواجيات اسعارم كيف )

نحنا بنحارب فى عبدالواحد يا ول نويه
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف صباح حسن عبد الرحيم في 23rd فبراير 2011, 14:41

الاخ فيصل خليل
انت حكايتك شنو يا اخوي؟
الظاهر التلفوناااااااااات ما بتجيب حقها الا اكان نشوف طريقة تانية
الخواجيات اسعارم نااااااااااااااااااااااار حمره
تسلم

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف ود عشمان في 23rd فبراير 2011, 15:16


العزيز ول ابوي خليل

اسمع الكلام البفرحك ما تسمع الكلام البزعلك .. بالنسبة لمداخلات الاخت صباح حسن صحي كلامها قبل خمسة سنوات كان الخواجيات اسعارهن نار لكن اليومين دي رخيصات رخصت التبش في سوق ام برمبيطة بعد شهر تسعة لو لديك الرغبة ممكن نلقي ليك حاجه كده كويسه و نخلي الاخوات صباح و سهاد يختارن ليك الشيلة بس انت ابقي مارق ..

لكم التقدير
avatar
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف فيصل خليل حتيلة في 23rd فبراير 2011, 15:25


كلامك حلو حار ول ابا عشمان لابد الخواجيات برضو بدورن الشيله كمان.

كى شوف لاخوك واحده كويسه كى و بعد شهر برسل ( مية ) جنيح قولت خير

كلامك عجبنى شديد الا بت ابوك حسن الاسمها صباح مع اقبال بت ابوك عبداللطيف باقيات

ليا فى حلقومى محل ما اقبل هنا قدامى .

امبا كر بشوفك فى حدبتكم

avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف صباح حسن عبد الرحيم في 23rd فبراير 2011, 15:28

الاخ ود عشمان يديك العافية
انت كمان تساعد فيهم
شيلة قاااااااال يشوفها في الحلم

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف اقبال عبداللطيف في 23rd فبراير 2011, 16:54

صبوحة ازيك ان شاءالله طيبة..ودعثمان بركة الجيت لكن مرة الا تجيبا من غادي .العوين هنا حرمن عليك..تحياتي للجميع


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف ادم محمد ادم سراقه في 16th مايو 2011, 13:46

يا ول عشمان انت عارف عمك بوليس شغال استدراج في الجماعه دايرهم يفكو احرهم
وبعدين بقوم بقبض عليهم مستندات يلوح بها بعد الضروره
و بعدين الناس ديل لقو الهواء خليهم يضروا و طبعا اقبال دي بتاعت استخبارات
قويه يا فيصل تكون وصلت الخبر للبيت قبيل عشان كده اعمل حسابك
مع تحياتي يا ود عشمان

ادم محمد ادم سراقه
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف اقبال عبداللطيف في 5th نوفمبر 2013, 21:28

ود عشمان دا مرفود من المنتدى


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف abunousa في 6th نوفمبر 2013, 12:28

يا بوليس امن الزوجات ود عشمان يقصد شنو بين القوسبن ( او التبديل ) .
avatar
abunousa
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: بشري سارة للمتزوجين

مُساهمة من طرف اقبال عبداللطيف في 10th نوفمبر 2013, 18:29

ابو نوسة سلامات ..ود عشمان الطابور فصلو من المنتدى ..وكلامو خلي ساكت ..تبديل وين عليها تحيا وعليها تموت وربنا يطول في اعماركم


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى