اوبريت كردفان

نا البحر الطمح هادر...وانا الروض الجميل ناضر...وانا المثل النبيل ساير...وانا الفولة وانا الداير...اناكردفان ...انا الغيمة وانا المحصول...انا العينة وانا البترول ...انا الدابي البعيق الزول...انا كردفان انا ام الرجال...انا الزول الكتل جيش هكس في شيكان...وانا الزول الزمان عمر ربا ام درمان...انا كردفان...عرفتك يا وليدي الفارس الغلاب...بيتك كلو خير مليان فريك وهشاب...عرفتك ياصبي في الحومة اسدالغاب...وكتين ترقص المردوم وسيم جذاب..*مكتول هواك ياكردفان

صباح الخير يا بت خالتى

شكلك الليلة من الصباح فاض بيكى الشوق و الحنين لجبل الداير-سدره-ابوكرشولا-الفيض الى أخره.

تسلمى و كردفان الكلام عنها و فيها كتير.

كردفان بلــــــدي ليكي جد مشــــــتاق يالفريد حسنــــــــــك شوقك الحــــراق
أطلع المسرح عشـــــان أغني وأعدد في صفات أهلي وأحكي عن زول زول
طيبة موروثة بكـــــــرم موصـــــــول والجمال فطري أصــــــــــلو ما معقول
في كردفان بلدي
في رمـــــــالك أتوه وأطلـــــع القيزان أسقي أزهارك وأرعى بالغــــــــــزلان
من عيون أهــــــــلك آه أنا الولهــــان توحي للزاير الطيـــــبة والتحـــــــنان
في كردفان بلدي
في شمال أم بل وقاصــــــــــد أم بادر أمشي تلقـــــــــى هناك النعـــــم سادر
فيه تتغــــــــزل أوعى لا تســـــــــادر بس تهــــــامس الريل والإله قـــــادر
في كردفان بلدي
جل رب الكـــون وخص بجمــــــــاله بأراك فـــــــــواح وبانة ميـــــــــــاله
والنجــــــــوم بالليـــــــل فوق بتتلالا عن صفــــــات أهلك بتحكي لرمــــاله
في كردفان بلدي